[قلب الزهـــور]

رواية "الا ليت القدر" للكاتبه بقايا شتات..

الجــــــــــزء الخـــــامـــــس
بـــدايــــات..

صبآح الحب..
صبآح الشوق..
صبآح الهمس والذوق..
لآشعة شمس اخترقت روحي..
والنظره الحلوه..والبسمه الشفافه..
يـــآصبــــاحي..


****************************************

اريام: هلا منار...صباح الخير..
منار:هلا والله صباح الخيرات..وينك يا بنت؟..لي كم يوم ما شفتك؟
اريام: والحين بغثك وبقولك مريني..ها لحد الان ودك تشوفيني؟؟هههههههه
منار:فديتك والله..تجهزي بس انا قريبه عندك..
اريام: هههه انا اللي فداك ..يله انتظرك..باي..
منار: باي..

******************************************
منار: دحوم ارجع لبيت اريام..
ابتسم عبد الرحمن ابتسامه واضحه: من عيوني..
منار ضحكت من داخلها على اخوها بس حبت تستعبط:وش عندك على هالروقان؟
عبد الرحمن يحاول يكون طبيعي: يعني وش عندي..واحد مروق ايش فيها؟
منار :طيب صدقتك..
وقفوا سيارتهم برا القصر لانه محد يدخله بدون علم مسبق عند الحرس..
اريام: السلام عليكم..صباح الخير..
عبدالرحمن"هالمره بتجرأ شوي"..:وعليكم السلام صباح النور اريـ...احم..اريــام.
منار ودها تفقع ضحك: وعليكم السلام..اريام ابشرك انفكت العقده اللي عنده..
عبد الرحمن بتهديد وهو منحرج: مناااار..اعقلي..
اريام تحاول تخفي ضحكتها: منار خلي اخوك بحاله..
عبد الرحمن طار من الوناسه..اريام تتكلم عنه..بس استحى بنفس الوقت بطعبه الحيوي موووووت..
اريام غيرت السالفه: منار..اقولك شفتي المريض غرفته رقم(...)
وبدت تتكلم عن الشغل..وعبد الرحمن متابع بدقه كل كلمه تقولها ..ويستمع بصمت..يكفي انه يسمع همسها على صباح يوم ربيعي..

&&&&&&&&&&&&&&&&&&&&&&&&&

فـــي البــاص..
على غير العاده..ابتهال جالسه بمكان غير مكانها..تحس مالها وجه تقابل به مشاعل..وخصوصا مرام..دائما ابوها يسبب لها الذل بسمعته..والحين بينظرون لها نظرة الشفقه والرحمه زياده عليها..
ركبت مشاعل الباص..دورت ابتهال بمكانها ما حصلتها..وجلست باي مكان..
مرام نفس الشي.ما حصلت ولا وحده منهم..
>>>>>>>>>>>>>>>>>>>>>>>>>>>>>>
فــــي المدرســــه..
ابتهال صفطت عبايتها بسرعه واخذت شنطتها بتروح الفصل..
مشاعل شافتها: ابتهال ...ابتهال...
ابتهال سمعت صوت مشاعل وتدافعت ذكرى ليلة امس قدام عيونها.."وامتلت دموع"..وكملت مشي..
مشاعل ركضت ومسكت ابتهال: ابتهال..ممكن توقفين...
ابتهال وقفت وعيونها بالارض ولا طالعت مشاعل ولا تكلمت بحرف..
مشاعل وقفت قدامها...ورفعت راسها..
:ابتهال قلبي..ارفعي راسك...
ابتهال ولا كانها تسمع..
مدت مشاعل يدها ورفعت راسها باصبعها: ابتهال فديتك..اللي حصل امس ما يستاهل تنزلين راسك عشانه..بالعكس..
ابتهال طالعت عيونها: مشاعل...بس هذا ما يفتخر فيه؟؟؟
مشاعل: بس ما ينزل الراس...في كل بيت مشاكل..في كل بيت بلاوي عندي وعندك وعند كل بنت..بس احنا نرفع راسنا لاننا نقدر نتغلب عليها..ولا؟؟
ابتهال ضمت مشاعل..تحس انها تحتاج حضن يواسيها..تحتاج حضن تفرغ فيه كل الآمها..
حست بيد على كتفها..
:ابتهال قلبي وينك؟؟
مشاعل تركت ابتهال واستغربت جيتها..!!
ابتهال لفت عليها:مرآآآم؟؟
مرام ضمتها وهي حاسه فيها: ايوه مرام..كيفك بعد امس..؟؟
ابتهال بدا يرجع لها الامل..في ناس تحبها وتهتم فيها وتسأل عنها..
ابتسمت لهم وعيونها باقي فيها دموع: يله عاد...ما تنعطون وجه..لهدرجه تبون حضني الدافي..؟؟
ضحكوا كلهم وراحوا لفصولهم..

%%%%%%%%%%%%%%%


:ياربي شكلي تاخرت...
وصارت تركض بسرعه تبي تلحق على اللفت قبل لا يتسكر..
:لحظه لحظه..."وحطت يدها.."
وانفتح ودخلت فيه..:اوه الحمدلله..
وتسكر الباب مره ثانيه..
حست ان مافي اللفت الا هي وواحد...لحظه لحظه..ريحة العطر بالمره مألوفه لها..."وبلعت ريقها"
وهي تحس بفرق الطول بينها وبينه..بما انه طوووويل..
ضاري يطالعها وفي باله كلمه وحده"هذي بنت عمي"
صمت غريب...والوقت صاااار طووويل..وكان الدور الرابع بعيييد.
ضاري يخفي ابتسامه: صباح الخير...اخت مدى..
مدى ارتجفت من صوته الثقيل:صباح النور استاذ...
ضاري وكأن الامر ما يعنيه: وان شا الله مرتاحه بشغلك وزميلاتك....
مدى مازالت مرتبكه كون انها تكلم ابن صاحب الشركه: ايوه الحمدلله..
وانفتح باب اللفت..ومر ضااري من جنب مدى بالمررره..
ووقف عند الباب:كويس...
وراح وخلاها..
وقفت مدى في مكانها ما زالت متوتره..وترمش بعيونها..بلعت ريقها وهي تحس كانها راكضه مية ميل...
تسكر باب اللفت وهي فيه: لااااااااااااا...ياربيه..

$$$$$$$$$$$$$$$$$$$$$$$$$$$$

دانا: لمو حرام عليك مي عز الدين بفيلمها عمر وسلمى كانت تجنن لدرجه شفته قبل كم سنه بالسينما كم مره..
لمياء: هي حلوه بس كان تامر حسني احلى..مررره رومانسي..
دانا: ههههههه يا حبي لك..تدورين الرومنسيه..
وما حست الا بصراخ من وراها وفجأه وحده صقعت فيها وتمسكت فيها لحد ما لصقوا في الجدار..
دانا في اللحظات السريعه كانت مسكره عيونها واخر شي شافته تعابير الصدمه على وجه لمياء..
حست بانفاس عند رقبتها وقرفت..فتحت عيونها وانصدمت من اللي قدامها..
بصوت عربجي مع ابتسامه:صباح الخير..
دانا تطالعها..تبي تتاكد انها في حضن هذي المخلوق الغريب الي دايم سيرته تسبب لها الاشمئزاز..
قربت منها البنت اكثر..وطبعت بوسه على خدها..
:اسفه..يا قلبي ما كان قصدي أأذيك..
دانا بقرف: اوك...بس بعدي عني..
بعدت عنها شوي وقرصت خدها: يا حلوك من قريب..اوك يا قلبي..صدفه سعيده..باي..
وراحت وهي تمشي مشيه عربجيه غريبه...
تجمعوا صاحبات دانا حولها وهي ما زالت مستنده على الجدار..وقلبها يدق بقوووه عجيبه..
لمياء:oh my god..هذي البنت غبيه ولا ايش؟؟
:دنوو بسم الله عليك..خلاص اخذي نفس..راحت عنك..
:دنو..اجيب لك مويه....
وصاروا صاحباتها يهدونها..لانها يا لله تلحق انفاسها..ومازالت حالة الصدمه مأثره فيها..
لمياء مسكتها من يدها وجلستها..
:دنو خلاص حبو..حصل خير..
دانا: تتوقعين قاصدتها...؟؟
لمياء طالعت البنت البوي: تبين الصراحه..
لفت عليها دانا بحماس..
لمياء تكمل: انا ملاحظتها كم مره تطالعك وتأشر عليك..
دانا خافت: لالا قولي غير كذا..
لمياء: ما عليك منها...ايش بتسوي يعني؟؟؟

$$$$$$$$$$$$$$$$$$$$$$$$$$$$$$$$$$$