رح ضيّع الوقت يا فاضي=أنصحك لا تلتفت ليّه
أنا بدوّج ترى راضي=ولا عاد تطري لي الجيّه
لا صرت لاهي ومتغاضي !=وشلون ؟! تدري بما فِيّه ؟
قضيةٍ ... مالها قاضي=بأدراج الأرشيف ... مرميّه
كريم ... يا بارقٍ ناضي ؟=يا للي غشى الأرض وسميّه
أنشدك ... والصدر مغتاضي=عن ساكن القلب وجْويّه
كلي ضما ... جفت حياضي=مدري متى ؟ !.. تقبل دليّه!
ارجي قبل ... تمْحل فياضي=هو .. ورد قلبي وجوريّه
أبو خديدٍ .. قمر ياضي=قربه عن الشمس ... لي فيّّّه
لاسوهج الفكر ... به جاضي=يغيب الإحساس ... موليّه
قلّه .. صبر صاحبه غاضي=الشوق له ... جمْرةٍ حيّه !
كريم ... وإن كان معتاضي!=الله ولا ... أحلام ورديّه
عزاي ... كانه نسى الماضي!=إن البقاء ... لصافي النيّه!