علميني ليه أحب وليه أحس وليه أغير
ليه أكون بدون غيرك وأفقد إحساسك معك
ليه أعيشك حلم [واعد] بين فيّك والهجير
وأنسى نفسي من غلاتك وأنتثر لك وأجمعك
وارجع لأول طموحي وأبتدي مثل الأخير
وانتهي مثل البدايه وأنكسر بك وأتبعك
كل ماقلتي غروري يطلب الشي الكثير
قلت لك حاضر وأنفّذ من إشارة أصبعك
كل شيٍ تطلبينه ياهوى بالي يصير
والنهايه وش مصير اللي [ من أجلك ] دلعك
ماتت أرواح الأماني من بعد جرح الضمير
والغرام اللي سكنك بطيب خاطر ودعك
وإن سألتي [كيف حالك] قلت لك ماني بخير
حالتي حاله صعيبه آآآآآآآه لكن مطمعك
ضمني صدر الظلام ودمعة الجفن السهير
يوم طاحت زلزلتني وأحترق قلبي معك