عوده حميده ..
رجعت بدون طنه ولا رنه .. ولا بوق ملكي .. يعلن حضوري ..
كلمه : في خاطري
::
نفس الشي اسلوبي ماحب اغيره لان الانسان الكبير صعب تجبره كالصغار يتغير ..
::
رحله اليوم ::
كنت في البر اتمشي واغير الجو ادري ان ممكن نروح اكبر مول تجاري والا اكبر مطعم راقي .. لكن الصحراء والمسااااااحه واسمع صدي الرياح يجيب لي احساسي واندمج في التراب الي مرجعنا لها ..
الصحراء جمال لايصوره خيال قلم كثر ماغازله فكري وعيوني ..
العجيب اليوم ان شفت اشخاص معهم قطه تركض اغرب شي شفته اخبر كلاب الله يكرمكم .
يمكن اخر موضه نربي قطاوه للقنص بدل الكلاب..
مهجد البنات جدي الله يرحم جدي كان عنده كلب سلق يلاعبها ويكلمها تفهم عليه
كنت اخاف من سنونها لم تلهث .. اتحلم بليل فيها ومابينت لهم
اني اخاف ولا اعرف مشاعر الاطفال اغلبهم غامضه ويكتمونها ..
لما اطلع بره الحوش
وتشوفني تجي تركض وانا اركض منها
تحسبني ابيها تلحقني يعني
الله يجيركم ذيك الايام اعيش معاناه واكره المكان ابي بيتنا
اكثر سفريه اكرها لبيت جدي ذيك الفتره .. عقب فتره سمعت انها ضاعت ..
مو كاني شطحت الي اخر هضبه .. الله يرحم جدي ابو امي
كان غير الشيبان كلهم حتي لم يزعل مايضرب
ولا يعصب بارد بره لاكن داخل عصبي لسبب وليس لغير معني ..
مره كنت اشاكسه بالعربي انا جنيه يوم كنت صغيره مدلعه
لدرجه السماجه كنت غثيثه واسبب حوادث لغيري دايم انومهم في المستشفي ..
جيته يحلق قلت شنو هذه قالي فارقي مني واسحبه منه منظره حلاقه بيده ويطالع شكله وهو يحلق الموهم سحبته ثاني منه عمري 5 سنين ولساني يلوط اذوني
والله استحي اكتبها شنو سويت له .... رفعت ايدي وصفقته شلت ايدي من عوبا .. اذكر مثل الخيال ركضت تخبيت تحت سرير ابوي ورفع الفراش ومعه ماي بارد فوق راسي صبه كله
.. وشكلي وانا مرعوبه لاني ماكنت قد هالحركه البايخه ودلع البنات الي مايعطون وجه زياده .. درس مانسيته الله يرحمه .. كان سياسي .. في تهجيد البنات ..
::
بذمتكم ماكرهتوني 
.