رواية "الا ليت القدر" للكاتبه بقايا شتات..
الجــــــــــزء الثــــــاني عشـــــــــــر..
صبــــاح الاحــــــــــد...
منار: والله غبيه..
اريام: ليه.....انا ما سويت شي غلط..
منار: دكتور خالد كويس معاك ليش تحبين تعاندينه..
اريام: انا ما عندته بس ما احب احد يفرض على شي انا ما ابيه..
منار: ترا كلها مريض وانتهينا..
اريام: وهالمريض ما عنده تحساس....يعني ما يمديه يتعلق بدكتور ويرتاح له..الا نغير عليه..وخصوصا اخاف عليه ان حالته تنتكس وترجع لورا..
منار: والله انتي حره...وأعرف بمصلحتك..
اريام: ايوه انتي قلتيها..اوك حبيبتي اتركك تشوفي شغلك واشوف شغلي..
منار: اوك..اشوفك على خير,..
طلعت اريام من مكتب منار وهي تطالع جدولها وكشف اسماء المرضى اليوم..
اريام: بأبدا بسامي اول..
وفعلا راحت تنفذ اللي براسها..
دقت الباب ودخلت..
كان واقف عند الشباك الطويل اللي يطل على حديقة المستشفى الخضراء..وحاط ايده على الشباك..
اريام استغربت وقفته..
:صبــح الخير ..سامي..
سامي عوره قلبه لما سمع صوتها مع انه كان عارف انها هي من دقتها للباب ومشيتها المميزه..
اريام عقدت حواجبها وقربت شوي..
:سامي...صبـاح الخير...!!
سامي وهو يحاول يداري دموعه لا تنزل..
:في شي دكتوره اريام..؟
اريام انصدمت من رده: سامي..صاير شي؟؟انا غلطت بشي..؟
سامي: دكتوره اريام انا بخير وما فيني الا العافيه ..وياريت تبلغي دكتوري اني هونت عن العمليه وما ابي اسويها...وتقدرين تتفضلين..
اريام مصدومه مو قادر تلحق تفهم الجمل اللي قالها ..وماهي عارفه ايش اللي قلب حالته..
: سامي كل شي ولا العمليه...ليه ما راح تسويها..؟
سامي لف عليها وواضح من عيونه اللي فيها لمعه تدل على انها مليانه دموع..
:قلت لم ما راح اسويها..غصب!!
اريام: سامي ما راح اطلع من هنا الا لما اعرف ليه..؟؟
&&&&&&&&&&&&&&&&&&&&&&&&&&
فـــــي الشــــــــركه..
ضاري يدور في مكتبه الواسع وما هو عارف ايش يسوي كخطه اولى...ومدى تكون متقبلتها..
دخل ياسر عليه ولاحظ توتره..
:استاذ ضاري الوفد وصل..
ضاري: خليهم يدخلون.."ولمعت فكره براسه"...وخلي مدى تجي اوك..ولا تدخلها علي..
ياسر ما فهم:اخليها في مكتبي..؟؟
ضاري: ايوه..
ياسر: ابشر طال عمرك..
ثواني ودخل الوفد الاجنبي المتكون من خمس اشخاص من جنسيات مختلفه..
واستقبلهم ضاري ورحب فيهم..
>>>>>>>>>>>>>>>>>>>>>>>>>>>>>>>>>>>>>>>>>
ياسر يدق التحويله: مرحبا..
مدى: هلا استاذ ياسر..
ياسر ضحك: ههه حلوه استاذ ياسر تحسسني اني شي..طيب انسه مدى تعالي مكتبي..
مدى استغربت ما قال مكتب المدير: ليه...؟
ياسر: علمي علمك...هذي اوامر استاذ ضاري..
مدى: ثواني وانا عندك...
علياء: ناس كثرت روحاتهم لمكتب المدير مدري ليه..؟
هوازن تكمل معاها: اخاف انهم طاحوا في شباكهم ومحد سمى عليهم..
مدى: ياسخفكم انتي وياها...ما قلت لكم انو في مشروع وانا قائمه عليه..
علياء استغربت: انتي..؟؟؟
مدى: ليه طايحه من عينك ..؟
هوازن بنفس الدهشه:اول مره يختار بنت تكون معاه..
مدى: جد!!..يمكن انا غير ههههه...لا بس اكيد عشان لي علاقه بالسالفه من ناحيه من النواحي..
علياء: كيف...؟
مدى: بروح الحين..واذا رجعت شرحت لكم...
وطلعت لمكتب ياسر..
: الســـــلام..
ياسر: هلا وعليكم السلام تفضلي..
جلست مدى: ما قال لك ايش يبي..؟
ياسر: لا...بس الحين هو عنده وفد..وما ادري متى بيخلصون..
الا ضاري يفتح الباب..
:مدى وصلـــــــت..؟؟؟
&&&&&&&&&&&&&&&&&&&&&&&&&&
اريام: ما راح اطلع من هنا الا لما اعرف ليه كنسلت العمليه..
سامي: كــذا....اصلا لو عشت اعيش عشان مين...؟؟ نفسي وما ابيها ..خلاص الموت اريح لي..
اريام بدت تعصب من تغيره المفاجئ: سامي كلمني كلام مفهوم...اول شي اجلس...
سامي: ما راح اجلس..وياريت تخليني لحالي دكتوره اريام لو سمحتي....
اريام حست انها مخنوقه وهي ماهي عارفه ايش فيه ..وحست انه فعلا يمكن يحتاج وقت لما يهدأ انفعاله ...وطلعت وخلته لحاله..
سامي لف على الشباك وضربه بأقوى شي عنده..
: حرام عليك.....وربي حرام اللي تسوينه فيني....
&&&&&&&&&&&&&&&&&&&&&&&&&&
بالفسحــــــــــه..
دانا جالسه مع لمياء وتحكي لها سالفتها مع البويه امس...
لمياء ابتسمت: دنو...اعترفي انك خقيتي عليها..
دانا عصبت: لمووو..اعقلي...ايش الكلام هذا تعرفيني اني ما حبيتها من اول مره شفتها ..
لمياء: ايش تتوقعين تبي منك..؟
دانا: والله ماني عارفه..بس احس اني خايفه منها..
لمياء: لا تخافي ولا حاجه...عادي..ترا مهما كانت بتظل بنت..
دانا: ايوه قلتيها..
وحست بيد على خصرها...
دانا وقف شعر جسمها وغمضت عيونها من الحركه...وسمعت همس بأذنها :صباحو حبو..
دانا فتحت عيونها بقوه ولفت عليها وهي وصلت معاها
:انتي وبعدين معاك...؟؟
فيصل بعد شوي: اوه اوه الحلوين معصبين ليه..؟
دانا: ما احب احد يلمسني..اوك..
فيصل: وربي ما دريت انك تتضايقي..اوعدك مره ثانيه ما امسكك ولا اسوي لك هالحركه..رضيتي...
دانا سكتت وطالعتها...
فيصل: دانا ممكن شوي..
دانا : لا عادي قولي هنا...انا ما اخبي شي عن لموو..
فيصل: ما عليه قولي لها..بس انا ما اقدر اقول عندها..
لمياء سحبت نفسها: اوك دنو..اشوفك بعدين..
دانا ما حبت ان لمياء تروح وتخليها..بس لمياء مستحيل تجلس عند وحده ما تبيها وتفرض نفسها عليها..
فيصل مسك ايد دانا وجلسّها..
: ايوه كذا ناخذ راحتنا..
دانا ساكته تنتظر نهاية اللقاء هذا..
فيصل: حبيبي....
دانا: انا ماني حبيبة احد..
فيصل: وربي انك حبيبتي غصب عن الكل..
دانا ما ردت ولا حبت تجادلها ..تبي تخلص منها وبس..
فيصل: دنو...انا راح اصارحك..انا من اول يوم شفتك وانا معجبه فيك..وحبيتك وحبيت تصرفاتك..وطريقتك بالكلام..وقفتك ..مشيتك..لبسك..وحتى ريحة عطرك..
دانا طيرت عيونها فيها...وتقول في نفسها"هذي ايش قاعده تقول"
فيصل حس بصدمة دانا بس كمل: صرت مجنونه فيك...ما افكر الا فيك وبشوفتك وملاقاتك..يمكن ما تصدقيني بس هذا اللي بقلبي..وما اقدر اخبيه..واتمنى انك تقدري هالشي وتفهميني..
دانا :وايش المطلوب مني..؟
فيصل: ما اطلب منك الا انو نكون صاحبات بس.
دانا: فيه فرق بين كلمة صاحبات وكلمة حبايب..
فيصل: ايوه انا احبك وانتي حبيبتي..بس انا بالنسبه لك صديقه..وراضيه بالشي هذا..
دانا سكتت...تبي تتخيل نفسها تمشي مع هذي اللي ماهي عارفه تكلمها على انها ولد ولا بنت..
فيصل: دانا حبو...بليز لا ترديني..والله ما فيها شي اذا كنا صاحبات حالي حال لموو هذي..
دانا بنفسها"بسم الله على صاحبتي منك"
:والله ما ادري ايش اقولك..انا ما حب الحركات هذي...
فيصل: انا قلت لك صاحبات وبس ويكفيني الشي هذا..
دانا طالعتها شوي: ما ادري خليني افكر...
فيصل عامل حاله زعلان : مع انو السالفه ما تحتاج تفكير..انا ما طلبت شي مستحيل...بس اوك براحتك..و لاتنسين انا..ما راح..اتركك .لو ...ايش ..حطيها في بالك..
وقربت منها بشويش وباستها ..:وربي احبك..
وراحت وخلتها..
دانا ما بين قرفها من بوستها ونفسها اللي حسته برقبتها وما بين غموض علاقتها فيها والى وين بتوصل.....!!
&&&&&&&&&&&&&&&&&&&&&&&&&&