أحسمي الموقف وقولي من تبين ,, من تبين اليوم يبقى في سماك
من هو اللي في حياتك ترغبين ,, شاوري عقلك وشوفي من هواك
من تودينه على مر السنين ,, أمشي بدربه ولو دربه هلاك
شاوري عقلك وقلبك والحنين ,, القرار اليوم بيدك ياملاك
كنت أحس إنك بقلبي تلعبين ,, لكن أحساسي يكذب ماوراك
الغلا مابين همسات تبين ,, وأحسب إن آنا بعلي من وفاك
وأثر لك ماضي عن عيوني دفين ,, باقيه ذكراه في غبة حشاك
ليتني كذبت همسات الحنين ,, وماأندفعت بصدق في غبة هواك
لكن المقسوم ملزوم ٍ يبين ,, لونسيتي ياحياتي مانساك
المهم اليوم قولي من تبين ,, من تبين اليوم يبقى في سماك