حكمة كانت تقولها أمي الله يطول بعمرها ويشفيها : (لاتوكل صايم على السوق)
.
بحكم أن البيت مقلوب عشان النقل منه الى منزل آخر طبعا شغل من الصبح الى المساء الين ماتشتكي أوصال الجسد من التعب
.
فطرت فطور خفيف...ما تغديت مع شغل وهدت حيل في العصر خرجت أنا وأختي للمستشفى اللي جنبنا عشان تاخذ ابرة المضاد
.
خرجنا بعدها ودخلنا محل الحلويات وهات ياشراء من الحلويات والشيبسات والبساكيت المنوعة بعدها رحنا نحو مجمع المطاعم اللي بجوار المنزل بمسافة بسيطة
.
سألتها ايش تحبي نشتري قالت براحتك بس ياليت مشوي واشترينادجاج مشوي على الفحم مع الفطير
.
قلت لها ناخذ معجنات من محل المعجنات واخذنا معجنات منوعة
بعد كذا قلت لها ناخذ منتو وفرموزة ؟..
قالت : يا أبلة والله ماراح تاكلي هذا كله عشانك جيعانة .
..صرفت النظر عن المنتو والفرموزة
.
رجعنا البيت
من كل اللي اشتريته ما اكلت الا فخذ دجاجة واربع حبات معجنات صغيرة فقط لاغير
.
فعلا والله الجوعان لايروح يشتري اكل ياكل تصبيرة بعد كذا يخرج يشتري
.