×
×
×
×
زياد وشموخ ورغد ونوآف جالسين في ارض الصاله يلعبون اونو وحولهم ابوهم فارس وامهم الريم واخوهم فهد
نوآف: هين هين يازياد .. تطنز اوريك ان مافزت عليك هالقيم
رغد: هههههههههههههههههآإي وآآآه عصب
زيآد: يلا ورينا شطارتك وفوز
آمآ شموخ كانت تلعب وهي ساكته وسرحانه على غير عادتها
رغد: شوشو وش فيك يلا العبي
شموخ:هآ .. ايه طيب
حطت شموخ ورقة 9 ازرق وقالت بعدها: آونو
نوآف: لآآآآآآآآآآآآ .. تكفين شوشو لا تفوزين .. خليني افشله
رغد تحطمه:ههههههههههههههههههههههه مالك امل
زيآد يستهبل:امل ولا سعاد
نوآف يستفز زياد: ياكرهي .. مسوي تنكت
زياد يخز نوآف : آقول العب قبل لا تنكفخ ...
بوفهد (فآرس) :هههههه اقول يا زياد خف على اخوك لاتتحرش
آم فهد(الريم):ههههههههههههههه خلهم يتهاشون ويتصافون
فهد وهو عاقد النونه : الا قولي فقعوا لي مخي من اصوآتهم العاليه
ام فهد: وش فيك عليهم خلهم مستانسين .. الا اقول فارس وش رايك نكشت .. الحين شتاء الجو مايتفوت
بوفهد:آيه والله .. الجو بارد وهوآء ورعد ومطر .. جو يرد الروح ..
فهد: اللللللللللللللله .. من زمان عن الكشتات .. وين عمي كسار عنها كان بيستانس لو انه كان هنا
بوفهد: الله يكون بعونه عمك كسار ورآه درآسه وتعب مو حول الكشتات الحين
ام فهد: لكن اذا رجع وعنده ذيك الشهاده اللي ترفع الراس بينسى كل تعبه وغربته واذا على الكشتات اللي بتفوته يعوضها ان شاء الله اذا رجع لو يبي يقضي عمره كله بالبر محد برآده
زيآد: الله يرجعه لنا بالسلامه
فارس والريم: آميييييييييييييييييين
فارس: ان شاء اله نشوف لنا كم يوم بالاجازه الجايه ونكشت فيهم...
فجاه صرخه من قوتها اهتزت تحف البيت: فزززززززززززززززززززززززززززززززززززت
الكل التفت لجهة الصرخه ولقوا نوآف ينآقز من كثر الونآسه انه كسب التحدي وفاز
ام فهد اللي قلبها ارتبش: حسبي الله على بليسك .. قلبي كان بيوقف
بوفهد: بعيد الشر عنك يالريم .. اذكري الله
فهد بعصبيه خفيفه: انت كم مرآ اقولك خف من حركات الهباله هذي .. انت والهبله الثانيه رغد مستحيل تفكونا من حركاتكم البايخه
رغد بزعل: شفتوا شفتوا بس يتحرش .. مآلت عليك وش مسويه انا الحين
زياد: يعني كانك مو مسويه شي ... ماتقولي لي من اللي حايس بغرفتي اليوم
رغد بارتباك وآضح: هآ .. آآ صلا من قال اني دخلت غرفتك واخذت اللاب توب
وسط الاجوآء اللي كانت كلها توتر صار الكل يضحك على غباء رغد لانها فضحت نفسها
الكل :هههههههههههههههههههههههههههههههههههههههههههه
زياد: هآ انتي اعترفتي على نفسك
انقهرت رغد منهم وجلست وهي مبوزه
(لك كيانك ...لي كياني .. ليه جامعني معك .. ما اخضع لقانون كيفك سلطتك رايك هواك ..) دق جوال شموخ اللي كانت ساكته والتفت له شافت الرقم وردت وظلت فتره معلقه السماعه على اذنها دقيقه تقريبا وسكرت من غير ماتقول ولا كلمه ..
الكل : ؟؟؟؟؟؟؟؟؟؟؟؟؟؟
نآظرت اهلها وقرات الاستغراب بعيونهم
شموخ: وش فيكم ... -واستدركت كلآمها- هذي صديقتي
نوآف: غريب .. مو عادتك قليلة كلام .. يعني رديتي عليها وسكرتي من غير ولا كلمه
رغد:انتي صار لك كم يوم كلش مو طبيعيه
شموخ:وش فيكم علي .. يعني ان تكلمت ماعجبكم وان سكت ماعجبكم آوووف
قالت شموخ كذآ وبعدها رآحت لغرفتها
زياد:مو طبيعيه .. مستحيل .. شموخ الثلجه .. البارده .. عصبت .. ماصدق
فهد: طول اليوم سرحانه و وساكته .. مدري وش وراها ..
بوفهد:خلوها براحتها لين يطيح اللي براسها بترجع مثل ماكانت .. لو تبي تقول وش فيها بتقول من غير لاحد يضغط عليها
آم فهد: يمكن عندها ضغوط بالجامعه .. او متهاوشه مع وحده من هالبنات .. وهي دلوعه حبتين زياده .. تبي من يراضيها ويداريها وياخذ بخاطرها .. مو متعوده تزعل احد او احد يزعل منها
نواف: ياعيني كل هذآ لدلوعتك وحنا مالنا نصييب
رغد: لالالا .. خلها تكمل امجاد حبيبتها شموخ .. -وبتمثيل درامي- حنا لنا الله .. لنا الله آهئ آهئ آهئ
زياد: آقول قومي عني قبل لا ارتكب فيك جنآيه .. ملعون ابو من علمك التمثيل .. الا تمصيل وانا الصادق
نوآف:هههههههههههههههههههههه حشرها
رغد: مالت عليكم .. وبعدها راحت لغرفتها
×
×
×
×
زحمه .. آصوآت موسيقى عاليه .. آصوآت ضحكات تجيب الاشمئزاز .. انوار قويه بتشتغل وتطفي بسرعه .. ريحة الخمر منتشره .. انواع المحرمات في هالمكان .. ممكن الواحد يخمن وش كثر هالمكان قذر بمجرد انه يمر من عنده ..
كسآر اللي كان جالس على الكرسي تبع البار وبيده كآس خمر ويناظر المهزله اللي قدامه وعاجبه الوضع ..
قربت بلبسها العآري واللي يفضح اكثر مايستر لجهة البار استندت عليه بدلع ومياعه قذره : Tequila please(تيكيلا لو سمحت)
كسآر : لبآ التيكيلا انا
ناظرت فيه البنت مستغربه من الكلام اللي قاله لانها اجنبيه ومافهمت شي من اللي قاله: what ..؟(ماذا..؟)
كسآر قدر يركز بصعوبه باللي تقوله البنت لانه كان شبه سكران ... قام من على الكرسي وقرب منها ومابقى شي ويلصق فيها وصار يناظر فيها بطريقه شيطانيه بعيييد عن كل معاني الطهر والعفه والشرف ..
قرب كسار ايده من وجهها وصار يمسح على خدها: What is your name, O sweet ..؟ (وش اسمك ياحلوه)
البنت لقتها فرصتها انها تبيع نفسها لكسار .. شاب وسيم وباين عليه جيبه مليان من ملابسه وموبايله .. بالاضافه ان هذآ مصدر رزقها اللي معتمده عليه ينعني بالعربي لقت لها(صيده) .. ضحكت بنعومه: ههههه I am Jennifer .. What about you ..؟
(انا جينيفر .. ماذا عنك)
كسآر:اروح فدوه لتحت مواطي رجلين جينيفر
شافها تناظره باستغراب وفهم انها مافهمت ضحك بصوت عالي وبعدها استدرك ضحكته: i am kassar (وانا اسمي كسار)
رمت جينيفر نفسها بحضن كسار ورددت وراه : kassar .. -بحروف مكسره لانها اجنبيه
كسار ضحك وهو يسمعها تقول اسمه : ههههههه - وهي ضحكت على ضحكته
جينيفر: هههههه ..You have a beautiful name (اسمك حلو كثير)
كسار شد عليها وهي بحضنه وابتسم لها ابتسامه كلها خبث
قضى كسار الليله مع جينيفر وطبعا بدون مايحس بنفسه .. لانه كان سكران .. هذآ غير المخدر اللي حطته جينيفر له بالعصير
ترررن .. ترررررررررررن .. ترررررررررررررن ......
كان هذآ صوت المنبه في غرفة كسار ..
مد ايده للمنبه وهو تحت الفراش وبصفعات عشوآئيه حاول انه يوقف المنبه : آوووف
قدر كسار يوقف المنبه .. ظل دقيقتين يتمدد على الفراش .. وحس انه جسمه متكسر وكان احد طاقه بمطرقه
كسآر بالم: آآآه
قآم غسل وجهه غير ملابسه والقى على نفسه نظره اخيره بالمرآيه
... جسم ريآضي عريض .. عضلات .. بشره بيضاء صافيه .. فم وآسع انف حاد وطويل عيون رماديه وآسعه حولها شوي سواد بسبب السهر والشرب مع هذآ مو مآثر على جماله الخورآفي حوآجب عريضه تقريبا ومرسومه والحاجب اللي عاليمين في شطب مايل بسبب غرزه وهو صغير ومعطيه ستايل روعه .. كان فعلا كسار بكل ماتحمله الكلمه من معنى اسم على مسمى .. مستحيل احد يشوفه وماينسحر بجماله ..
ناظر نفسه بنظرة رضآ تامه وبعدها طلع من الغرفه وهو يحس بشوية نشاط يتجدد في جسمه ...
شم ريحة الكوفي والتوست المحمص واتجه للمطبخ على طول ..
كسآر: افا ياللحجي تفطر من غير ماتصحيني
طلال باستهزاء : ليش انت فاضي لي ولفطوري ..
كسآر يمزح: اذا مافضيت لك يابعد عمري افضى لمين قولي لي منورتي يا ست البيت هههآع
طلال عصب من كسار لانه دايم يقوله منيره .. لانه هو غالبا اللي يطبخ وينظف والاهم من كذآ والسبب الرئيسي ان طلال طلع من الجامعه ودخل في معهد لتدريس ..... الباليه و الرسم .. قرر يتبع هوآيآته وطموحه ويترك مخططات اهله على جنب .. طبعا هالشيئ محد يدري عنه غير هو وكسار .. والباقي يعتقدون انه يدرس هندسة حاسب .. طبعا طلال ولد اخت كسار (آم سيف)
طلال بعصبيه خفيف: منيره بعينك
قام طلال وشال الصحون والاكواب اللي عالطاوله
كسآر: هييي هيي تعالي وين شايله عفشك .. باقي انا مافطرت
طلال يستهبل وينعم صوته : والله يا زوجي العزيز انا اليوم معصبه عليييك ومافيه بلع .. اذا تبي قوم اخدم نفسك
كسآر تسدح من الضحك : هههههههههههههههههههههههههههههآإي وربي جاي الدور معك خصوصا لما لبست المريله حقت التنظيف ههههههههه شي شي والله
طلال:ههههههه .. خلاص ارحم حالك وقف ضحك .. وقوم ساعدني بالتنظيف .. ولا اقولك خذ الملابس للمغسله في طريقك ادري ما منك فايده
كسآر: ههه حاضر منيره .. اوامر ثانيه
طلال: اقول عطيتك وجه ترآ - رفع النعال اللي كان برجله - قوم خذ الملابس للمغسله ولا بهذآ على وجهك
كسآر وهو يرفع حاجبه المشطوب : لا والله .. آشوف طالت وشمخت يا ولد اسيل ..
طلال وهو يرمي كيس الملابس على كسآر ويدفه لبرآ الشقه : يلا يلا يلا برآ .. اذا وديتهم ورجعت نتفاهم
سكر طلال الباب بعد ماطلع كسار بالعافيه وماعطاه مجال يتكلم لانه صقع الباب في وجهه قبل لا ينطق باي شي خخخخ
طلال: اوووف .. صدق ملييق مايبي يسوي شي
بعدها توجه طلال للحمام عشان ياخذ شور ويلبس قبل لا يروح للمعهد .. آيييه المعهد صار طلال يتبسم مجرد انه تذكر المعهد