رواية "الا ليت القدر" للكاتبه بقايا شتات..
نزل حصل الكل مجتمع..
ابوه يطالع التلفزيون على قناة اخباريه..
اريام تقرا كتاب علمي..
مرت ابوه تقلب المجله..
والتوأم ..لانا على اللاب وتضحك..ودانا مع لالي بستها..
ضاري بنفسه"الحمد لله مجتمعين وكأنهم مو مجتمعين"
:صبـــاح الخيـــر..
الكل باصوات متفرقه: هلا صباح النور..
ام ضاري: تبي فطورك..تراه جاهز بس قول للخدم..
طالعها بطفش: لا مابي شي..
وجلس جنب اريام: كيفك يا دكتوره.. من زمان ما شفتك؟؟
اريام رجعت نظاراتها الطبيه لورا وطالعت فيه: هههه حتى انت من زمان عنك..بس امس انا ما رجعت الا متأخر..
ضاري: اهااا.."وحس بشي عند رجله رفعها وحطها بحضنه..وصار يلعبها.."
لانا ودانا استغربوا ..توقعوا صرخه منه تخرعها كالعاده..
دانا بتردد: ضروي اخذها عنك..
ضاري: تبينها خذيها..
دانا: لا عادي...بس اخاف تضايقك..
ضاري حطها بالارض: اخذيها ما راح اكلها انا..
دانا: ترا مو قصدي شي..
ضاري: طيب فاهم قصدك..وانتي ايش عندك يا ست لانا..
لانا خافت منه بس ما تبي تبين له: مثل ما انت شايف على اللاب..
ضاري: ادري على اللاب اجل على ايش..بس ايش عندك تضحكين؟
لانا جرت في جسمها رعشة خوف: احم انا على المسن اكلم وحده من صاحباتي..
سكت عنها ضاري..
ابو ضاري ما يحب يدخل نفسه كثير...عسى يفتك من شر موضي..
موضي بطفش: خلصت تحقيق يا سيد ضاري..
ضاري حط رجل على رجل:والله مو تحقيق هذا اهتمام..مو هم خواااااااتي."شدد على كلمة خواتي"
موضي سكتت لان حمد زوجها عطاها نظره..
لحظات صمت مرت عليهم..
قطع هالصمت سؤال اخترق صمت الجدران..
:يبه..انت تعرف..محمد عبد العزيز ال.....
ابو ضاري لف على ضاري بقووووه وكأن السؤال افزعه..
ام ضاري كانت تشرب الشاي..وطاح منها الكوب على الارض...
البنات لاحظوا صدمة اهلهم..
ضاري ابتسم من داخله ورسم على وجهه ابتسامه جانبيه..
ابو ضاري وهو ضاغط على اسنانه: ليه تسأل..؟
ضاري بعدم اهتمام وهو يطالع موضي: والله زرته امس في بيته..
موضي وقفت على حيلها وباين ان توازنها اختل.:ضاري انت وش قاعد تقول..
"وطالعت حمد زوجها"
حمد بلع ريقه وحاول يسيطر على الوضع لا ينتبه البقيه..
:ضاري تعال معاي..
وقف ضاري وكأنه ما سوا شي: بنات فهمتوا شي من اللي حاصل..؟
البنات يطالعونه وكأنهم فاهمينه ومو فاهمينه..ما يدرون هو يستعبط ولا فعلا ما يدري ايش اللي حاصل..
ابو ضاري راح لمكتبه ورجوله مو قادره تشيله ووراه ضاري..
فتح باب المكتب دخل ضاري قبله..وسكره ابوه وراه..
وصرخ فيه: انا ما قلت لك لا تدخل نفسك بالموضوع هذا..؟
ضاري: يبه انت ليه مخبي السالفه..خلاص انا عرفتها,,
ابو ضاري والدم اختفى من وجهه: وايش قالك محمد...؟؟
ضاري اللي تأكد انه عمه وخلاص ما للشك مكان..
:عرفت كل شي..بس ابي اسمع السالفه منك..
ابو ضاري: أي سالفه وايش سمعت..اصلا ما بينا سوالف..
ضاري: يعني مصر على رايك..خلاص براحتك بس لا تقول ليه سويت كذا وليه تفعل كذا...
********************************
ام ضاري ما زالت على وقفتها" هذا...هذا ايش عرفه فيهم..ومن اللي دله عليهم...لا يكون عرف شي..اما لو عرف ايش بيفكنا منه..والله بيفضحنا وما راح يسكت..ما راح يسكت.."
بلعت ريقها اللي نشفه لها ضاري..اول مره تحس بالخوف من هالسالفه..هي تعرف ضاري زين..ما راح يسكت عنهم مهما صار..
اريام: ماما..ايش اللي صاير..ومن هذا محمد..؟
ام ضاري هزها الاسم: احم...وانا ايش عرفني..انتوا تعرفون ضاري كل يوم يطلع لنا بسالفه..
لانا: مام..كأن هذي السالفه غير...لان ابوي بالمره انصدم..
دانا: يعني السالفه فيها ان..
ام ضاري: السالفه فيها ان ولا مافيها انتوا ما لكم شغل فيها..وبعدين انا ما اعرف عنها شي لا تسألوني...
"وراحت عند المكتب تبي شي يريح قلبها اللي بدا يدق طبوله"
اريام اللي حست ان السالفه اكبر من كذا: ما عليكم من ضاري خرابيطه كثيره..خلوكم في حالكم..."يا ترى من هذا محمد اللي انتفضوا على سيرته"
&&&&&&&&&&&&&&&&&&&&&&&&&&
اخذ سلطان تاكسي..وركب اهله فيه وانطلقوا لجهاز الصراف الالي..
: يله مدى انزلي واسحبي راتبك..
ابتسمت مدى اول مره بتسحب مبلغ كبير..ودخلت بطاقتها..وبعده الرقم السري..وشيكت على الرصيد..حصلته 7 الالاف وشي..
فرحت كثير قررت تسحب 4 الالاف والباقي بتخليه بالبنك..
اول ما ركبت السياره..
نغزتها ابتهال: كم فيها؟؟
مدى: سر...ما راح اقول لك..
ابتهال نغزتها مره ثانيه: اقول تكلمي لا اغتالك الحين..
مدى مسكت جنبها من الالم: آآآآي يادووبه..فيه 7 الالاف بعين العدو.
ابتهال حطت يدها على قلبها: مدى قلبي..قلبي الحقي عليه..
مدى: هههه اسكتي لا يسمعك سلطان ويلف عليك ويذبحك..
ام سلطان: خلاص انتي وياها...خلو الرجال يعرف يسوق...
سلطان وقف بهم عند مول فيه ملاهي لللاطفال وكل المطاعم:يله انزلوا..
مدى وابتهال اول مره يرحون للاماكن هذي..اصلا نادر ما يطلعون..لان الطلعه يبي لها مصروف وماله داعي يرحون ويقطعون قلوبهم ويرجعون..
ابتهال: سلطان احنا بندخل هنا..
مدى: امشي لا تفشلينا..
سلطان: مدى احم احم اهم شي النظاره لا تنسينها..صرت ولد عز..
مدى: هههه ابشر...
وداد وبدر فرحانين ويطالعون اللي حولهم بعيون بريئه ما عرفت من الحياة غير اللعب والضحكه..
ام سلطان اللي راحت عشان عيالها ولا في داخلها ما تبي ريال من فلوس حمد وولده وموضي..
ودخلوا المول..تفرجوا على الملابس..ابتهال ودها تاخذ السوق بس مدى ما اخذت لها الا كم قطعه لانها غاليه..
بعدها لعبوا وداد وبدر بالملاهي وفرحوا لفرحتهم..
ام سلطان على الحرقه الللي بقلبها بس ما قدرت تمنع دمعتها لانها شافت عيالها مبسوطين وربي منّ عليهم بنعمه..وفرّج عليهم من بعد ضيقه..
مدى اكثر وحده فرحانه لانها قدرت تطلع اهلها وتغير جوههم يكفيها انها رسمت البسمه ولو بالقليل..
سلطان يضحك معاهم بس بداخله حسره انه مو هو اللي جاب الفلوس..وان مدى اخته هي اللي راح تصرف عليهم كل شهر بما انه ما اشتغل..وجاء على باله على طول مهنـــد..
بعد اللعب..قرروا يتغدون واحتاروا في المطعم..
ابتهال: ايش احسن مطعم..
سلطان وهو يسوي فاهم: والله على حسب خبرتي....احم احم ما عندي خلفيه..شكلهم كلهم حلوين..
مدى: يله قرروا بسرعه..
وداد: نبي هذا..
بدر: لا هذا.
وداد: اقولك هذا شوف فيه رسمة ارنب..
بدر: ايوه ايوه نبي هذا..
سلطان: يامن يشتري لكم رز بخاري وانتهينا..
مدى: ههههه خلونا نجرب ايش ورانا..
وراحوا وكل واحد اختار له مطعم على حسب الشكل وطلبوا لهم واكلوه..
سلطان: انا اللي طلبته لذيذ..
ابتهال: انا لو طالبه دجاج احس انها احلى.
مدى: لا حقتي مررره حلوه ...ذوقي..
ابتهال اكلت من ساندوتش مدى: يمي..مرره حلوه حسافه..مدى تبادلين..
مدى: ههه اقول استريحي..
وداد وبدر لاهين باللعبه اللي جات مع وجبة الطفل..
ام سلطان كان يكفيها انها تطالع عيالها وما تبي شي غيره..
سلطان: يمه والله فاتك الاكل..
ام سلطان: هني وعافيه..بس ما احب اكل المطاعم..
ابتهال: المفروض كل شهر مدى لازم تطلعنا مثل هالطلعه..
مدى: ما تنعطين وجه..
ابتهال: وانا صادقه..بما انك مسؤوله عنا تحملي الترفيه عن انفسنا..
الكلمه جات على الوتر الحساس عند سلطان ووقفت اللقمه في حلقه: كح كح..احم احم..
مدى: بسم الله عليك ايش فيك..
ام سلطان: اشرب اشرب بيبسي خلها تروح..
ابتهال: سلطون ايش فيك...؟
سلطان: احم احم ما فيني شي..بس الحمد لله شبعت..بروح اتمشى شوي..مدى اذا خلصتوا اتصلوا علي..
مدى مستغربه: ا نشا الله..
ابتهال:وش فيه؟؟؟
مدى: علمي علمك..
****************************************