يــا مالـكـه حــس القصـيـد بمبـتـدآه ومنـتـهـاه
ياغيمة ٍ بأرض الشعر ليا أمطـرت تنبـت زهـر
ياغاليـه يللـي علـى عـرش الغـلا زايــد غــلآه
أشري رضا خاطرك لو كان الرضا سوق العمر
حبك تـرى كثـر المطـر إن كـان تقـدر عـد مـاه
وإن كان مايرضي غرورك حاول إتقيس البحر
حبـك كثـر عـد النجـوم إللـي تعلـت فـي سـمـاه
تـقـدر تعـدلـي نـجـوم اللـيـل مــن دون الـقـمـر
حبـك كبـر ذاك الجبـل طويـق كـم يملـك حصـاه
حاول تشوف طويق كم يملك علـى كبـره حجـر
حبك روايـه نـادره تصعـب علـى حفـظ الـرواه
حبـك عــذاب لعـاشـق ٍ بـيـح خوافـيـه السـهـر
شوفي انـا سهـران فـي حبـك ولـو يذبـح عنـاه
أزرع على أوراقي بذور الشوق واسقيها حبـر
ينبت غرامك في فؤادي وأحفظه حفـظ الوصـاه
إلـلـي تذكـرهـا شـجـاع ٍ عاقـبـه مـيــل الـدهــر
لــك ضحـكـة ٍ ياحلـوهـا إلـيـا تغـنًـت بالـشـفـاه
إلـيـا ضحـكـت أقولـهـا لـبـيـه مافـيـنـي صـبــر
أجمل جميلات العرب والصـوت ساحـر ياحـلاه
اسكر على صوتك لو إني ما عرف طعم الخمـر
حبيتـي مثـل البـدر تـضـوي عـلـى كــل اتـجـاه
لـكـن تواضعـهـا جعلـهـا ساكـنـه بـيـن البـشـر
في قربها يرخص كبير القـدر وينسـى مستـواه
لأنهـا بكـل إختصـار أغلـى ثمـن أغـلـى سـعـر
حبيبتـي ضمـن النـوادر مـا لقيـت إلهـا إشتبـاه
إلآ نــوادر هالجـواهـر والــدرر وســط البـحـر