رواية الحب بعد فوات الاوان ... أقوى رواية سعودية رومانسية جريئة
وصلوا عبير وعادل للبيت وما فيه احد مستقبلهم وهم جالسين في السياره
عبير:تراي ماعلمته انا راح نجي
عادل:خلاص تراي انا رايح
عبير:ووووووووين؟؟
عادل:للفندق الي قبل شوي
عبير:انت قلت انك بتسلم على واحد من خوياك
عادل:لا كنت احجز لي جناح
عبير تضربه:وانا وين رحت والله ان مالك داعي
عادل يبتسم:يالله بااااااااي بس مسويه رسميات
عبير:باي تجي بكره
عادل:اشوف يالله مع السلامه
عبير:مع السلامه (وتاخذ اغراضها
البيت موحش مظلم ايه انا مالي الا اروح لغرفتي تفتح الباب وكانت الاضاءه هادئه وكان عمران معه العود يغني
شاف عبير ترك العود من يده بغير شعور قام ومو مصدق يبتسم ابتسامة واحد منصدم متفاجئ بوحده عزيزه على قلبه
طالعه من الموت عبير تبتسم:انا جيييييييييت
عمران راح يحضنها بشوق وحب وحنين لها كانه ماشافها من سنه مو من 3 ايام وتدمع عيون عمران عبير استغربت
من دموع عمران وضمته بزياده وهي تبكي حست قد ايش هو محتاج لها حست باهميتها في حياته
عبير تمسح دموعها ودموع عمران:حبيبي وش فيك لاتبكي انت مصدر القوه الي احتمي فيها
عمران:اشتقت لك ياعبير
عبير:وانا اكثر ياحياتي
عمران:الحمدلله على سلامتك من اليوم ورايح مافيه سفره لحالك انا معك نعيش سوا ونموت سواء
وعبير وهي تمسك يد عمران البارده وتدلكها:وش قاعد تسوي ماطلعت
عمران وهو يمسح دمعته:وين اروح مابقى لي احد اعز اصدقائي وراحوا
عبير وهي تحاول تضيع السالفه:اها وقاعد تعزف عوووووووووود يالله بس غن لي اغنيه وابيك انت تهديليها
عمران:خلاص ابغنيلك الاغنيه الي كنت اغنيها قبل ماتجين وهي مهديها لك من غير ماتقولين
عبير:مشكووووووووور حياتي
عمران وهو يعزف اغنيه لكاظم الساهر(اكرهها)
اكرهــهـا واشـتهي وصلها وانني احب كـرهي لها عبير:ياسلام جايبني من اخر الدنيا علشان تقولي اكرهك
عمران يكمل
(وهو يناظر عيونها) احب هذا اللؤم في عينها ودورها ان دورت حولها!!! اكرهـها
عين كعين ذئب محتالت فـاقـت اكـاذيب الهواء حولها
قد سكنت الذبول احداقها واطفئت ثورهتها عقلها
اكرهــهـا واشـتهي وصلها وانني احب كـرهي لها
احب هذا اللؤم في عينها ودورها ان دورت حولها اكرهـها
اشك في شكي اذا اقبلت دفيئتن شارحتن ذلها
فأن ترققت بها استكبرت ضجرا ضحكتن ذيلها
ان عانقتني كالثرى اضلـعي وافرغت على فمي ضـلها
احبــها حدي ويا طــالـما وجـئت اذا طـلقها قبـلها
اكرهــهـا واشـتهي وصلها وانني احب كـرهي لها
احب هذا اللؤم في عينها ودورها ان دورت حولها اكرهـها
عبير وهي مكشره: الاغنيه يعني حليوه
عمران يضحك:هههههههههه طيب وش فيها الاغنيه شكلها مو عاجبتك
عبير ماده بوزها شبرين:والله مادري عنك جايبني من اخر الدنيا علشان تقولي اكرهها
عمران:خلاص وش تبين
عبير:ابي اسلم على زينب وفوز
عمران:ههههههههههه تصدقين نسيت اقولهم يسوون قهوه او شئ يوووووووووه نسيت مين الي جابك
عبير:عادل بس راح اخذ له جناح بفندق وراح
عمران:حسافه كان ودي اسلم عليه واتحمدلله بالسلامه
يطق الباب
عمران:ادخلي يازينب
زينب تفتح الباب وهي متملله وترفع راسها تشوف عبير
ويطيح كاس العصير وتروح تسلم على عبير سلام حار هي وفوز وراها
فوزيه:اخبارك عبور
عبير:الحمدلله وانتي شلونك شخبارك انتي وزينب
زينب:البيت بدونك مظلم اللحين الي نور
عمران تذكر كلامه لحسام واستحقار حسام له(في أول زياره للحسام ذكرتوا
عبير:منور بوجوكم يالغاليه
عمران ابتسم فرق بالاجوبه
زينب وفوزيه طلعوا بعد ماتقهوو
عبير راحت للشنطه وطلعت هديه لعمران بجد هديه مميزه وعلبتها مسكته علبه كبيره وفخمه فتح العلبه لقى فيها
بنطلون جيبز من النوع الفاخر وعليه قميص ابيض ومعها ساعه سبورت وحذاء سبورت ومعها عطر من شانيل
عاد معروف مسكت مع ان ريحته نسائي الا انه حلو((وبيني وبينكم الرجال صاروا يستخدمون العطورات النسائه اكثر من
الحريم بانفسهم مادري ليه؟؟))
وعليه قبعه جينز (كاب)
عمران:ليه كلفتي على روحك مو كافي الي سويتيه معي
عبير:اذا ماهديت لك هديه اهدي لمين وتغني(انا مين عندي بعدك ولمين البي بيكون)شفت ترا حتى انا اعرف اغني
عمران:هههههه ويجنن صوتك بعد
عبير:شف تراي حتى انا شريت لي نفس اللبس يعني طقمنا
عمران؟؟؟:نفس هذا بالضبط وهو ماسك القميص الرجالي
عبير تضحك:ههههههههه لا بس الالوان ولا لبسي بناتي
عمران:قصدك نسائي
عبير:اسمع تراك وعدتني انا نسافر للرياض هاليومين زين
عمران:بس شغلي
عبير:ابوي قال لكم اجازه مفتوحه من اليوم للشهر
عمران:دام القاضي سمحلي نروح نجلس اسبوع ونستانس وبعدها نرجع واعوضك عن السفره إلي خربتها عليكم
عبير:متى بنسافر
عمران:اذا بغيتي بكره
عبير:والله
عمران:بكره يعني بكره
عبير تقوم تبوس خده:والله اني اموووووت فيك
عمران:وهذا كلامك لو ابرفض السفره
عبير ارتبكت:ايه لا قصدي لا كلامي اني
عمران:ههههههههههههههههههههههههههههه والله اني اشتقت لهبالك بس انتي مو تعبانه عقب السفر
عبير تفتح عيونها:لا انا نشيطه حتى شف عيوني
عمران:خلاص بكره بعد العصر بنسافر
عبير استانست وضبطت شنطتها هي مع انها مضبطه الا ان ناقصه اغراض وزينت شنطة عمران وهي مستانسه
لانها بتحضر الحفله الي بمناسبة شفاء نوره والحفله بعد يومين
جثة حسام زي ماهي مافيه احد شافها ووجه تشوه صار اسود وريحة المصنع المهجور صار معفن ولا فيه احد فقده جواله
مقفل لان البطاريه فاضيه وشكله بؤساء والذباب في النهار يتجمع عليه وفي الليل الحشرات بأنواعها
الظهر عمران وخواته وعبير يتابعون قناة لبنانيه وفيه اعاده مسابقة الجمال تتكلم وحده يحبها عمران باللغه الفرنسيه
عمران:الله يقلعها ذي وش تقول
عبير:تقول غالبا مايسود المرح شواطئ السباحه وستجد فيها مجالات عده للتسليه
عمران:تعرفين فرنسي
عبير:اها
عمران:طيب الكلام الي قلتي قوليها بالفرنسي حتى اصدقك
عبير:Les plages sont tres gaies vous amuserez bien ici
فوزيه:ماشالله عليك والله فاضيه
عبير:ايووالله لااني فاضيه تعلمتها
زينب:انا احب الللغه الفرنسي وابي اتعلمها
عبير:خلاص اعلمك
عمران:اقوووووووووول خلوني اغير احسن لي(بعد ماحولوا لبس البنات لمايوهات)
عبير:ايه احسن
عمران حطه على قناه وحده ترقص شرقي:وتعرفين ترقصين زيها
عبير:وارقص احلى منها بعد
عمران:وقف الكذاب حد بابه يالله ارقصي
قامت عبير ورقصت على اغنية سيرة الحب لشيما الشايب رقص يخلي الي قدامه مسحور ولا راقصه محترفه
بجد جنوا عليها وبصراحه رقصها احلى من الراقصه الشرقيه وتتمايل يمين وشمال مع الاغنيه وتهز على الموسيقى السريعه
جنوا عليها عمران صفر والبنات صفقوا لانها خانتهم التعبير للمدحها
في العصر
زينب:كيف بتسافرون مو امس الي جيتي اجلسي شوي
عبير:والله ماينمل منكم لكن وش اسوي كل جلستي اسبوع بالكثيررر عند اهلي
فوزيه:حسافه والله ماشبعنا منك
عبير:تسلمين حياتي والله مجبوره
عمران:الله على الرسميات مايمدينا عليكم
عبير:كلنا ذوق بس فيه ناس مايشوفون ولا ينتبهون
عمران:ايوالله كلكم ذوق بس يالله اطلعي علشان الوقت مايروح
عبير:يالله باي
ودعتهم وسافروا بنص الطريق عمران يحط اغاني لكن عبير ساااااااكته وكلامها مختصر
عمران:تصدقين اخر مره رحنا انا وانتي بعد زواجنا بيوم
عبير:ايه
عمران:وش فيك احس فيك شئ تعبانه
عبير:شوي مصدعه احس بصداع قوي
عمران:طيب ابمشي بسررعه علشان اوصلك للمستشفى
عبير تحس كبدها تقلب وفيها غثيان وهي حاسه انها حامل بس ماتبي تعلم عمران تبي تتاكد وبعدها تفاجئه