السلام عليكم ورحمة الله وبركاته
الأخت العزيزه / في صمتك حكايه
كالعاده متميزه في أطروحاتك
بالبدايه حبيت انبهك عن شيء يمكن غفلتي عنه اختي الغاليه ولو ما لك غلا بمنزلة اخت مانبهتك
المسلمين لهم عيدين فقط فلانتساهل بلألفاظ لأن كثير من الألفاظ اصبحت عاده ومن بعدها للجيل الجديد
باتت عباده
يعني بدايه خلينا نقول يوم وطني افضل وانا اختك ولا أيش رايك ..؟
ثاني شي بالنسبه لليوم الوطني بالعكس هذا اليوم للفاهمين والداركين معناه
تلاقينهم احتفلوو فيه بشكل حلوو وفرحو فيه وانبسطو
وكل واحد فرح عن طريق فهمه ووعيه وقبل كذا تربيته
بالنسبه لما رأته أعيننا من صور وكلام وبلبله صدقيني
لم يكن الا غيره من بنات الوطن وتشويه كالعاده لسمعة الفتاه السعوديه
الأصيله المتربيه بنت الحمآيل لأن اقسم وأردد وأجزم
كل الي انتشرت صورهم وكانو بحال لايعلم به الا الله
اتحدا ثم اتحدا الي يقولي انها سعودية الأصل والمنشأ
صوره انتشرت لبنات خارجين من شبابيك السياره
بدون عبائه ولا شيء يسترها وتداولها كثير ناس
وكانو كاتبين خساره ياسعوديات حقاره وما أدري أيش
لهذي الدرجه توصلون ولكوني اغار على بنات وطني وسمعتهم من سمعتي
ثارت غيرتي وعصبت رحت لكل بنت وضعت هالصوره وبنفسي سألتهم
من وين جايبينها كل وحده تقولي كلمه وكل وحده تقول يقولون انهم بالشرقيه
فالرد الي كان مني قلت انتي شفتي البنات بعينك
فكانت الأجابه من قبلهم : لا فلانه تقول وفلانه تقول
مشكلة مجتمعنا انه يصدق مالا يرى ما ادري متى بنترك عننا هذي الثقافه
ماهم الا مجموعه حاسده حاقده حقيره تود ان تشوهـ سمعت فتيات الوطن
وانا وانتي وغيرنا من البنات المفروض نوقف بوجه كل حاقد وحاسد
لأن صدقيني البنت الي وراها أهل وأخوان مهما كان مستحيل تغلط
والناس الي تعرف تحتفل احتفلت صح
اعرف لك ناس كثير احتفلو بأستراحات سوو عرض وبروجكتر عن الوطن انجازات
جمعو اطفالهم واطفال جيرانهم بدون ماصار من شغب ورقص خارج حدود المعقول
والمفترض مننا مو اي صوره او اي كلمه نسمعها نرددها ونتداولها من دون ادنى تأكد
تدرين وش اكثر شي قهرني بذاك اليوم
ان في بنات اعرفهم من الكويت وقطر
كانو كاتبين بالبروفايلات من كثر الكلام الي جاهم
افا يابنات السعوديه وش جاكم ..؟
بلاهي عليك هالكلمه ماتقهر
ان ناس يحقدون علينا يبون يشوهون السمعه عند الدول الثانيه
المشكله انو الناس الي ماعندها وعي وفكر عندنا
يساهمون بالتشويهه عن طريق النشر بطريقه غلط
وصدقييني كل اللي انتشرت صورهم من جنسيات عربيه مختلفه
ومانبي نقول الا الله يهديهم ويستر علينا وعليهم
ويحفظ لنا امننا ووطنا
فالوطن جنه ونعمه لايشعر بلذتها الا فاقدها
يعطيك العافيه غاليتي واعتذر ان كنت قد اطلت
مـ الشوق ـلاك