عرض مشاركة واحدة
قديم 28-09-2018, 02:39 PM   رقم المشاركة : 1
محمد بن عاطف
( ود جديد )
 





محمد بن عاطف غير متصل

(( . . . . إرحــــــلي . . . . ))




السلام عليكم



.

.

.

.




ارحلي مثل الهبايب .. بالسلامة
لاوداع .. ولا دموع .. ولا وعيد

آنا عالمقفين ... حرّمت الندامة
لو قضيت العمر في الدنيا وحيد

بعت شكوى العاشق..وقلة منامه
واشتريت من الصبر ثوب ٍ جديد

لو تبادت .. من ورا جفني غمامه
دونها .. صكيت باب ٍ من حديد

قلبي الموجوع .. دمعه وابتسامه
كل شمس ٍ تنجلي .. همه يزيد

كل عرق ٍ فيه .. مشغول بخصامه
في رغام الوقت .. والحظ العنيد

منتي اكبر ذنب..يغرق في ظلامه
ولاانتي اغلى من فراقه كان عيد

ما خذيت من الهوى غير الملامة
والجروح اللي مع الذكرى .. تقيد

يابدايات الغلا .. وآخر كلامه
ما ورا جرح المحبة مستفيد

من بغى الفرقى .. يدوّر للسلامه
لا يقلّب في القديم .. ولا يعيد

يعلم الله من بدا الشوق وهيامه
وآنا اشوفك حلم..عن عيني بعيد


وسلامتكم


.

.

.

محمد







رد مع اقتباس