.. وجمعة مباركة عليك وعلى الود باسره ما شاء الله عليك، .. صدقتي، .. واستوفيتي، .. وشملتي، .. في كل كلمة قلتيها في موضوع الشك على قولة اهل الثقافة الافرنجية : برافوا عليك : ) اقتباس المشاركة الأصلية كتبت بواسطة أحساس أنثى *كيف نساعد الشخص المصاب بمرض الشك.؟ *وهل الشك اقل خطوره من بعض الامراض كالثقه العمياء بالاخرين وغيرها.؟ احس يا "احساس" .. ان الشك .. زيه زي صفات ومشاعر اخرى - زي الغيرة مثلا - اذا سمح لها الواحد انها تسيطر عليه .. ممكن تجرفه لعذاب ومعاناة ما بعدها اعتقد اللي الواحد محتاج يعمله في هالحالات .. انه يكون على سِلم مع نفسه، فـ يتخذ اجراءات استباقية واحترازية .. ما تسمح لي هالمشاعر انها تطور .. وتجرفه معاها للتوهان والضياع يعني اذا شاكك من شئ، .. لازم تتخذ قرار في احد امرين : 1- اما اكتفي بما لدي من حقائق ودلائل .. وعلى اساسها اخذ موقفي من ما اشك فيه، او .. 2- اتحرى جمع، والوصول الى مزيد من الحقائق .. اللي تؤكد شكي، وفي ضوئها اتخذ قراري بيت القصيد، انه لازم يكون لي موقف من شكوكي .. ما اسمح لها انها تاخذني في رحلة من الخربطة والجنون الفكري والتوهان وهل الشك اقل خطورة من غيره .. من الاحاسيس والمشاعر السلبية ؟ والله اعلم، .. كل حالة .. وطبيعتها وظروفها .. ونتائجها يعني كل حالة من هالاحاسيس .. مع القصة اللي تسببتها .. يترتب عليها مدى سوء وخطورة هالاحاسيس "احساس"، .. الله يكفينا شر هالاحاسيس والمواقف ، كل الشكر والامتنان لك .