يا خاطفي وين ألقى عزتي في زمان المذلة !
:::
:::
:::
وقفت جنب الباب وسمعت صوت يوسف وشخص معآه
يوسف: رغد الدكتور وليد حآب يعزيك بنفسه
رغد : طـ...طيييب
د وليد: السلام عليكم
رغد: وعليكم السلآم
د وليد: كيفك رغد ؟
رغد : الحمدلله عايشه
د وليد: أحسن الله عزآك
رغد بكت: جزآك الله خير
د وليد: إن شاء الله أخر الأحزآن
رغد تمسح دموعهآ: الله يسمع منك
د وليد: أخليك الحين
رغد: مآقصرت تعبت نفسك
د وليد: تعبك رآحه .. لآزم نقوم بالوآجب
رغد: مشكور دكتور
د وليد: العفو .. مع السلامه
رغد: الله معك ... سكرت الباب وأستندت على الباب نزلت دموعهآ أكثر
{ رغد }
الحين هذآ د وليد اللي كنت أكرهه جآء بنفسه يعزيني ... من جد أنه طيب وأصيل وأنا اللي كنت مفكرته وآحد مش ولآبد ...بجد النآس موآقف بس كيف عرف بيتنآ الحين انا وين وهو وين
دخلت الصاله وجلست جنب فاتن وتفكيرهآ مستمر بـ " وليد " بآلرغم أن الوقت والمكآن والحال غير منآسب
:::
:::
:::
بهذآ الوقت في الرياض
كآنوآ جآلسين يسولفون مع بعض ومستآنسين .. رجعة أم فهد غيرت روتين حيآتهم وتوآجد رآكآن بينهم أضآف أحسآس جعل حيآتهم أجمل
فهد يضحك:هههههههههه
شوق كشرت: هين يافهد هذآ كله عشآن طحت
فهد ماسك بطنه: انتي ماشفتي شكلك لما طحتي كان تضحكين
شوق بزعل: خالتي شوفي ولدك خليه يسكت
ام فهد ابتسمت: خلاص يافهود اسكت ترى بتزعل وزعل الحرمه يوريك الويل
فهد: لآ اجل اذا كذا بنطم
شوق تصب لنفسها شاي : خالتي تبين ؟
ام فهد: ايوه حبيبتي الشاي مع الجو الحلو مايتعوض
فهد يطالع الجو: الله يسلمك يمه ويش حلو ماتشوفين الحر والكتمه
ام فهد: بالعكس الجو حلو
كآنوآ جالسين بالحديقه بالجلسه الخشبيه
شوق ترمش بعيونها: صادقه خالتي الجو زين
فهد يطالعها بغرور: تقولين كذا عشانك منقهره مني والا الحقيقه غير كذا
شوق تلف عنه وترمش بعيونها: ايوه خالتي سولفيلي
أم فهد نزلت كوبهآ:عن أيش أقولك بالزبط ؟
شوق: عن أيآم زمآن عن اللي بخاطرك تبين تسولفين عنه ؟
ام فهد تحاول تتذكر: والله ماعندي شي ..أنتي حكيني عن أهلك وأخوآتك كيف كآنت حيآتك
شوق ابتسمت: حيآتي كآنت عآديه ناس على قد حالنا توفت أمي وأنآ صغيره وقتهآ كنت بالمتوسط أظن ربتنآ زوجة عمي لأننآ كنآ ساكنين في بيت وآحد
ام فهد بأهتمآم:وكيف علاقتك ببنآت عمك
شوق توسعت أبتسآمتهآ أكثر: قصدك أخوآتي ..كأننآ أخوآت من أم وأب مو بنآت عم
ام فهد : كنت أتمنى عندي أخ وأخت بس يالله جبت ولدين
فهد يضحك: كل واحد كآن في ديره
ام فهد: قول الحمدلله عندك أخ
فهد كشر: مآقلنآ شي
دق جوآل أم فهد وردت بحب: هلآ بعيوني
فهد لف على شوق وعلى وجهه علامة استفهآم
امه: تنورين ياعيوني البيت بيتك مآ يحتآج تتصلي تستأذني ...لا ياعمري سلامتك بس لآ تتأخري مشتاقه لك ..مع السلآمه
فهد أقترنت حوآجبه وطالعهآ بخبث: مين هذي اللي مايحتآج تتصل تستأذن
ام فهد: صفآء
فهد تفاجئ:صفآآآء؟.. ويش تبي ؟
ام فهد تضحك: تبي تجي مشتآقه لحضرتي
فهد عبس: أقول امي أنا نسيت أسئلك عن شي مهم
ام فهد عآرفه اللي يدور برآسه: ألا وهو ؟
فهد: شلون عرفتي صفآء .. ويش علاقتك فيهآ ؟
ام فهد : اللي ماتعرفه ياحبيبي أني متزوجه
فهد وشوق بصدمه: متزوجه ؟!!!!
أم فهد : الحكآيه طويله يافهد مآ قلتها كامله لك ذيك الليله
فهد بعصبيه: شلون مآتقولين لي شي زي هذآ ؟
أم فهد بخوف: شوفني جآيتك بالحكي
فهد ضرب الطاوله: أي حكي
أم فهد بلعت ريقهآ وعيونهآ عليه: أنـآ ..أنــآ
شوق مسكت فهد: فهد أهدى تعوذ من الشيطآن
فهد جلس وتمآلك نفسه: أنآ أسف
أم فهد نزلت رآسهآ: خلآص حصل خير
شوق : خالتي لاتزعلين فهد مآ يقصد تعرفينه يعصب على طول
ام فهد: مآ زعلت بس هو لآزم يعرف أني متزوجه ومن زمآن كمآن
فهد : متزوجه مين هنآ الكلام ؟
ام فهد: متزوجه أبو صفآء
فهد شهق: متزوجه أبو حآزم ؟
ام فهد: أيوه ..الليله اللي أنت كـنـت
فهد حط يده على أذنه: بس .. بـــس