,,,,,,,,,,,,,,(((( قصيده لشاعر نجد المعروف : محمد العبدالله القاضي )))),,,,,,,,,,,,,,,,,
يا صروف الدهر فعلكـن انتصـاف
فعلكن بي ما يقايـس لـه وصيـف
فعلكن بالغيـر مـا فيـه اختـلاف
وفعلكن بالمبتلي يـا حيـف حيـف
كلمـا قلـت آه ياليـت الكـفـاف
من دواير سوّكـن جانـي مطيـف
افتجانـي مـن هواكـن انصـراف
وزارني بالطيف لي طفـل لطيـف
واضح الخديـن مجلـي الرهـاف
متلـف العشـاق مصيـون عفيـف
واهتنينـا بالتـطـاف وانعـطـاف
وارتشاف من شفـا شهـد نظيـف
وايتفـاق واشتـيـاق واعـتـراف
وإشتمـام مـن ثمـر ورد قطيـف
ابتهـر ورف عقلـي يـوم شـاف
من سنا خديـه بـرق لـه رفيـف
بين اشفتاه وفـاه كامثـال الرعـاف
ناظم في فيـه دق امـزون صيـف
كـن فـي خـده قناديـل تـشـاف
يبتهر من نورهـن عقـل الظريـف
كن مـا بينـي و مـا بينـه يـداف
من سكر خمر الهوى كاس شريـف
واهتنينـا عقـب فرقـا بايـتـلاف
وابتسـام مـع سـلام وتعـريـف
يـوم منهـن انتبهـت إلاي طـاف
مصبـح بحلـوم ليـل مـا تريـف
قلت اناه امـن التوجـد والحسـاف
والتمـنـي والتـنـدم واتعنـيـف
يا علي عقلـي بـدا فيـه إختـلاف
من صخيف الوسط والخصر النحيف
ويل من هو بالهوى طالـع وشـاف
من صروف الدهر تصريف يخيـف
وانهمل من حاير الناظـر وطـاف
مدمع لـي حـق للمسنيـن ريـف
ودش من صرف العزارة والتـلاف
في بحور التيه أدوي بـه عصيـف
وانصراف القلب مما شـاف عـاف
من حـلاوة زهـرة الدنيـا معيـف
يا علي لو كنت بر كـون المطـاف
حالف ما أنساه لو فوقـي رصيـف
كلمـا ادرس حبهـا زدت انشغـاف
لايمـي يـا الله مهبـول كفـيـف