[ذو الوشاح]

اقتباس المشاركة الأصلية كتبت بواسطة مـ الشوق ـلاك بسم الله الرحمن الرحيم السلام عليكم ورحمة الله وبركاته عوده بعد وقت طويل وأتمنى أن اكون وفقت في هذا الطرح من خلاله أود أن افيد وأستفيد بعيداً عن رتآبة الموآضيع وتكرارها ولكن بطرق أخرى خطر لي هذا الموضوع من قصه طريفه حدثت لي بدآية أود أن نخلع أقنعة المجاملات في الردود تعجبني الردود الصريحه والمبآشره والتي تمثل الأنسان نفسه لاغيره او من اجل غيره العمر بالنسبه لنا يشكل شيء مهم أتمنى من الله ان يهبنا عمراً طويلاً في طاعته وعبادته ومرضآته العمر بالنسبه للنسآء كلمه مخيفه ومن وجهة نظري في مجتمعنا الخليجي بشكل جداً مثير أحياناً للشفقه فما أن تصل المرأه لأبواب الـ 45 تردد يالله حسن الخاتمه وأنه قد أنتهى بها المطآف الى هذا الحد والبعض ربما بعد الزواج مباشره كم سنه وتغلق ابواب التزين والتجمل والمحآفظه على شكلها وهندامها وبشرتها وقبل ذلك صحة جسدها مسخره كل الأمور لزوجها وبيتها ومطبخها وأطفالها متنآسيه بذلك الحق لنفسها عشآن كذا تقولون ليش الرجآل يلتفتون لغيرنا طبيعة الرجل بين قوسين ((يحب الزين )) والنسآء مثل ما أنتو عآرفين فتنته بـ الدنيا فلا تغضبي ولا تضجري اذا بحث عن أمرأه أخرى تشبع نظره بصحتها وجمالها وهندامها وحيوية جسدها ولا تغضبي حينما تلتصق عينيه بالشاشه متنآسياً انه بجوارك الحين بدخل بالعآميه شوي يآبنآت ويآحريم ^_^ لمن اشوف النسآء الي برآ وكيف أعمارهم يمكن توصل للـ الثمآنين وتلاقينها تاخذ لها حمام شمسي مسترخيه بكل هدوء وبكل ثقه رغم تلك التعرجات التي اصابت اغلب مناطق جسدها رغم انها ربما تفوق جداتنا اعمار مضاعفه لأعمارهن الا انني أشوفها مشاءالله بالحركه وبلأهتمام وبلبس والشعر والنظاره الشمسيه وووووو عدة امور بس احنا رغم التخوف من العمر ورغم ان أكثر شيء تخشاه عندنا المرأه يقولون لها كم عمرك .. الا اننا نجد أهمال ثم أهمال ثم أهمال وخلوونا واقعييين يعني نسبة العجز الي يهتموون بأنفسهم يمكن جزء جداً ضعيف من الـ 100 والمشكله ان الأجيال تتوارث و تتآبع هذا الأمر يعني أهتمامك بنفسك يبدا من بداية عمرك مو تقولين اذا تزوجت يمديني مين اتزين له ومين أتجمل له الحين ايضاً عامل مهم ياليت تجاوبوني عليه يآبنآت كم وحده منكم تسوي ريآضه <<< عن نفسي وصراحتن صرآحتن بالعطل بس أيأم الدوآم مآذكر أني حافظت عليها وانتم يالله جآوبوني كم مره تسوون ريآضه والريآضه شي مهم مو عيب بالعكس تأخر التقدم بالعمر <<< أحرصوو عليها رجالاً ونسآء بصرآحه الموضوع يتشعب وتدخل فيه أمور كثيره لكن مغزآه عن تخوف المرأه من تقدم السن ولما تقدم السن لدى المرأه يشكل خطر عليها من وجهة نظرها..؟ وخصوصاً لاتقدم العمر خافت ان زوجها يروح منها سؤالي لكم وأتمنى أن تجآآوبونه بكل شفافيه هل يمثل لك العمر شيء مهم ...؟ .. سؤال لمن لم يربطهآ حتى الأن رآبط أسري .... مامدى تخوفك من العمر من نآحية كلام النآس ...؟ كيف تحآفظين على نفسك وهل لك خطه مستقبليه كي لاتسكنك شيخوخه مبكره تكون نهآيتها درآعه وشيلة منيخل وررماتيزم بالركب وعكآزه تساعدك بالمشي..؟ بصرآحه حينما يسألك رجل كآن او امرأه عن عمرك هل تدلين بحقيقة عمرك ام لا .. ؟ وبمآ أنو أكيد العنصر الرجآلي رآح يكون حآضر أتمنى ارآئكم ونصآيحكم وأيضاً العمر هل يمثل لكم مخآوف أو لا ...؟ طبعاً لي عوده لأجيب عن الأسئله الوآرده لكن خطر لي هذا الموضوع بعد الموقف الي حصل لي بيني وبين اختي لمن قالت عصر ملاك غير عصرنا فوردتني فكرة العمر ان أطرحها موضوع كل الشكر والتقدير لمن يعبر من هذه المحطه وأتمنى أن أكون وفقت بالكتآبه والطرح مـ الشوق ـلاك

بالنسبة لي انا لا اخفي عمري
ولكن حسب خبرتي معظم الرجال او الشباب على وجه الخصوص لا يقولون عمرهم الحقيقي
خاصة عندما يتحدثون عن انجازاتهم في الحياة