ــــــــــــــــــــــــ***ـــــــــــــــــــــــ ـ
أسافر وأبتعد وأغيب وأشوفك في هجوس البال
دروب الشوق وعيوني مع المسفار يطرونك
أجيك من الوله ديره , مطرها بالغــلا همال
سكنتي ما سكن غيرك بقلبي ولا يجي دونك
أسولف لك عن الغيره , وأنا أبكي على الأطلال
وأداعب نشــوه الماضي وأشب النار بظنونك
وأشم الليل بأنفاسك وأتمتم: ((( يا عذاب الحال )))
تفرد بي زهرك اللي شرب من سكر غصونك
أنام الليل وأحلم بك وأقوم إنســان فيه إهبال
وأعود أرقد لجل ألقاك وأشرب لذة طعونك
تجين بداخلي دنيا زهر , ريحة مطر وإظلال
ونكهة توت , مدري خوخ , مدري فوح ليمونك
تبين الصدق ... هالدنيا بدونك ما تســاوي ريال
ولو إن الدمع صاح إنسى , يصيح القــلب: ما أخونك
أنا شفت وتعــلمت , وعرفت من البشر أشكال
ولكن ما لقيت إنسان ... في شكلك وفي لونك
نسجت من الوله أكبر غلا حتى غدا { تمثــال }
وكتبت (إســمك) على التمثال , والتوقيع: مجنووووونك
أسافر وأبتعــد وألقاك صوره طابعه بالبال
ترجعني لك أشـواقي , وأجي ولهان لعيونك .
ــــــــــــــــــــــــ***ـــــــــــــــــــــــ ـ
ما أقول: لاجيتي أكيــــد القمر غاب ** وما أظنه إن غبتي مكــــــــانك بنايب
وإنك مكـــانك من ورا ذيك الأحداب ** وإنه مكانك بالرضا والغصـــــــــايب
وإني أحبببببببببببك لين يكسيني تراب ** وإني على شــانك ركبت الصـــعايب
وإني حمــــــــام البال طيرته أسراب ** والنوم عن مغــليك شد الركـــــــايب
أســتغفر الله غيبتك (موت وحساب) ** ومواصلك (جنة نعيم وســـــــحايب) .
ــــــــــــــــــــــــ***ـــــــــــــــــــــــ ـ
ليتنا مثل الهدب والرمش ياعمري .... نكون
لو تفارقنا ثواني نبتدي لحظــــة عنااااااااق
وليتنا مثل البراءه ....... ما نخون
ما ندل إلا طريق الحب ما نعرف فرااااااااق .
ــــــــــــــــــــــــ***ـــــــــــــــــــــــ ـ
بين الصحاري والضما إحســاس ليتك تفهمه
بين السحابة والســـما دمعة تبعثر همها
بين الشواطي والبحر شوق عجزنا نفهمه
بين الليالي والســهر حسره جرعنا سمها
بين الدروب الموحشة صرخة صداها تكتمه
من يرسم الخطــوة رجاء بين الجهات المظلمه
من يا ترى ... يصبر على جور الحــياة المعتمه
لهفه تمــوت وتندثر فرحة زمن ما تمها
ضيقة معاني تمتطي ذاك الشـــعور وتلجمه
نظرة يتيمة عابرة , كل الحـــنان يعمها
جيتك وله , جيتك وفاء عمري وجودك يقسمه
إنت الرموز الباقيه واللي مضى ما همها
خذ ما بقى من حلمي الشارد بعيد وترجمه
غربة غـــلا وقلوبنا لون العطا في دمها
جيتك خواطر هايمه , جيتك قصايد مبهمه
يا هاجسي مد النظر صوب النجــوم وسمها
يا ما تحريت القمر ياخذ من الليــل اسهمه
عشق الزوايا والبحر بعثر حروفي لمها
أما وصل وإلا جفا , شي عسى ما نعدمه
صمت وعنا عزلة مشــاعر غارقة في يمها .
ــــــــــــــــــــــــ***ـــــــــــــــــــــــ ـ
أتخيل دمعة طفل ... وأتخـــيل دمعة يتيم
لامن بكى في يوم عيد ... لشاف ماعنده أحد
يشري له الثوب الجـــديد
وأتخيل شيخ كبير ... يبست شـــفاته من الظمأ
خانقته العبرة ضرير ... وبيده عصاه وما قوى
وأتخيل صورة فتـــاة ... جرح مدامعها الحزن
تبكي على شــخص عزيز ... راح وتركها وأندفن
كانت تودعه صبح وعصــر ... واليوم جابوه بكفن
وأتخيل دمعـــة قهر ... في وجه رجال شهم
لاحطوا القيد بيديه ... وبالظلم حطـــوا به تهم
وأتخـــيل صورة رضيع ... يبكي متى أمه تجيه
وأمه بجــنبه طايحه ... الله خذاها من يديه
كل هذي الصور >>> متجــمعة فيني
{{ لامن فقـــدتك }} .
ــــــــــــــــــــــــ***ـــــــــــــــــــــــ ـ