رواية "الا ليت القدر" للكاتبه بقايا شتات..
بعد يومين ..
دخل القصر بسيارته وهو حاس انه مهدود حيله..حس ان الحمل ثقل عليه..الشركه وامور الزواج..والربكه اللي تلحق الزواج كلها اثرت عليه..
نزل من سيارته وصادف بطريقه بدر يلعب مع وداد..وشاف جانيت تراقبهم من بعيد..
جاء بدر لعنده..
: عمو ضاري ..عمو شيلني..
ضاري ابتسم له وشاله : اوووبا..ايش عنده البطل ما يبي يمشي على الارض..
بدر: ابي اصير كبير مثلك..
ضاري: باسه على خده: ان شا الله بتكبر وتصير اكبر مني...
بدر: عمو ضاري..انت بتلبس بشت اذا جيت تاخذ اختي مدى.
ضاري حس ان كل شي حسه من تعب قبل شوي اختفى وهو يشوف تفكير الاطفال وبرائتهم اكبر همه الحين البشت
:ايوه بألبس بشت..
بدر: ابي مثلك..
ضاري: ههههههه ابشر..اجيب لك واحد مثله..
بدر وهو يحاول يحرر نفسه من ايدين ضاري وينزل على الارض
: وداد...شفتي ضاري بيشتري لي واحد..
ضاري حس بالسعاده..وشكر بدر على هالاحساس..ومشي لداخل بس وقفه صوتها ..
:مستر ضاري ...ممكن ثواني..
ضاري: ايوه ممكن..
جانيت: خلينا نجلس شوي..
وجلسوا..
جانيت: ما بعرف كيف راح ابدا..بس راح ادخل بالموضوع..
ضاري ساكت ويسمع لها..
جانيت: بدري منك خدمه مستر..وبكون ممنونه اليك طول العمر..انا خطيبي بلبنان..وبدوه يجي لهون..بتمنى انك تمشي موضوعه وهو كمان بيكون شاكر لك كتير..
ضاري: اوكي..مو مشكله راح اهتم بموضوعه..
جانيت: يسلمووو كتير..وربي يوفقك بزواجك وبكل حياتك..
ضاري وهو يمشي يقول بنفسه "آمين "
&&&&&&&&&&&&&&&&&&&&
كانت تمشي بين الحضور ..وتتأمل التجهيزات اللي كانت ماخذه لمسه من الفن والفخامه والذوق الراقي..كل شي معد حسب المطلوب..ومجهز تجهيز كامل..ومستحيل يكون في شي اكمل من كذا..
ابتسمت لجهد اخوها ..اللي وضح عليه اثرها اليوم بالنتيجه هذي ..واثرها على وجهه وجسمه كمان لان العتب هاد حيله في الاسبوع هذا بشكل غريب وكأنه ما نام كله..
قطع عليها تأملها صوت صديقتها : ما شا الله ..الله يوفق اخوك بس .
اريام لفت عليها:آمين ..انا دايما اقول المظاهر ماهي مهمه قد ما المضمون اهم..يعني تخيلي ورى كل الاشياء اللي تشوفها عينك..اثنين مجبورين على بعض..او واحد ما تقبل الثاني..او نهايه كل هذا طلاق سريع وغير متوقع..يعني احنا ما نحتاج نتكلم عن أي ايش قدموا من تجهيز وكلافه ..على قد ما نستبدلها بالدعاء لهم بالتوفيق...
منار: صح كلامك..ربي يكتب لهم الخير..
وجات دانا عندها: اريام وصلت امي..
وراحوا يستقبلون موضي..اللي انبهرت بالقاعه..
: لا بجد اخوكم تعب عليها..
لانا: مامي صاحباتي كلهم خاقين عليها..
دانا: ضروي فديته اخوي ما حب يكون فيه شي ناقص..
موضي: لو انه اخوكم الثاني..كان ما شفتوا شي من هذا ولا اعتمدت عليه..بس ضاري اعرفه طول عمره ممشي نفسه بنفسه..
اريام: طيب حلو كذا ليش تقولينها بدوون نفس.
موضي تصرفها: ما علينا من ضاري الحين..خلوني اروح استقبل الناس..واريام لو تجين معاي يكون احسن..
اريام وهي تنسحب: يمه تدرين ما احب اكون في المقدمه خليني مع صديقتي...
موضي: ما ادري متى راح تتغيرين وتفكرين في بكره..
اريام فهمت قصد امها..تبيها تنخطب ..وهذا الشي اللي كانت تتهرب منه من لما كانت تدرس وتبني طموحها..
دانا تركتهم وطلعت موبايلها: فيصل ...وينك تأخرت..
اشواق: انا دخلت الحين..ومعاي امي..
دانا: بجد !! يله جيتك..
وراحت لهم..وبعد السلام..جلست ام اشواق..ودانا اخذت اشواق معاها
: سؤال اخوك ليه مستعجل كذا ..لهدرجه ما قدر يصبر ؟؟
دانا: ههههه لا مو كذا ؟؟؟بس يقول صارت له ظروف اضطر يستعجله..
اشواق: ما ظنيت ..بس حسافه لسه حاضرين الملكه ما بعد اشتقت للوناسه..
دانا: يا اخي خلينا حياتنا افراح..
اشواق: اكتشفت ان الفرح مو بالمكان او الجلسه او طريقة الحياة..الفرحه باقلب..وانا عندك اكبر مثال..ما كنت اجلس في البيت يوم..ومن بارتي لدي جي من بنات لبنات ووناسه ..بس عمري ما حسيت بالفرح..الا لما افتكيت من فهد ..وعرفت اني ...اني .."وسكتت"
دانا طالعت عيونها: مابي اشوف عيونك كذا..ترى والله يضيق صدري..
اشواق: عاد كل شي ولا يضيق خاطرك ويتكدر ..انا ترى مبسوطه الحين..
دانا ابتسمت وهي تتمسك فيها: ربي يخليك لي ..
اشواق حست ان دانا متعلقه فيها بزياده..صح هي نفس الشي بس مول لدرجه هذي..وغير ان اشواق بدت تغير طريقة حياتها بس بشويش لانه جدا صعب تتحول فجأه..الحين بس تركت صديقاتها اول وشلة البويات,,بس الستايل وطريقة الكلام واحساسها بأنها ولد لسه ما زال موجود..
>>>>>>>>>>>>>>>>>>>>>>>>>>>
ابتهال: مشاعلوه..تصدقين كل يوم افكر بكلمة عزام..
مشاعل: ههه خلاص يا بنت عاد مو للدرجه هذي..
ابتهال: ما تصدقين قد ايش كنت مستبعده انه يفكر فيني حتي..بس الحن كل شي تغير..
مشاعل شافت الفرحه والحب بعيون ابتهال من كلمه من عزام..وعرفت مكانتها عنده..قررت تسوي اللي يميله عليه ضميرها عشان خاطر صديقتها ..اللي لحد الان ما شفت مثلها بالدنيا ولا تتوقع تشوف..
&&&&&&&&&&&&&&&&&&&&&&&