عن الكلام و عن وجودي و الاحلام
تكفيك بعـض الذكريـات القديمـه
شح الكلام وكل موقف لـه أحكـام
أرفض وجودي في حياتـك نديمـه
ياما عطيتك قبلها عشـق وهيـام
كنت أحسبك وافي وانا كنت( شيمه)
ماعلمتنـي عـن حقيقتـك الايـام
وأنـا بتجربـة البدايـة غشيمـه
واليوم اوقف خطوتي معـك قـدام
وأقول لك ترحل بستـر وحشيمـه
وأيامي اللي عشتها معـك بوهـام
لا ... مالها في حسبة العمر قيمـه
خل العيون اللي جفت نومها تنـام
وخل الجوارح والمشاعـر سليمـه
اعف عن دار(ن) وطتها لك اقـدام
وأعاف جو(ن) جايز(ن) لك نسيمه