رواية "الا ليت القدر" للكاتبه بقايا شتات..
"الجـــزء الثـالث عشـــــــــر"
دانا مازالت على نفس جلستها لما تركها فيصل..جاتها لمياء..
:دنو...ايش تبي منك الوسخه هذي..
دانا أخذت نفس: ماادري يالمـو...
لمياء وهي متقرفه منها:وكيف ماتدرين؟؟..
دانا لفت عليها وهي تحس نفسها مالها حيل تتكلم: تقول تبي نكون صاحبات..
لمياء انصدمت: وايش قلتي؟؟..
دانا: قلت بفكــر..
لمياء: مستحيل تكوني صاحبة هذي!!..
دانا: وبنفس الوقت احس مالي حق أرفض ..؟لأنها هي تبي نكون صديقات بس ..وأكيد عارفة اني ما أرد بنت تبي تكوّن معاي صداقه..
لمياء: على العموم ترى مافي شي يجبرك توافقي..
دانا: عارفه يالمو..بس ماادري ايش اسوي..
جاتها لانا...
لانا: ايش عندها البويه عندك؟؟
دانا: تبيني اكون الـ girl friend تبعها..
لانا: ههههههههههههه وسعي صدرك يابنت الحلال ..."وراحت"
دانا سندت راسها على الجدار..وثواني جاء السواق وطلعوا لبيتهم..
&&&&&&&&&&&&&&&&&&&&&&&&&&
مشاعل بعد ماسلمت على جدتها..دخلت لغرفتها ورمت نفسها على السرير والإبتسامه متر في متر..
: يالـــــــــبــــــيه وربي يـــــــالبـــــيه عليك ياسلطان ..آآآآآآه بس..
"وتذكرت كلامه لها"..
:بسم الله عليك مشاعل تبين شمسيه؟..
:افااا..كذا يابنت جيرانا كذا؟..
وضحكت بصوت عالي تحس ودها تصرخ وتعبر عن اللي بداخلها ...بس مافي احد تفضفض له ...وصديقتها الوحيده تصير أخته..
انقلبت للجهه الثانيه وفكرت لو كان الشعور متبادل "وربي لو أكتشف ان سلطان يبادلني الشعور ايش بيكون موقفي ..يمكن انتحر على طول ههههههههه وربي اني خبله ...........................بس ....بس مااظن انه يعتبرني اكثر من اخت يعني ماله داعي تعلقين آمال فيه يامشاعل....اصلا يكفي اني احبه وبس"
وسمعت صراخ اخوها عبدالله..
:طيب ..طيب جايه..
ونزلت تحت..
:نعم؟..
عبدالله:ساعه ماتسمعين..
مشاعل ماتبي شي يعكر مزاجها: اخوي عبدالله ..اخلص علي وش تبي؟؟..
عبدالله: ابوي يبيك..
مشاعل انصدمت ماتوقعته ابوها: وينه فيه؟؟..
عبدالله يستظرف: بجيبي ههههههههههههههههه يعني وين بالمجلس ..
مشاعل اختفت بسمتها وانمسحت كل مشاعر الفرح اللي كانت ماليه قلبها..
نزلت بهدوء..ودخلت المجلس ومعاها عبدالله..شافت ابوها جالس وكان ملتحي ولحيته لنصف صدره وبيضاء وملامحه ماهي ناعمه ولا بريئه ..وفيها شر و قساوه..
سلمت عليه بكل برود وباست راسه..
ابو عبدالله: وشلونك يامشاعل؟..
مشاعل تطالع الارض : الحمدلله..
ابو عبدلله: وينك صار لي اسبوعين اجي ومااحصلك في البيت ..على وين تروحين وتجين..؟
مشاعل في نفسها"بصراحه كلفت على عمرك بالآهتمام بعد اسبوعين تسأل وين كنت؟"
:والله كنت ماخذه اذن من عبدالله وجدتي ..
ابو عبدلله عصب: ايوا ووين كنتي؟..
مشاعل طالعته بنفس البرود: مااتوقع انه يهمك يايبه..بس بقولك ..كنت عند صاحبتي بنت جيرانا..
ابو عبدالله مارد عليها لانه عارف انه غلطان..
بعد دقائق صمت.......
مشاعل لفت على عبدالله وابوها: الحين مناديني ليه؟؟
ابو عبدالله: جايك عشان موضوعين..
مشاعل عورها قلبها : ايوا .....ويش هي؟؟
ابو عبدالله: الاول مصروفك مع جدتك..
مشاعل : والثاني؟..
ابو عبدالله: جايك عريس.........
&&&&&&&&&&&&&&&&&&&&&&&&&&
مدى وقفت عند مكتب ضاري شوي..تبي تاخذ نفس تبي تعطي نفسها وقت عشان تستوعب الكلام اللي قاله ضاري لها" ضـــاري ...ولــــــــــد عمـــــــي!!"..
ياسر لاحظ وقفتها: مدى..آنسه مدى ..
مدى لفت عليه: هلا..
ياسر متعجب: فيك شي؟؟
مدى: احم احم.. لامافيني شي عن اذنك..
وصارت تمشي بالممر ورجولها مو قادره تشيلها ..تفكر بعد هالكلام..ايش راح يصير؟..
دخلت مكتبها وجلست على كرسيها وهي ساكته..
علياء وهوازن طالعوا بعض..
هوازن: مدى فيك شي؟..
مدى: لاياقلبي مافي شي..
علياء بأبتسامه عشان تغير الجو ..وايش صار معاك بالأجتماع ...
مدى: جاء وفد اجنبي واتفقنا على كل شي..
هوازن ضحكت : ههههه ياهووووووووووووووو ولله حركات ..تصدقين انك اول بنت تكون ماخذه شغله بالحجم هذا..
علياء تذكرت: ايوه ليه؟؟ما قلتي لنا ليش انتي بالذات!!
مدى وكأن احد معطيها كف خافت..وكأنهم يعرفون انها بنت عمه.."يكون اختارني عشان كذا؟؟"
علياء: ايش فيها هالبنت؟؟...مدى...مـــــــــــــــدى...
مدى: ها ..هلا..
علياء: لالا البنت فيها بلا...شكل جمال ضاري سحرها..
هوازن: هههه وهو كذلك..
مدى: سخفيات ..اختارني عشان المشروع بالحاره اللي اسكن فيها...
هوازن: اهااا..ممكن..
علياء ما اقتنعت: لا..مو سبب عشان تمسكي مشروع كااامل..
مدى: والله عاد يا ست علياء روحي أسأليه ...ليه اخترت مدى..!
علياء: مدى ترى ما اقصد شي ..بس حبيت اكتشف السبب..
مدى انفعلت عشان تخفي اللي جواها: والله هذا اللي عندي..
توتر الجو..وكل وحده مسكت نفسها وسكتت لحد ما يخف التوتر..
&&&&&&&&&&&&&&&&&&&&&&&&&&
وصلوا دانا ولانا لبيتهم..
حصلوا البيت فاضي..
لانا: وين مامي؟؟؟
دانا وهي تمشي لـ الفت:اكيد طالعه..
وطلعوا لدور الثالث المخصص لغرف النوم..
دخلت لانا غرفتها وعلى طول اخذت لها شور سريع يبرد حرارة الجو شوي..
وجلست تنشف شعرها القصير قدام المرايه..
وسمعت موبايلها يرن...طالعت الرقم الغريب...
وردت: الوووو..
: يــــا هلا والله وغــلا..
لانا سرت كهرباء سريعه بجسمها من صاحب الصوت..
:إ....أيـــ..ايـــــــــــــــاااااد؟؟؟
اياد: ايوه اياد..ايش فيك ما انتي مصدقه ولا ايش؟؟؟
لانا بدت دقات قلبها تزيد: نعم....شنو تبي؟؟؟
اياد بخبث: ابيك انتي....
لانا استغربت اسلوب اياد ..اول مره يكلمها بالطريقه الواطيه هذي :بعيد عن شواربك انا...
اياد ببرود ينرفز: لالا...احنا ما اتفقنا على كذا...خليك شاطره يا بنت ومؤدبه...
لانا تحاول تمسك نفسها: اياد...قول ايش عندك ولا قفلت بوجهك..
اياد: بس اذا قفلتي بوجهي ازعل..واذا زعلت راح ازعّل الكل...
لانا حست لهجته واثقه: خير...وايش عندك متصل..؟؟
اياد: قلت لك...ابيك..
لانا: بس انا ما ابيك..
اياد: مو على كيفك...انا قلت لك الناس مو لعبه عندك..بعد ما تعلقت فيك واعجبتيني..تتركيني!! اكيد ما يحق لك..
لانا: والله ما عجبتني وابي اغيرك..انا حرة نفسي..
اياد: لنو..العناد هذا ما راح يفيدك...ابي لشوفك اليوم..
لانا: مصدق حالك انت...اقول باب.."وقفلت بوجهه"
والموبايل يرتجف بيدها..ودقات قلبها تضرب بقوه..
:ايش يبي هذا؟؟؟.....والمشكله انه واثق من كلامه.."بلعت ريقها"...لا يكون في باله شي...!!
وسمعت الموبايل يرن بيدها مره ثانيه بنفس النغمه الاجنبيه وحطته سايلنت...
وفكره توديها وفكره تجيبها...بعدها وصلها مسج..
"لانا ...ردي احسن لك....عندي كلام لازم اقوله لك..."
واتصل وحقرته..."يكون في شي بجد يبي يقوله"
ورجع يرسل لها مسج"لنو...مالد داعي اقول الكلام اللي بقوله لك لاخوك ضاري"
لانا شافت اسم ضاري طاح الموبايل منها..وحطت يدها على فمها وعيونها غرقت دموع
:لالا...كل شي ولا ضاري...الا ضاااري..
وصارت تروح بالغرفه وتجي....وشدت شعرها ودموعها سيل على خدودها..
:شلون نسيت انه شاف ضاري وشلون....ايش راح اسوي الحين...ايش راح اسوي..اكرهك يا اياد الكلب .الحقير..الxxxxx...الxxxxxx..
وراحت جري لغرفة دانا تبي حل ينقذها..
&&&&&&&&&&&&&&&&&&