رواية "الا ليت القدر" للكاتبه بقايا شتات..
في بيت ابراهيم..
سمعوا صوت الجرس ..وفتحت الخدامه..
دخلوا البنات عليهم بالصاله ..وكان جوهم هادي..
: السلام عليكم..
موضي انصدمت من الصوت ولفت بسرعه على بناتها ..بجد وحشتها شوفتهم ..مهما كان قلبها قاسي ..بس يحن على ضناها..
: هلا وعليكم السلام..
وبسرعه راحت اريام لحضنها ..
: يمه ارجعي..والله البيت بدونك ما يسوى..
موضي: اخلي ابوك يحس بوجودي..
وجات لانا تسلم عليها: مامي بليز لا تخلي السالفه عناد..
وبعدها دانا وعيونها مليانه دموع: مامي..بليز فكري فينا..
موضي: انتوا اجلسوا الحين وخلوكم من سالفتنا انا وابوكم..
ابراهيم واحلام ما كانوا عارفين السالفه ..فا ضايعين بينهم..
ابراهيم: حي الله من جانا ..
اريام وهي تتذكر اخر مره جات فيها لبيت خالها لما كانت صغيره
: الله يحيك..
احلام وهي تتصنع الفرحه: نورتوا بيتي..
اريام: النور نورك..
وسكت الكل..
فهموا ابراهيم وزوجته ان وجودهم مو مرغوب فيه وانسحبوا..
موضي: وايش قال ابوكم لما طلعت ؟؟
اريام: ضروري احد يتنازل..
موضي: انا ما تحملت بنت الفقر وهي في ملحقها تبيني اتحملها داخل بيتي ..
اريام بتردد: يمه ترى زواج ضاري الاسبوع الجاي..
موضي انصدمت: ايش !!! الاسبوع الجاي ؟؟؟ ليه ؟!
اريام: حصل له اقرب فرصه الخميس الجاي..
موضي: ولا قدر ولا قال ان امه مو في البيت..
اريام: هو ما اخذ السالفه كذا..بس صارت ظروفه ضده..
موضي ما استوعبت لحد الان: وكيف بيتزوج بالسرعه هذي.؟
لانا: مامي ..خلاص هو حجز وبيطبع الكروت وجهز كل شي..
دانا: حتى خو واضح عليه انه غصب صارت السالفه كذا..
موضي: وابوك ايش قال ؟؟
اريام: عصب في البدايه..بس رضى بالامر الواقع.. بتحضرين يمه مو ؟؟
موضي: لو ما احضر الناس بتاكل وجهي..
اريام ابتسمت لام ضاري فعلا كان فاهم عليها ..قال قولي لها الناس ما راح تخلينا وتوافق..
: ايوه يمه ضروري تحضرين...ولا ما راح نخلص من حكي الناس..
موضي بقهر: كله منه..يحب يحطني في مواقف بايخه..
دانا: ماما مشيها لاخوي..قلنا لك ظروفه...
&&&&&&&&&&&&&&&&&&&&&&&&
في بيت مرام..
ابتهال: بصراحه بيتكم الجديد شي..
مرام: الله يسلمك..توه ينور والله..
ابتهال: منور بأهله..
ودخلت المجلس على مشاعل.وسملت عليها بس كان سلامها بارد..
ابتهال صدمها الشي هذا ..بس ما حاولت تدقق..
مرام: امس تعبت وانا احكي لامي عن ملكتكم ما شا الله..
ابتهال: هههه الله يسلمك..هذا كله من ذوق ضاري..
مرام: ما شا الله عليه..واضح انه راعي ذوق وعالي وبعد..
ابتهال: ههههههههه يا بخت اختي فيه .."ولفت على مشاعل" وانتي ليه ساكته؟
مشاعل تحاول تكون طبيعيه: لا مو ساكته..عادي..
ابتهال بجديه: لا من امس وانتي مو على بعضك..
مشاعل ما تدري وش تقول لها : بالعكس ما حسيت ان فيني شي..
مرام انسحبت: بروح اجهز لكم العصير..
ابتهال قربت منها : مشاعل تخبين عني !! لا تنسين انا ابتهال..
مشاعل طالعتها شوي: بس ابتهال تغيرت..
ابتهال انصدمت: انا ؟؟ تغيرت!! وايش اللي تغير فيني ؟؟
مشاعل: ما ادري ..بس احسك متغيره..
ابتهال مسكت ايدها: شعول انا يمكن تغيرت من برا..بس جوا انا ابتهال نفسها بنت جيرانكم بنت الحاره..اللي تحبكم وتموت فيكم ..عمري ما راح اتغير عليكم ومستحيل اغير من شخصيتي..
مشاعل دمعت عينها: بس انا فقدتك..
ابتهال: مشاعل اللي فيك مو كله انا ..قولي ايش عندك؟؟
مشاعل وبتصرف طفولي: ايه بقول..انا بصراحه انقهرت من اخوك وبنت عمه.تصرفاتهم رفعت ضغطي ..
ابتهال ماتت ضحك..
مشاعل: سخيفه لا تضحكين..
ابتهال: ههههه يا حبي لك بس..وفديت قلبك انا ..
مشاعل: ابتهال..انا اتكلم جد..
ابتهال تلعب بحواجبها: لهدرجه تحبين اخوي !! وتغارين عليه ؟؟
مشاعل انحرجت وقامت عليها بتضربها: والله والله سخيفه وما ينقال لك شي..
ابتهال قامت تهرب منها وهي ميته ضحك: انتي السخيفه..ليش ما تقولين احب اخوك..
مشاعل: قلت لك ما احبه بس اعجاب " وحاولت تمسكها"
ابتهال طلعت من المجلس : مرام الحقي علي تكفين هذي بتذبحني .."وفجأه سكتت واختفت الضحكه"
يا الله قد ايش زمان عنه ...اشتاقت له كثير واكثر بعد بكثير..وبالبدله العسكريه كمان..
عزام ما صدق عيونه...كان ماشي بسلام وفجأه طلعت له ابتهال من بين هواجيسه..معقوله هي قدامه !!
مشاعل حست ان ابتهال متنحه في شي..طلت مع الباب وشافت عزام ودخلت وهي ميته ضحك..
ابتهال ما عرفت تتصرف...تحس في اشياء كثيره ودها تقولها له ..من طلع سلطان وهي تبي تشكره..
عزام قطع الصمت : ابتهال..
ابتهال ما تدري وش المفروض تسوي تدخل وتتغطى ولا تجلس وتسمع ايش عنده..
بس ما قدرت تتركه: هلا..
عزام: وافقتي على عبد الله !!
ابتهال اخر شي توقعته من عزام هالسؤال ..هو ليش سألها..وايش يقصد ..معقوله مهتم لها ..يفكر فيها !! ..معقوله قلبه عليها؟؟ وتغير وجهها للون الاحمر..
عزام حس ان موقفه بايخ: ادري احرجتك..معليش انا اسف عن اذنك..
ورجع من المكان اللي جاء منه..
ابتهال من الدوخه سندت نفسها على الجدار وحطت يدها على قلبها ..
مشاعل سمعت كل شي ..وطلعت لها..وشافت شكلها..
: ابتهال ..ما زلتي حيه ؟؟
ابتهال وهي ذايبه: قلبي..بيوقف...انا ...انتهيت..
وجلست على الارض..
مشاعل ماتت ضحك: يا الشينه قومي لا تفضحينا..
ابتهال: ما اقدر ما اقدر ..احس اني انشليت..
مشاعل وقفتها غصب : قومي لا تجي مرام وتفضحنا..
ابتهال وقفت فجأه: شعول قولي انه يحبني تكفين..قولي انه مهتم فيني ..
مشاعل: والله هذا الواضح عليه..
ابتهال جلست على الكنب تفكر : هو ما سألني عن أي شي الا عبد الله..حتى كيفك ما قالها..تتوقعين معجب فيني !! او يحبني ؟؟ ولا وصل لعشقي ..
مشاعل: ههههه استريحي بس..شكله مهتم فيك وهذا اللي واضح..
ابتهال: طيب كيف اوصل له ؟؟
مشاعل : توصلين ايش؟؟
ابتهال: اني ما وفقت على عبد الله..
مشاعل حست بنغزه بقلبها وهي تتذكر اخوها ولهفته امس كيف جاي يسألها بأخر الليل عن ابتهال..
: ما ادري عنك..
ابتهال تغني : يمه قلبي وش فيه قلبي..قلبي قلبي وش فيه قلبي..
ودخلت مرام: هههههه وش عندها البرتقاله..
ابتهال طالعتها: تدرين يا مرام اني احب واموت فيك..
مرام: هههه مشاعل وش سويتي فيها انا تركتها طبيعيه..
مشاعل: ما عليك منها خليها تعاني مسكينه..
&&&&&&&&&&&&&&&&&