أبـي صـوره تسولـف عـن بعـض ذاتــي
أبي كلـن يشاهدهـا ..تنـزف دمعـة عيونـه
أبيهـا ترسـم اشباهي..حـزن اخـر محطاتـي
هموم وذكريات ونـاس.. مـا تـدري بمكنونـه
أبيكم تذكـرون انـي تركـت الشعـر وابياتـي
تركت الناس واصحابي وحـزن" مـا تعرفونـه
تركت الحـرف للدفتـر ..لا ادري عـن الأتـي
سوى انـي قفلـت البـاب والعـزاف ولحونـه
أبي ابكـي أبـي اصـرخ أبـا اتكلـم معاناتـي
لاكني رحلت بصمـت اخـاف اشبـاح مجنونـه
أنـا سلمـت للأقـدار.. بنكـس كـل راياتـي
كرهت السجن والسجان وشـي" مـا تحسونـه
حفظت من الألم قصـه تقـول انهـي رواياتـي
كتبتي اشعار للأحزان ..على جـدران مسكونـه
بـروح ألملـم اشلائـي أدور عـن محطـاتـي
أدور عن بقايـا بيـت .. فيـه احـلام مدفونـه
تمر جراح بعيونـي.. امسـح غيـض دمعاتـي
أسلـم للقـدر امـري.. لأنـي رحـت مغبونـه
لي ألله يا بقايـا نـاس مـروا فـي مساحاتـي
أثرهم باقـي اطلالـه علـى الذكـرى يمرونـه
بكيت اشيـاء تبـي ترحـل تتركنـي لغرباتـي
على الميعاد يا روحي طعـون رمـاح مسنونـه
انا احتاج للوحـده لبعـض اشيـاء فـي ذاتـي
لعلي استمـد الصمـت مـن احـلام مطحونـه
أبسكـت أقلـب الصفحـه أبتلـذذ جراحـاتـي
أرفع راسي للرحمـن سألتـه راحتـي وعونـه
بودع بيتي الخـاوي وخـوف يحشـرج أهاتـي
طفوله غلفـت جرحـي بحـزن مختلـف لونـه
على شاطى حـزن لوحـه بـدت اول قناعاتـي
مفاهيم الحزن عالم.. لملـوك الشعـر مرهونـه
دخيـل الشعـر بجروحـي.. تذكرنـي بداياتـي
دخيل آخر رمـق باقـي كتبنـي قبـل يقرونـه
على سكة سفـر أشعـر.. بـدت اول متاهاتـي
كبر حلم الامل فيني.. تعبت وطحت مـن دونـه
ألأ ياحظـي العاثـر .. كـذا صـارت نهاياتـي
ظننت ان الزمن وافي ..حلفت وقلـت ماخونـه
حمل كل الأسى فيني ..بكيت من الاسـى ذاتـي
تغربها ظنـون الشـك تغيـب ويختلـف لونـه
دقيقه يازمن لحظه .. وجاوبنـي علـى الاتـي
الآ.. ليه النقا ( فطره) ..بناس ونـاس ملعونـه
رسمتك للحزن صـوره تسولـف لـك نهاياتـي
رسمتك للامـل صـوره علـي واقـع تعرفونـه
تسولف للفرح عنـي .. تشـرح لـه معاناتـي
قراها الغير فعيونـي ..لمحـت الدمـع بعيونـه
حمل رمش الهدب دمعه .. وانا فـاول بداياتـي
سقط دمعي على خدي ..بالحظة طيش مجنونـه
خذت مني ..حكـت عنـي.. بداياتـه نهاياتـي
حزن يسكن زوايا الذات.. زوايا الذات محزونـه
حزن رتب حكاياتـي .. حـزن بعثـر حكاياتـي
حزين الناى غناني ..صدى صوتي مـن لحونـه
أمل يسكن مساحاتـي.. ملـل رافـق مسافاتـي
أمل مدرى ..ألم مدري .. خيال(ن) ارقب مزونـه
كذا كانت هى الرحله .. وانـا فـاول محطاتـي
صخب يسكن زوايا الامس.. بقايا الامس وطعونه
همس جرح ..وهدم صرح ..خابت كل هقواتـي
الا يـا ماكبـر الصدمـه .. قلبـي لاتلومونـه