مَجْنُوْن
كنت انا العاقل وكان العقل ميزان ٍ وساس=لين عشت الحب عمري عقبها شفت جنون
صرت اهذري بالحكي والقول لا قابلت ناس=ينشدون اليوم عني هالخبل منهو يكون
اجلس إبكل المجالس مالها عندي مقاس=ما اشوف من العرب غير البراطم والسنون
إن نويت ابدى سوالف صاب خلق الله نعاس=راقدين من السوالف لين تقليط الصحون
الجنان إن كان جاني ماقعد فالجسم راس=منتهي عقلي وكلي منتهي قبل ٍ تجون
انشدوا عني تراني من فنقطة ماه حاس=ماعرتولي جنان ولا عرفتولي سكون
إن نظرت البنت افز وكن دق الجسم ماس=وإن سكت تقول عني طبعه الطيــّــب حنون
وإن جلست اسكن وكنه صايب ٍ جسمي يباس=وإن وقفت أقف وكني حي تخلفه الظنون
اضحك إن كاني سمعت اليوم اصوات البساس=وإن سمعت الطير غرّد سيــّــلت دمعه عيون
الحياه اليوم عندي تشبه المويه فكاس=هاك من كاس الجنان اليوم حتى ترتوون