رواية الحب بعد فوات الاوان ... أقوى رواية سعودية رومانسية جريئة
عادل:لاتكفى بس ابشوف اخوي واطلع
المسؤل عن الموتى:والله ماقدر شف الساعه 2 الفجر ماقدر مو بيدي
رامي يطلع فلوس يبي يرشيه:خذ وخلنا نشوفه
المسؤؤل/لا ياشاطر الحركات ذي مب عندي
رامي:طيب الله يخليك بس يشوف اخوه ويروح تكفى
المسؤل بعد ماستسلم لهم لانهم ساعه يحاولون فيه:يالله تعالوا معي
رامي وعادل فرحوا مو كانهم بيشوفون ميت:يالله
شغل انورا الغرفه المظلمه وشاف الارقام رقم حسام محمد هو 12 وهي عباره عن ادراج طووويله
رامي وعادل ارتاعوا من شكل الصناديق او الادراج الطويله
فتح ثلاجة الموتى الي موجود فيها حسام وياليتهم ماتوا ولا شافوه
عادل يناظر وعيونه شاخصه كانه بيموت من هول النظر حسام مثلج كل جسده ووجه متفحم ويدينه سود والثلج طاغي عليه
المسؤل:خلاص شفتوه اطلعوا
عادل بكل ثقه وكانه يبي يقنعهم:لا هذا مو أخوي مو حسام انا متأكد
المسؤؤل:خلاص اطلع وأقولك سالفته
عادل طلع ورامي يبكي مو مصدق
المسؤؤل:للأسف حسام مافيه احد اكتشف موته الا بعد ثلاث اسابيع وكان سبب وفاته جرعة مخدرات زايده
عادل طاح ماتشيله اعظامه::طيب اقدر اشوفه مره ثانيه
المسؤؤل:هو حلا افتحه كل دقيقه
عادل:الله يخليلك اخوانك بس اشوفه النظره الاخيره
المسؤل:تراي مو فاضي لك
رامي وهو يبكي يقوم عادل:قم الله يرحمه
عادل مو مصدق يناظر بنظرات تائهه ومو مركزه على شئ واحد ويمسك المسؤؤل:الله يخليك ابشوفه اخر مره
المسؤؤل تعاطف مع عادل وفتح له التابوت مره ثانيه لكن هالمره عادل انفجر صياح من شكل اخوه المريع المرعب إلي ماكان يتوقعه ولا في الخيال
عمران ينقي كلمات يقولها لعبير علشان ماتنصدم ويصير شئ في الجنين الي في بطنها يعني مو لله
عبير تروح له وهي مبتسمه:الحمد لله اكرمك الله حبيبي
عمران:صحتين لكن عندي لك خبر مو زين راح يأثر فيك بس لاتنصدمين
عبير تحولت ابتسامتها الجذابه الى ملامح فيها الف سؤال وسؤال!!!صاير شئ
عمران:انتي تعرفين ان الموت مكتوب على كبير وصغير شاب وشابه
عبير مستعجله:طيب مين مات ابوي امي مين قل بسررررعه
عمران:لا واحد من اخوانك
عبير بتحطيم:مين عادل ولا حسام لاتقول عادل حادث كيف بسرررررعه قل تراي مو قادره اتحمل
عمران:هدي اعصابك ترى مايصلح لك الانفعالات
عبير:انا السبب عادل بحادث بعد ماجابني صح
عمران:لأ
عبير كانها ارتاحت لانه لو صار عادل ماراح تسامح روحها ابدا
عمران:حسام عطاك عمره
عبير تفاجئت بس مانزلت من عينها دمعه وحده كل الي قالته:الله يرحمه هم السابقون ونحن الاحقون
عمران شافها محطمه نفسيا وشكلها يكسر الخاطر راح ضمها
عبير:ابعد عني انا ادري وش الي موته انت السبب وابوي
عمران يداريها:طيب كيف
عبير:لان مافيه احد استقبله بعد ماتعالج واكيد مافيه احد استقبله الا اصدقاء السوء الي قبل
عمران استغرب من افكارها:الله يرحمه وعظم الله اجرك ياعبير ويهون مصيبتك
عبير:تسمح لي اجلس برا شوي
عمران:ووين برا قصدك برا البيت بس برد
عبير:ايه ابي اجلس لحالي شوي
عمران استسلم:خلاص روحي
عبير:طيب تصبح على خير
عمران استغرب من برودها هي طول عمرها ملكة الصياح والبكاء وتبكي على اتفه شئ مو معقول طيب ليه ماتصيح اللحين
اقول خلني اراقبها من بعيد شوي حتى لاتسوي بروحها شئ
عبير راحت تجلس في الكرسي الخشبي الي بجنب الشجره الخضراء التي تتراقص اوراقها من شدة البرد
تتكلم عبير بصوت مسموع كانها تشكي لاحد يــالله قبل سنه مات اغلى عم لي واللحين حسام مين بقى لي الله يرحمكم يأغلى اثنين على قلبي
يالله ياحسام حركاتك وانت صغيرحركات مراهق وفي المراهقه صرت رجال ماعشت مراحل طفولتك ويوم كبرت صرت ياخوي مدمن ليييييييه
يارب صبرني آآآآآآآآآآآآآآآآه كيف يموت وليه
عمي ياعمي اشتقت لك لو بيدي كان رحت للقبر وزرتك وشكيت لك لان مافيه احد يسمعني في الدنيا الا انت
عمران يسمع ودموعه تنزل لانه حس بثقل معاناتها وحبها وشوقها لعمها
وهي جالسه نزلت راسها في الكرسي على جهة اليمين وحشتوني ياعمي وياحسام وانا اقول ليش ماترد على جوالك اظنك ميت
بس كيف انت مت في حاث ولا سكته ولا مقتول اخ منك يادنيا مابك راحه آآآخخخخخخخخخخ
يالله كم لي شهر ماشفتك ياعم لي 13 شهر كان ودي ابشرك اني حامل بس ماراح اسمي ولدي باسمك لانه ماراح يصير زيك
ومثل صفاتك انت نادر ياعمي ناااااااااااادر( اللحين الي نزلت دموعها)بس دموع مابكت
ياعمي عندي لك شعر وابيك تسمعه زين عمي ابيك تقولي رايك فيه بما انك شاعر اسمعني يااااااااااعمي