قالو علامك رافعه الراس متباهي.قلت العفو كلنا ناس..
بس انا قطريه
اقول سارو انا احين بطلع لان بنسير (( جيلاجيو)) واذا يتلي فرصة برمسج اوكي
نصيحه لا تنساني لاني اذا حبيت احد احبه "بجنون" واذا نساني اخليه "مجنون"ღ:
اوكي جااو
قالو علامك رافعه الراس متباهي.قلت العفو كلنا ناس..
بس انا قطريه
جاااااو
وبعدين طلعت سارة من المسن وراحت غرفة عواش
سارة: عواش توة رمست ميرو قالت يمكن شهر واحد ايون
عواش: صدق
سارة: هي
عواش:واي فديتها
سارة: اوييييييييه
عواش: بلاج
سارة: نسيت ادش المنتدى صارلي اسبوع هب داشتة ولا جيكت على قسمي
عواش: سيري لا انا احين قلت شي
سارة: جب جب يلا نا بسير غرفتي
عواش: باي
وراحت سارة غرفتها ودشت على المنتدى
وقعدت اتعدل في قسمها ووبعد نص نص ساعة يت مريوم عندها
مريوم: سارة انا ملانة
سارة: شو تبين اسويلج
مريوم: والله ملانة ماعرف شواسوي
سارة: همممم اقعدي على النت
مريوم: لاعت جبدي منة
سارة" شو في تلفزيون
مروم: وبعد لاعت جبدي منة
سارة: ارمسي فالتلفون
مريوم: وبعد لاعت جبدي منة
سارة: مريووووووووم شوتبين اسويلج
مريوم: اف خلاص مابغي شي بسير عند ميود احسلي
سارة: سيري
وطلعت مريوم وسارت عند ميود
دق دق دق
ميود: ادخل
مريوم: ميود انا ملانة
ميود: انا بعد
مريوم: شورايك نطلع
ميود: اوكي روحي قولي حق خواتج يتلبسون
مريوم: لا انا وانت بروحنا بنطلع مابنوديهم ويانا عيل توة اقول حق سارة ملانة اتقول شو اسويلج
ميود: ههههه حرام
مريوم: حرام فدرام الله انت اكشخ وانا بعد بسير اتكشخ
ميود: انزين بس روحي خبري ابوية
مريوم: اوكي
وراحت مريوم اتخبر ابوها ووافق
فغرفة مريوم
مريوم لبست تنورة بنية وعليها ورود كبار على الينب التنورة بلون البرتقالي وقميص طويل لونة برتقالي وعليه شغل واكسسورات ونعال كعب لون البرتقالي واتعطرت وحطت قلوز وكحل واشوية اشدو ورا عينها على الخفيف ووبس وكان حلوة
وراحت غرفة ميود
ميود كان لابس كندورة عنابية وشال ونعال عنابي وساعة واتعطر واتقولون مواعد
ميود: عاش كاشخ
مريوم: ههههه
ميود: اذا قالولي هاي ربيعتك ولا اختك بقول ربيعتي
مريوم: وجان استحي
ميود: هههه بس المشكلة انج تشبهيني
مريوم: ههه حلاتة
ميود: شو حلاتة؟
مريوم: حلاتة يوم الاخت تشبه اخوها
ميود: ههه انزين خلصتي
مرويم: هي
ميود: عيل مشينا
ونزلو تحت وركبو سيارة ميود(( رنج سبورت )) وراحو ايمارات مول
عواش كانت مع سارة فغرفة سارة
ساره: عواش وين مريوم ؟
عواش: مادري يمكن نايمة او قاعدة فغرفتها
سارة: تعالي بنسير غرفتها
عواش: اوكي
وراحو غرفة مريوم بس مالقوها لووول
سارة: وين ها
عواش: مادري
سارة: تعلي بنسير انشوف تحت
وراحو تحت وشافو امهم وابوهم
بوفهد: اوه انتو مني بعدكم ماسرتو
سارة: وين انسير؟
ام فهد: مع ميود
عواش: ميود,؟
سارة: ليش وين بنسير
بوفهد: ايمارات مول
سارة: شوو منو قال بنسير
ام فهد: يت مريوم وقالت حق ابوكم انكم بتسيرون ويا ميود ايمارات مول
عواش: وهم احين وينهم
ام فهد: مادري
وسارة اطصلت على مريوم
فسيارة
مريوم: هه سارة تتطصل
ميود ردي
مريوم اوكي
مريوم: الو
سارة:وينج
مريوم: في سيارة
سارة: لا والله
مريوم: والله
سارة: مريوم انتي ليش جي سخيفة؟
مريوم: والله سخيفة حق عمري عيل اقولج ملانة اتقولين شو تبين اسويلج رحت عند اخويه وقالي انه بيطلعني لووول
سارة: انزين ماعلي انا احين بتصل حق فهد اي ويطلعنه
مريوم: اتصلي حد اميودنج , هممم اقول رصيدي خلص باي
وسكرت
سارة: سخيييفة احين انا مطصلة كيف رصيدها خلص تقهر اقول عواش قومي نتصل حق فهد بنشوف بيودينا ولا ؟
عواش : اوكي
سارة: قامت وطصلت حق فهد
فهد كان ويا راشد
فهد: سارة مطصلة شو تبغي
راشد: انزين رد
فهد: الو
سارة: مرحبا
فهد: مرحبتين
سارة: هممم مشغول
فهد: شو تبغين
سارة: شوف مايد ومريم طلعو وماودونام معاهم وانا وعواش احين ملانين قلنا اذا تروم اتي واطلعنه عشان نقهرهم ونطلع لان صج ملانين
فهد:هههههه انزين قولي حق ابوية او حق الدريول
سارة: لا لا اذا انت احسن عشان نحن بعد بنسير ايمارات مول واذا شافونا اهناك معاك بنقهرر شوية مريوم
فهد: هههه انزين سير اتلبسو احين بمر عليكم
سارة: شوف تعال احين واتكشخ اباك تطلع احلى من ميود
فهد: ههههههههه حشى انا رايح مول ولا رايح اخطب
سارة: هههه اثنينتهم يمكن تلقى وحدة حلوة
فهد: سيري لا يلا احي نبي وهي صح راشد بي ويانا
سارة اول ماسمعت راشد اتغير شكلها: اوكي هممم وخلى ايب خواته
فهد: اوكي بشوف يلا باي
سارة: باي
عواش: ها شو قال
سارة: احم وافق يلا قومي نتلبس
عواش: شورايج انا وانتي نلبس نفس الشي
سارة: اوكي يلا تعالي بنسير غرفتي
عواش: اوكي
سارة: شوفي بنلبس هال تنوة ووهال قميص
عواش: اوكي واي نعال بتلبسين
سارة: همممم هذا
عواش:اوكي واكسسوارات بنختار بعد مانلبس يلا بسير اتلبس
سارة: اوكي
تتوقعون شوكانو لابسين؟؟
كانو لابسين نفس مريووم لوول
عواش: سارة انا خلصت انا بلبس هال اكسسوارات
سارة: انا بعد
عواش: شو انحطي في ويهنا؟
سارة: تعالي انا بحطيلج
عواش: اوكي
حطو جحال وقلوز ورسمو عيونهم وحطوا شدو
سارة: عواش ماشالله عليج غاوية
عواش: انتي احلى
سارة: ههه اثنينتنا حلوات يلا قومي نلبس عبينا ونشوف اخوج خلص ولا
عواش: اوكي
ولبسو عبيهم وراحو غرفة فهد
فهد كان لابس كندورة صفرا وغترة حمرا وساعة ونعال اصفر
سارة: واي فديت اخوية متكشخ
فهد: هههه انزين يلا خلصتو
عواش: هي
فهد: عيل يلا عشان انمر بعد على راشد وخواته
سارة: يلا
وركبو سيارة البيت ((استيشن ))لان سيارة فهد مابتكفي حق كلهم
سارة: همم فهد حط اغنية
فهد: همم اي اغنية تبين
سارة: عندك اغنية ياطير مال حاتم
فهد:هي بس هال اغنية ماتربش شو تبين اترقدينه
سارة: عيل حط اغنية لبيه مالت سلمان حميد
فهد: اوكي
سارة قاعدة اتغني وياه
لبيه يا لبيه روحي تلبي
في كل نبضي في شراين وعروق
مجنون شفتك شوفتك جننت بي
كن السما تحتي وهالارض من فوق
فهد:
مرسال شوقك اشتياقي لعب بي
كأنك سرقت العقل ماعطيتني حقوق
ياليت تدري كم مسافات حبي
ماشفت حالتي من محبتك مسروق
سارة:
شرقي اشوفك وان تقبلت غربي
ماغيرك انته ذوق بعروقي يروق
اشتاق لك واشتاق شوفك بقربي
وانته هنايه يابعد كل مخلوق
عواااش: احين دوري
ان قلتلي مشتاق ريقي شرق بي
وش عاد حالي كيف صاير من الشوق
حبك حبيبي ماخذن كل حبي
امر عليه لو على قطع العنوق
سارة: الله كشخة ننفع انسوي دويتو
فهد: هههه شوية اسكتو بطصل حق راشد بخليه يظهر لان وصلنا
فهد: الو
راشد: ها وينك
فهد: برع
راشد: انزين يلا ياي
وسكر
فهد:سو مكان خق خواته
يو خاوت راشد وركبو السيارة
سلمى وحمدة وراشد: سلام عليكم
عواش وسارة وفهد: وعليكم السلام
((حمده: بنت لا طويلة ولاقصيرة وزنها 61 وحواجبها مرسومة على عينها وهي مو بيظة بيظة بيظة بس مو وايد بس لونها يناسبلها وعندها غمازتين تحت عيونها يوم اتصيح يطبعون وعندها غمازتين وين خدودها يوم تتكلم او تظحك يطبعون وهي حلوة))
((سلمى: طويلة وزنها 57 و وهي تشبة حمدة وعندها بس غمازة وحدة على خدها ))
ساارة: شحالكم؟
سلمى وحمدة: بخير
سارة: دووم
حمدة: انتي شحالج
ساارة: انا بخير
عواش: انزين اي وحدة فيكم حمدة واي وحدة سلمى
راشد: شوفي الي ترمس وماتسكت حمدة والي حشرة واايد سلمى
حمدة: احين انا الي ارمس وما اسكت
راشد: هي بعد شو
حمدة: الله يخليك اذا يوم ترمس اتقولون قاعد فمبارة يقعد يصارخ ويصمخ اذونة :@
راشد:ههههه انا على الاقل انا ولد هب انتي اتقولون سيلانية
حمدة: حرمتك السيلانية , والله ارمس لان ملل مافي حد يرمس فعشان جي ارمس واللله اذا رمستو انا بتم ساكته
وسلمى: واحين انا حشرة ماتشوف عمرك اكبر مزعج فالعالم بس خلى انرد البيت انا براويك
فهد: خهههههه ياك الموت ياتارك الصلاه
راشد: لاعادي برش كل وحدة بطراق وبيروحون غرفهم وهم نايمين
حمدةوسلمى: خسي
سارة: ههههه ا يبسكم ظرابة خلى يولي ماعليكم منة احين شوفو انا بطصل حق مريوم ومابي حد يتكلم وبشوف هي وين
راشد: شوفي؟
(( فهد قال حقهم السالفة ))
سارة تتطصل حق مريوم
سارة: الو
مريوم: هلا
سارة اهين
مريوم: شتبغين
سارة: لا ماشي بس بغيت اسال وينكم؟
مريوم:هممم قاعدين نتحوط
سارة: اها اوكي انا احين بخليج
مريوم: شو فهد ماوداكم
سارة: لا عندة شغل
مريوم: اوكي باي
سارة: باي
عواش: واخيرا ووصلنه
سلمى: هي والله مابغينة
نزلو من السيارة وراحو داخل
سارة: همم تتوقعون وين قم ميوود
عواش: مادري
فهد: بطصلة وبشوفه وينه
فهد: الو
مايد: هلا
فهد: اهلين
مايد: شوبغيت
فهد: وينك؟
مايد: فايمارات مول
فهد: ويا مريوم ها
مايد: اكيد قالتك سارة
فهد: هي صج انك نذل عيل ماتودي خواتك
مايد: والله مريوم جي قالتلي
فهد: هه انزين انتو شتسون اهناك ؟
مايد: ولا شي قاعدي نمشي وين اسكي دبي
فهد :اها عيل بخليك يلاباي
وسكر الخط
مايد: خيبة لهدرجة زطي على الرصيد
مريوم: ههههه قوم خلنا نتمشى
عند فهد
فهد : قومو نسير وين اسكي دبي
كلهم: يلا
وقعدو يمشون لين مالقوهم بس قم مايد ومريوم ماشافوهم
راشد: شوفو نحن بنمشي من جدامهم عشان يطالعونة بس انتو لاتشوفونهم
كلهم : اوكي
عند مريوم ومايد:
مريوم: ووووووي موجنى هاي سارة
مايد: لا لان هاي البنت ماعاها بنتين
مريوم: اوووويه شوف فهد وراشد وياهم
ميود: هي والله بس منو هال بنتين
مريم: مادري قوم انسير عندهم
مايد: فههههد
فهد: اوه ميود انت مني هلا اشحالك
مريوم: سارو وعواش
عواش: هلا مريومة اشحالج شخبارج
مايد ومريوم كان واهني متخبلين
يت حمدة سلمت على مريوم
حمدة: اشحالج مريم
مريوم: بخير منو انتي ؟
حمدة : انا حمدة اخت راشد
يت سلمى: اشحالج مريوم
مريوم : بخير اكيد انتي سلمى
سلمى : هي
ميود: انا مب فاهم شي
راشد: احسن عيل ماتودي خواتك نحن اينا وطلعناهم
سارة: مريوم انتي لابسة شرااتي انا وعواش
مريوم: هههههه صدفة
راشد:
صدفه ومن بين كل الناس علقني
من يوم شفته وعيني جات في عينه
حسيت في عيونه حيل يجذبني
لما ابتسم بانت بوجهي تلاوينه
يوم كان يغني كان يشوف سارة
وحمدة لاحظت بس سكتت
سلمى: عاش العاشق
راشد: ههه ويا ويهج
سارة: انا خاطري ااروح اسكي دبي
عواش: هي والله اخر مرة سرت ويا المدرسة
فهد: انزين انتو سيرو ونحن بنتمشى(( قصدة ان البنات يسيرون والاولاد يتمشون))
حمدة: لا انا بي وياكم
راشد: طاعو هاي , ليش تبين اتين ويانة
حمدة: بس جي اذا انتو مابتون ويانة انا بي وياكم
راشد: مالت عليج تعالي ويانة
مريوم: انا بعد بي وياكم
ميود: لا والله شورايكم كلكم اتون
سارة: انا وعواش وسلمى بنروح السكي وانتو اتمشو
فهد: الصراحة حمستوني ابغي ادش وياكم
راشد:ههه وانت لابس كندورة
فهد: لا انا وسارة بنروح نشتري احين ملابس
راشد: خلاص اناا بدش وياك
ميود: وانا بعد بدش
سارة: عي ليلا تعالو وراية بوديكم محل يبيعون ملابس رجالية خبااال
راشد: متأكد ان اختك تعرف تختار لاني شاك الصراحة
فهد: افا عليك هاي سارونة
سارة: احم احم
وصلو المحل وسارة قعدت اتشوف الملابس واختارت حق كل واحد شو بيلبس
فهد اشترتله بنطلون جنز بس عليه حركات بلون الاحمر والازرق وقميص احمر عليه حركات بلون الابيظ والازرع وكاب لونة احمر
راشد: بنطلون جنز اسود وعليه حركة((الصورة الي تكون مثل علامة خطر)) بلون الاسود وقميص ابيض عليه نفس الحركة بلون الاسود واشيا بلون الاحمر وكاب ابيض
مايد: بنطلون عادي موج نز لونة بيج وقميص بلون السكري وعليه حركات بلون الاصفر وكاب بلون البيج
سلمى ومريوم راحو واشترو لهم جواتي
فهد: لون ازرق
راشد: لون اسود
مايد:لون بيج
راشد: لا ماشالله عليها اختك ذوقة
حمدة: هي والله ماشالله عليج عيني عليج باردة
سارة: وجان استحي
فهد:ههههه
عواش: يلا قوموا نسير
وراحوا سكي دبي وخذو تذاكر ولبسو لبسهم
سارة: واابوية بررررد
حمدوه:واييد
سارة: اقولكم بنات قوموا نسير اهني
البنات : يلا
...............
مايد: خيبة اتخيب العدو شوها بررررررد
فهد:واايد
راشد: لا نا مو بردان,انا ميت من البروودة
فهد: وين راحو البنات؟
مايد: مادريبهم
راشد: قوموا نسير هناك
فهد:يلا
صوب البنات
سارة: حمدوو شوي انا بركب على ها وانتي دزيني اوكي
حمدو: لا مابي انتي دزيني
سارة: انتي مامنج فايد اقول عواش تعالي دزيني
عواش: لا انتي دزيني
سارة: مرييوم بلييز
مريوم: يلا منااك
سارة: سملى فديتج ممكن ادزيني بلييز
سلمى:انتي دزيني
سارة: سيرولا مامنكم فايده وين مايد
وراحت ادوره جان تلقاه
سارة: ميوود فديتك
ميود:ها؟
سارة: همم انا اختك وحبيبتك وربيعتك وكل شي و....
ميود: يلا خلصيني شو تبين
سارة: شوف ا باك ادزني على هذا
ميود:سارة انتي وايد متفيجة قومي عني
(( الشي الي تباه سارة يدزونها عليه هو عبارة عن شي مثل لوح حد يقعد عليه وعقب عليه حبل اي حد ويمطة وزحلقون))
فهد: بلاج؟
سارة: ابغي حد يدزني على هال لوح
راشد: تعالي بدزج بس بعدين انتي دزيني
سارة: اوكي
وركبت وقعد يدزها راشد
راشد: يلا قومي دوري
سارة: اوكي
ويوم ركب راشد سارة مارامت ادزه لانث ثقيل بس شوية دزتة
سارة: خيبة اتخيب العدو شو ها؟
راشد: قولي ماشالله
سارة: ماشالله بس انت وايد ثقيل كسرت ظهري
راشد: هههه عيل شو تتححسبيني بنت
سارة: هههه
وجان اتيب ثلج وتسويه نفس كرة وفرتة على راشد
راشد: انا براويج
وقام سوى نفس الشي فرة عليها ثلج وعقب هي يت اتفر عليه جان افر بالغلط على سلمى وقامت سلمى تبغي اتفر على سارة جان اتفر على عواشو عواش فرت على مريوم ومريود على ميود وميود على فهد وكلهم قعدو يلعبون كانو صج مستانسين ((وخاصة الحبايب راشد وسارة))
وعقب راحو يتعشون ووعقب مريوم وعواش وراحو مع ميود اما البقة مع فهد
فسيارة فهد
فهد: بنات شورايكم فطلعة اليوم؟
سلمى: الصراحة كانت عجيبة
حمدو:كانت حلو مشكوورين
سارة: صج استانست ميرسي
فهد: ان شالله دوم تستانسون وبعد ماتخلصون امتحانات بنطلع بعد مرة
سارة: فهد نسيت اخبرك قوم خالو بين شهر واحد
فهد: صج والله
سارة: هي اليوم رمست ميرو وقالت بيون شهر واحد
فهد: عيل خلاص يوم بيون بنطلع كلنا ويا بعض , رشود بعرفك على عيال خالوتي من قطر عبود وحمود واحمدو
وفجئىه رن تلفون سارة
سارة: ميرو تتطصل
فهد: عمرها طويل هههه
سارة: الو
ميرا: هلا دبووو
سارة: اهلين شحالج يالدبة
ميرا: تمام عاش من سمع صوتج
سارة: عاشت ايامج شحالج ميرو وشخبارج اشتقتلج
ميرا: انا اكثر والله تدرين اول سنة لي فالجامعة وجي
سارة:اها اقول
ميرا: قولي
سارة: يمدحون جامعات قطر انا بكمل دراستي عندكم شرايج
ميرا: حياج والله تعالي قطر بتنور
سارة: احم احم صدقت عمري
ميرا: ههههه انتي وينج؟
سارة: توة طالعة من ايمارات مول وانا وخواتي واخواني وربيع اخوي وخواته
ميرا: اها اقول دبو
سارة: هلا
ميرا: انا احين بخليج وسلمي على الكل اوكي حوبي
سارة: اوكي فديتج يالله شي بخاطرج
ميرا:لا فديتج يالله حبيبتي مع سلامة
سارة: مع سلامة وسلمي
ميرا: يوصل
وسكرت
فهد: عيل بتعيشين فقطر
سارة: والله انا افكر جي
فهد: هذا اذا ابوية وافق
سارة: بيوافق انا سايرة حق الدراسة هب لعب
فهد: انزين وكم سنة بتدرسين مناك؟
سارة: والله مادري يمكن 3 او اكثر
راشد: بل كل ثلاث سنوات بتكونين برع البلاد
سارة: هي
سلمى: بنشتاقلج
فهد: سلممو انتي صدقتي اصلا انا اول واحد رافظ انها اتسير الدوحه
سارة: لاوالله انت مالك خص فيا انا بروح يعني بروح ولاتخليني ااسير ادرس في اوروبا ترا اسويها
فهد:ههه ادري انج اترومين اتسوينها
حمده:فيا رقاد متى بنوصل
راشد: باقي شوي
سارة: نامي وعقب يوم بتوصلون بقومج
حمدة: اوكي
سارة: فهد حط اغنية ياطير يامسافرله
فهد: سارو تراج اذيتيني بهال اغنية
سارة:انزين حط اغنية اتعبتوني بهواكم
فهد: سااااااارة تراج خبلتيني ماعندج غير هال غنيتين
سارة: لاتعصب انزين خلاص لاتحط شي بسمع من مبايلي احسن بتذلني حشى
فهد: اف زعلت
سارة: مازعلت انزين
فهد: سيري لا
سارة سوت طاف وقعدت تسمع اغنية ياحبيبي مالت مانع سعيد
وكانت اتغني ويا الاغنية بس بصوت خفيف بس كان ينسمع وكان صوتها روعة وراشد كان يسمع الصوت
راشد فخاطرة: فديتج
فهد: فديت هال حس ياربي
راشد: حس منو ؟
فهد: الزعلانة
سارة سمعت بس سوت عمرها انها ماسمعت شي وفهد بغا يخوفها فقام سرع شوية وفجئة دق بريك وكلهم نقزو
سارة: فهههههههههههههههههد
فهد:ههههههههه
راشد: فهوداحين زين قومت اختي من الرقاد
فهد: اووه حمدو نسيتج سوري بس بغيت اخوف الي وراية
سارة: سخيف والله
حمدة:سخيف
سلمى: احين لو استوالنا شي
فهد: بس خلاص كلتوني من اقشوري
سارة: احسن دب واحد
فهد: سارة هال اغنية اهداء مني لج اذا بتعيشين فدوحة
وحط اغنية ياطير يامسافرلة لحاتم العراقي
سارة: الله بتخبل
حمدو:ليش اتحبين هال اغنية؟
سارة: اتذكرني فعيال خالوتي ميرا وعليه وحمود واحمدو وعبود
حمدو : ماشالله ميرا وعليا قدج؟
سارة: شوفي عبود اكبر واحد اكبر من فهد بسنة اوكي وعقب احمد اصغر من فهد بسنة وعقب ميرا اكبر مني بسنة وعقب حمود صف ثاني ثنوي وعلاية اول ثنوي
حمدة:ماشالله الله يخليهم
سارة:اميين
فهد: وكلهم خريشين
سارة:ههه واحلى شي يوم انسير البر شو يسون
فهد: مرة عبود ركب عواش وراه وقام وشل على تايرن بس من ورا وعواش طاحت وعبود طاح فوقها ودراجه فوقهم كان شكلهم يظحك
سارة:هههههههههههه صج هال يوم كان عجيب
سلمى:هههه عيل في مرة رشود قعدني وراه وهوكان مسرع كان مايدري اه وجدامة نزلة وفجئ انا وهو انشوف عمارنا فالهوى انا طرت من الدراجه وهو اتجلب لين تحت وان قاعدة اظحك لان كان الموقف يظحك وهو شويه وبيصيح
راشد: لو انتي بدالي كنتي بتموتين
سلمى بس شكلك كان يظحك
راشد: شو يظحك منجلب 5 جلبات من على الدراجة
سارة: شوووو 5 وشوصار لك
حمدة : ماصار شي بس ريلة شوية انجرحت جرح خفيف هذا كيف يتعور
راشد: الوجع بريلج قولي ماشالله ,صح اني اتعورت شوية بس تعبت وايد
فهد: كيف تعبت
راشد: يتلي الازمة يعني انا احين فية ضيق تنفس بس اذا ماتعالج بسرعة يوم اتيلي الازمة عادي ايلي ربو
فهد: حليلك والله
سلمى: وايد فديتك اخوي
حمدة: اخييرا وصلنا البيت
فهد: لهال الدرجة تبين الفكة هههه
حمدة: لا موجي انا ابغي انام
سارة: يلا جااو
حمدة: جاااو
سارة :لحظة حمدو عطيني رقمج انتي وسلمى
حمدو: اوكي خذي 050\******* ورقم سلمى 050\*******
سارة: سويتلج رنة
حمدة اوكي
سارة :يلا بونوي
حمدة: بونوي
سلمى: تصبحون على خير يلا مع سلامة
فهد: يلا جاااو
راشد: جااااو
راشد: يوم بتوصل سولي
فهد: اوكيك
سارة:بااااي
راحت سارة وقعدت جدام
ان شـــــــــــــــــــاء الله الباجي بعدين