[قلب الزهـــور]

رواية قيود الصمت رواية سعوديه ...

وهي تدعي لربها,,

يالله اني طلبتك ما طلبت ســوااك ... رب العباد انك تحقق لي منااي ..
اباك ترحم قلبن عاش ذل بالقــاك .. وترحم قلب امي بغيابي وثــراي ..
ويالله اني طلبتك وانا في رجــاك .. تغفرلي اذنوبي وترحــم ســواي ..
**************************
في بيت عبدالله .. الولد الكبير لابو عبدالله .. الساعه 7
الجاازي في غرفة بناتها .. عندها بنتين رهف ويوف .. توام عمرهم 5 سنين ..
وسالم.. عمره 7 سنين < على اسم ابوها الميت ) وسامي ..3 سنين ..

الجاازي .. رهف .. ريووف يالله اصحووا ..
رهف وهي نايمه تمسح عيونها .. يمه عمتي ريم جااءت ..
الجاازي .. ساكته وهي تشوفهم ..
ريوف .. ليه ما جاءت دحين ...؟؟ يمه عمتي ريم وين سافرت ؟؟
رهف .. صح يمه عمتي ريومه سافرت لدبي تجيب لي عروسة فلــه ..

الجاازي ودمعتها على خدها ما تدري وش تقول لبناتها..
الجاازي .. اي سافرت لدبي تجيب لكم عرايس فلــه ..

ريووف .. يمه ليه دحين ما جاءت ؟؟ وليه امي خلده تبكي على ريم ..؟؟
الجازي .. بلا اسئله ويالله اصحوا ..

ريووف تمسك امها مع دراعتها.. يمه استني ليه امي خلده تبكي على عمتي ريومه ..؟
الجازي .. امك خلده تبغى ريم ترجع من السفر بس عمتك ريوم تبي تقعد هناك .. عرفتي دحين ..؟
رهف .. لاااااا يا يمه امي خلده تبكي عشان عمتي ريومه ما طاعة كلامها ..

ريوف .. انتي ما سمعتي امي وش تقول .. تقول انه عمتي ريومه تبي تجلس هناك ..يعني ما تبي تجلس هنا ..
الجاازي .. رهف ريوف .. يالله بلا سؤالف على الصبح يالله قوموا افطروا ..
عبدالله يدخل على بنااته ..
عبدالله .. هااا الحلواات صحوا او لسه .؟؟

رهف وريوف .. باااااااااابااااااا حبيبي ..
عبدالله .. بنااتي الحلوات يالله تفطروا عشان اخذكم للروضه ..
رهف .. بابا عمتي ريم متى ترجع .
تصارخ الجازي عليها .. رهــــــــف خلاص قفلنــا الموضوع..

عبدالله وهو يشوف الجازي معصبه .. ويمسك رهف .. ويقول .. رهف حبيبت باابا .. عمتك ريم
راح ترجع انشااءالله واذا تبغينها ترجع ادعي من ربك انها ترجع ..

ريوف ترفع يدها .. يااارب عمتي ريوومه ترجع وتجيب معها عرايس فله الجديده ..
رهف .. امين يا رب
عبدالله يضحك على ريوف ودعوتها ..

عبدالله .. امين يا بناتي ..

والجازي تشوف عبدالله كيف كان وجهه ؟؟
انه تغير كثير في الاسبوع هذا ماعاد ينام مثل اول وكله يفكر ..

********************
في بيت ابو عبدالله .. تحديد في الصاله ..
ساره صحت من النوم وقاعده تتفطر بروحها ..
تدخل عليها ام عبدالله (خلده) ..
ام عبدالله .. السلام عليكم ..
ساره .. وعليكم السلام والرحمه .. اشلوونك يا عمتي دحين ..
ام عبدالله .. الحمدالله يا بنتي ..
ساره .. عمتي ليه صااحيه دحين .. .؟؟
ام عبدالله تتنهد.. ااااااا يا ساره ما جاني نوم من البارحه ..
ساره .. خير يا عمتي ..
ام عبدالله .. خير في وجهك يا بنتي .. ماغير الاحلام اللي تكدر خاطري وتخلي البال مهموم ..
ساره .. الله يعنينك يا عمتي والله يرجعها للبيت سالمه ..

ام عبدالله ... ااااه ياساره لها الحين خمس اياام ومحدن عارف مكانها ..

ساره .. عمتي المملكه كبيره ماشاءالله وانشاءالله راح يلقوونها حيه .. المهم يا عمتي انتي ارتااحي .. واخذي
الشاي والحليب تفطري .. ولا تشيلين هماا انشالله راح يلقووها ..
ام عبدالله .. وين خالد .؟
ساره .. اااا يا عمتي خالد ماجاء الا الساعه 5 ونص الفجر...و مسكين ما نام من امس ..ودحين نايم ..
ام عبدالله .. اجل منو راح ياخذك للكليه .. ؟؟
ساره .. ما عليك يا عمتي جرااح هنا وراح ياخذني ..
ام عبدالله .. قلتي له .. ؟
ساره .. اي لقيته صاحي في المجلس وطلبت منه وقال لي ما عنده مانع.. ووموافق انه ياخذني .
ام عبدالله .. الله يهديه ويكمله في عقله ..
ساره .. عمتي احس جراح تغير من غابت ريم ..
ام عبدالله ودمعتها على خدها .. ااااا الكل تغير بغياابها يا ساره .. الكل عرف قيمتها دحين وبعد ايش ..

ساره .. عمتي امسحي دمعتك .. الله اذا حب عبده ابتلاه .. وانتي انشاءاللله من اهل الخير وريم بعد .

ام عبدالله .. ونعم بالله يا بنتي ونعم بالله ..
***************************
دانه عمرها 18 سنه .. واخر ينه في الثانويه العامه ..
داانه .. غزلاااااااااااان
غزلان .. وجع وش تبغين ..
دانه .. اصحي .. امي تبغااج ..
غزلان .. وش تبغى فيني ..؟؟
دانه .. ما تدرين لقوا ريم ..
غزلان تفز من نومها .. وين لقووها ؟؟ لقوها حيه او ميته ..
دانه .. ااااااااا ااااااااااااااااااا لقوها في الخفجي ..
غزلان .. وش فيك شكلك تكذبي علي ..
دانه .. لا ما اكذب ..
غزلان .. دانوااااااااو والله لو اعرف انها كذبه لوريك شي ما شفتيه ..
دانه .. يالله اصحي هي كذبه ..
غزلان بعصبيه ترمي الوساده عليها.. ليه تكذبي علي ..
دانه .. الانه امي تبغيج وتعبت وانا اصحي فيك حشا فيل نايم ..
غزلان ..تلف للجنب الثاني وتغطي البطانيه عليها وتكمل نومتها ..
دانه .. غزلاااااااااااااااااااان امي راح تفور بركااان منك ..
غزلان ولا هي مهتمه .. ابغى انام قولي لها ..
دانه .. الساعه 12 الظهر وما شبعتي نوووم يالفيل ..
غزولان .. اليوم ماعلي محاظره خليني اذووووق النوم ..
دانه .. اليوم الخميس مافي درااسه بالبقره ..
غزلان .. اخترمي نفسك يا حماره ولا تقولي لي بقره يا اخت البقره ..
دانه بضحكه .. صج سكرانه يعني انتي اختي ياحماره .. وانا اختك يالبقره هههههههههه
غزلان ... هع هع سخيفه وترجع تنام ..
داننه... غزلاااااااااان بندر برى جااي يخطبك من ابووي ..
غزلان تفز ... وشهوووووو بندر جاي يخطبني ..
دانه ..استحي يا بنت خلي فيج حيه .. فزيتي عشان بندر المعفن هذا ..
غزلان .. دانووووووه قوليلي صج كلام بندر جاي يخطبني ؟؟
دانه .. انتي وجهك في احد دحين يخطب بنت عمه ويفرح وينسى انه ريم مخطووفه !!ما قول غير
مالت عليج وعلى وجهك وتتركها بفراشهااا ..
غزلان .. اااه صج هبله افرح وبنت عمي ما ندري عنها هي حيه او ميته ؟؟
تفتح دانه البااب عليها بقووه .. غزلااااااااااااان وربي امي معصبه عليك على الاخر الساعه 12
قووومي من النوم يا فييله ..
غززلان .. خلااااااااااص انا صااحيه ..اوووف مافي احد يناام في الاجازه ..