بــقــايــا دروب
أبرحل وأخذ همومي وأعيش بدنيتي مسلوب
وأكمل رحلت أحزاني بعيداً عن رجاويها
أبرحل وأتركك دنيا غصب ماني مغير ثوب
أحاول أدفن أحزاني بدنيا الهم طاويها
أبرحل دام لي باقي من العزه " بقايا دروب "
وألملم باقي جراحي وأعالج مابقى فيها
أبرحل والله العالم وش اللي بداخلي مصيوب
وش اللي مصبراً روحي بعد فرقا معاليها
أنا أدري رحلتي صعبه وأعرف أني بعد مذنوب
وأعرف أني مجرد شخص يمر وينتهي فيها
وأعرف أني بعد حاله تحنلها أشد قلوب
وأعرف النار ماتحرق يكود اللي وطاء فيها
ولكن هذي الدنيا نعاملها بأرق أسلوب
تـرد لـنـا بـعـد لـحـظـه يـويـل اللي يداريهـا
وسلامتكم