السلام عليكم ورحمة الله وبركاته
أعزائي نقلت إليكم قصيدة الشاعر
{ناصرمحمدالأيداء}
في الدفاع عن الرسول صلى الله عليه وسلم
بإسمكم أشكر الشاعر على هذه الرساله...
إليكم القصيده....
=======================
القصيد إن جاك في مدح الرجال
توقف الأشعار نـصــره للنبي
يستحق المدح رجل{ن} لايطال
أنجبي ياشـرد الـفـكـر أنجـبـي
لكن إليا جاك من ضرب الخيال
جنب الموضوع عن منهو نسبي
يالله أني طالبك يوم السـؤال
يوم كل الناس تاتي لك حبي
تغفر ذنوب{ن}مثل ثقل الجبال
فوق متني لين ثـنـيت ركـبـي
يوم شفت الغرب زادوابالجدال
ينحني راسي وأنا أمس شنبي
الرسـول يـذم والـذلـه تــزال
وين ماوجهت وجهك ياعربي
عايشين بصمت يمكن وأحتمال
ندخل بمحور عقاب الأجنبي
نلتهي باللعب كم فاز الهلال
والكثيري كان تحكيمه غبي
مالنا حيله ولاحتى مـجـال
والدعـا هو حيلتي لا مطلبي
من ردود الفعل جواي إشتعال
والضلوع العوج للنار حطبي
يانعـيـش بعـز وألا للـزوال
والمطالب ماتهيا لـو نـبـي
لويجيك الموت في هيئة تعال
لاتـرد الـروح يالحـر الأبـي
سوقها سـوق المعـزب للدلال
والضيوف أجناب والفقر يهبي
ماحسـبنا يوم ذو العـز الجــلال
يوم صار الشيب في راس الصبي
منتهى موضوع ناصر والمقال
لوتثـور الناس يمكـن بسبـبـي