بعد ذيك الوعود اللي نقضته دون نقض الليل=وعودك وابتساماتك وعهدك لي بتقديمه
أناأعلنت لك حبي وش بداخلي له ميل=حبيبك ياحبيب القلب وجوب منك بتكريمه
علي حبك واشواقك وجوب أنك تشد الحيل=وتبذل مابوسعك حيل على حبك وتتميمه
وتسعا رضاه لامنه يعرف انك تعزه حيل=هذاك الوقت يعرف انك تضحي له بترانيمه
أنا وشلون افكر فيك وانت اللي بجفاك تطيل=وتزيد اللوم عليه والخطا منك وتذميمه
تقول أني أعزك دوم احب رضاك بلا تمثيل=عليه بالحرام أني اعزك مابها قيمه
مادام الحب ماله فيك طعم ولون ولا تدليل=وش الفايده منه انا عفته بتصاميمه
تبين رضاي لازم تسمعين الهرج بالتفصيل=بعد ماتسمعين الهرج هذاك الوقت لك شيمه
انا يابنت ماني من يبيع رضاه بالتذليل=ولامن يجبر الخاطر علي حاجه بلا قيمه
عزيز النفس كذا ربي خلقني مابها تخييل=عزيز النفس وكلن له بغلايه له تقييمه
أنا واضح بأطباعي وضوح النجم نجم سهيل=اذا تاهت دروبك وادمست ليلك بتعتيمه
وهذا كل مافيني بلا تكذيب ولا تمثيل=وانا ماقلت كل هذا عشان تحن وتهيمه
مادام تقول انا اعزك لزومن تنسا كل ماقيل= وتبعد عن طريقي والخطا مني وتأثيمه
وليتك تمسح الجوال وتلغي عندك الايميل= وتبعد عن دربي دام مالك فيها اي قيمه
الشماااااااااااااااالي