*_* له له أم الوليد تتشره *_* ترى الدعوة كانت مزح في مزح ولا حنا عارفين أنك اخطيتي من العجلة وحبينا نعلق شوي على العموم آسفين ياأم الوليد غلطة وماراح تتكرر <والله ماعرفنا من اللي نمون عليه ومن اللي مانمون كل الشكر لـ اخوي عبق على الأستضافة والتوريطة ^_^ وبسم الله نبدى .. ● من آي مدينه ـهَ ؟ وِآي منطقه ؟ من الريـاض ● ايش اكثرِ المدن اللي تحبهِآ ؟ داخل وخارج المملكه؟ داخل المملكة : حائل والرياض خارج المملكة : مدينتين أتمنى أني ازورها وراح ازورها بأذن الله هن فنيسيا وفلورنسا بأيطاليا ● كمِ مرِه سآفرِت دآخل و خآرج المملكه ؟ 3 مرات فقط لاغير <تكتب شيك أنت ؟ ● تَحبَ تنآم فالطيآرِهـ ولـآإأ ايش تسوِي ؟ واحلى نومة والله <تجي عند الدريشة وتدق اللطمة وماتدري بروحك الا يوم يقولو انزلو خلاص دحدرنا ^_^ ● كمِ آكثرِ مُدهِ جلستهآ برى المملكه ؟ امممم 15 يوم ● آيش أفضل خطوِوِط طيرِآن في نظرِك ؟ الصراحة انا ماجربت الا الخطوط الامارتية والسعودية بس في نظري الخطوط السعودية أفضل لكنها أغلى شوي ● آجمِل منظرِ أعجبِك في آحد الدوِل (( مع الصوره إن وجد)) ؟ أو داخل المملكه؟ منظر شاطئ دريم لاند في جزيرة بالي الصراحة خيال , والصور واجد بس يبيلها شغلة وتحميل <واحد متعيجز ● حآدثه او موقف صآرلك وِآنت مسآفر طرِيف ولـآإأ محزِن ولـآإأ اي شي ؟ والله الحوادث والمواقف كثير بس هي حادثة وحدة لايمكن انساها ماحييت كنا في جزيرة بالي وكان من ضمن برنامج الرحلة مغامرة التجديف الخطر , هو اللي يركبون على قارب مطاطي احمر وينزلون مع الشلالات ومن عند الحجر وشي زي كذا , عاد حنا من زود الهياط اللي فينا قلنا قدام ياولد والملاعين الاندنوسيين يرفعون فينا سئودي قوي وسئودي قوود قلنا يارجال قدام هي موتة ولا موتيين الوكاد ركبنا هالقارب والله لايوريكم من شلال في شلال ويوم انتصفنا الطريق لف فينا القارب ومادريت الا انا بوسط النهر وخوياي عني بعيد <قسم شفت الموت بعيوني النهر كان سريع جريانه والخوذة حقت الراس طاحت وانا صقع في هالحجر وابلع من هالماء لين ماهدء الشلال ومادريت بنفسي الا انا صاقع قارب خوياي وسلت الحمدلله بس اللي كان قاهرني اكثر شي في هالرحلة >التسلب الأندنوسي اللي يصور فديو قدامنا ملعون الخير كان يمديه ينقذني بس التسلب قعد يصور تقل ماصدق على الله لقى لقطة يزين بها الفلم قصة تحزن صح ؟ قالوالي نبي نمثلها بطولة احمد السئا بس انا رفضت <لأن السينما ممنوعة عندنا ● لوِ عرِض علِيِك العيِش في بلد غير بلدِك مآرآيك ؟ تبي الصدق كنت أفكر أعيش في احد الدول الخليجية إذا توفرت لي معيشة أفضل , لكن ماأن تعديت حدود الوطن حتى غيرت رأي 180 درجة <والله مامثل ديرتنا ديرة ^_^ ● هلِ تؤِيد السفرِ خآرِج الوطِن العرِبي ؟ والمملكه بشكل الخصوص؟ اكيد اويد .. ليش لا السفر طيب .. بس لأهله <فيه ناس ماهم اهل للسفر ● لو عندك اجآِزه وين حاب تقضيها ؟ الصراحة انا مابديت أسافر خارج المملكة الأ قريب <يعني بعد الوظيفة فأتفقنا أنا خوياي ان كل أجازة نختار لنا دولة ونهجول بها ^_^ ● كمِ عدِدِ المدنِ الخليجيه اللتي زِرِتهآ ؟اودوله عربيه ؟ او اروبيه؟ الخليجية : دبي (الأمارات) و الدوحة (قطر) وخارج الوطن العربي : أندنوسيا وبعد اسبوعين ان شاءالله أبي اخاوي أخوي لباريس ^_^ ● مآذآ ستفعل في هذآ الموِقف .. (( حجزِت من بلِدك لتقظي اجآزِتك خآرِج بلدكِ وِ عفشِك اتآخرِ ولمِ وِصلِت حَجزِك اتكنِسل وِ السآعه متآخرِهـ فالِيل وِمآفي ولـآإأ فندق آوِ شقق فآتحه ـهَ )) آيش تسوي ؟ والله مثل ماقال عبق >ندق والدينها نومة فالمطار , لأن أبشرك قد سوينها بس مو تكنسل الحجز كانت رحلتنا لأندنوسيا لازم نوقف في دبي حوالي 12 ساعة <الله وكيلك قضيناها كلها بالمطار مترناه تمتير ويوم طفينا دقيناها نومة ^_^ ● ● ● كل الشكر لك اخوي أسير على هالموضوع الرائع والشكر موصول لـ عبق على الأختيار وبالنسبة للأختيار أترك المجال لـ صاحب الموضوع أتمى أن تكون أجوبتي خفيفة عليكم ودي
(.. وداع وكلمة التوديع اسف ..!