موقف جديد طاااااازج حصل معاي بس والله مايضحك قد ماهو يخوف
هذا اليوم الصباح وانا باودي اخواني لمدارسهم بعد ماوصلت الصغار رحت باوصل اختي للثانويه حقتها .. وانا طبعاً ضارب التبويزه حقة كل صبح ,,
ويوم وصلتها على باب المدرسه نزلت هي من السياره وزي عادتها قاعده تلم شنطتها واكياسها وترفع بعبايتها وانا قدام على بالي انها خلاص خرجت هي طبعاً راكبه ورى وشوي وانا احرك باروح
والا اسمع ذيك الصرخه اللي تخررع واطالع ورى والا الاقيها ياحرام تصارخ وتزعق بعلو صوتها وتقول رجلي رجلي ,, تراك داعس بالكفر على رجلي
وانا بسرعه اوخر عنها شوي وقلتلها هااا تعالي اوديك المستشفى اذا فيك شي,, بصراحه انا حسبت رجلها تكسرت لأنه السياره ماهي خفيفه (جيب شيروكي) بس كان تقولي لالالا خلاص مافي شي بس تعورني مرره انت روح ذحين
واجلس اطالعها وهي تخش مدرستها ياحرام حزنتني وهي قاعده تمشي وتعرج ,,
وجالس طول اليوم افكر فيها واضحك,,وفي نفس الوقت منخلع بس الحمدلله جات على قد كذا