بعرفكم علي أكثر ...
انا فيني شبه انسان...
شبه قصة حكاها شيخ عشان تكون ذي عبره
ضمير الغايب الحاضر...
حقيقة ارهقتها كان...
وصيغة للظروف اللي تعارض مبدأ الفكره
ذكر لمحة بقايا صبر ...
كآبه /تضحيه /حرمان ...
جنون احداث ما ترحم عطش انفاس مقهوره
انا وسط الفضا ابحر ...
وثار بخاطري بركان...
على ذيك الحياه اللي كستني من الهنا جمره
احب الخير وطاري الخير ...
ولكن مجتمع خوان ...
اذا زانت معه صدك واذا شانت معك خيره
على مبداء اساس الشر ...
كرهت اعانق الاحسان ...
لعل النفس ذي تسلي بقية عمرها بكره
يقول الشيخ لا تكفر ...
وفعل نعمة النسيان ...
وانا فيني لذيذ العيش متي قربت من ذكره
انا راضي ولو تذكر ...
خلاصة تجربة انسان ...
بداية قصته عابر ... ونهاية سيرته حفره
محمد آل وافي الشهري