سلام ياللي عليك إمن النظر نيّه
ما اخطيك يومي أشوفك والنظر عاني
انت الذي عقب شمسي جيتني فيّه
من عقب ماحر وقتي شد واضماني
يرجيك قلبٍ هوى لاتحرمه ريّه
دامه بدالك عليّه شوقي واشجاني
ياليت لك قلب مثلِ قلبي وزيّه
إن كان تدري ياكم للعاشق إيعاني
العشقِ يذبح نفوس ٍ بالغلا حيّه
كل يوم يلحق بقيس ٍ واحدٍ ثاني
إن غاب عنك الهوى وش عاد في يديّه
غير الصبر والقَهَر والهم لاجاني
الحال اشوفه برا وشويه شويّه
افقد صوابي سبب هجران خلّاني
يالله طلبتك انا في نفس محميّه
تصبر على اللي على الصدّه بيحداني