اقتباس المشاركة الأصلية كتبت بواسطة نديم القصيد مابه عتب دامك اللي تخليت منسا انا قلبي جرحته بلا اسباب دامي انا من جابها يوم تمنيت برفع انا ايدي واتركك احباب ماهوب انا ياللي بالاخلاق شكيت ولا بعيش العمر في الحب اطناب عشت العمر ابكي وهالناس بكيّت وعايش مثل صحرا تجافيها الاعشاب جرحتني جرح المهاجر عن البيت وخليتني في وحدتي ابكي منصاب عشت الفراق وانتا لهالفرقه هليت وكني ولا اهمك وشمّت الاصحاب انا الذي اعطيت واعطيت واعطيت وانت العنيد بالصد قفّلت الابواب مصيبتي كبرى وجرحك مداويت يكفي دموعي صلّحت بعض الاعطاب يكفي جروحي ميزتها التصاويت ويكفيني ان الغدر جاني من احباب اصبر وخل العلم فالصدر واخفيه لحدٍ يحس إب حالِتك وانت مجروح خل المقفّي يرحل إف درب مخطيه ورّه طريقه لجل يمشيه ويروح وان كان ودّه يجلس الله يحيّه وإن كان ودّه بالتراحيل مسموح انته عطيته والعطى كود يكفيه والطيب فيكم باين وريحه إيفوح