[تذكَـــرنـِي]

تعرفين..

إن الغلا لك تعرفين..

و تعرفين إن المحبه سرّها كان لعيونك..

و تعرفين إن الهيام..

و كل مابي من غرام..

كان لأجلك..

و تعرفين و تؤمنين..

إن أنا اللي شلت حبك..

و إحتواني من سنين..

تعرفين و كثر مأنتِ تعرفي..

و كثر شوقي..

و كثر مأكتب من حروفي..

و كثر مأحكي..

و كثر مأهمس..

و كثر نبضي اللي يناديك بخفوقي..

تتجاهلين..


تعرفين إنك كثير أتحيِّرين..

و لمَّا أشكي لك معاني حيرتي..

تِتْهَربي..

و لاسألتك..

كان ردك أسئله و الا إجابه مبهمه..

و لاتفضلتي و أجدتي ، بالإجابه تلعبين..

و آه لمَّا تسألين..

و تطالبيني بالحكي..

و كثر إجاباتي عليك..

و مع عباراتي..

و إنتقاءاتي..

ترجعي لي و إبَّساطه..

و مثل ماكنتِ تقولي..

دائما هي عادتك..

بس هذا اللي قِدَرْتَه..

قلت عني كلمتين..

ياغرورك..

هاللي يحكي لي شعورك..

كيف بقدر أقنعك..

و أوصف حضورك..

كيف أجاري هالبراءه..

و هالجراءه..

كيف أنا أرضي غرورك..

و إنتِ دايم تعرفين..