أغير من (القلاده) و(الزمام) / وكل ما يحتك
وافاوضها عشان اشم عطرك.... بعدما ُتخلع!
تخيل! هالـ ( جماد ) اغير منَّه واحترق واشتك
ورغم هذا أجي داخل عليه.. ويسخر ويطلع !!
عطف نورك.. عطا كل الشوارع (أجوبة قدام)
قبل حتى تثار الأرصفة... بخطاك وعطورك
مدينة وارتجافة ناس واحلام.. وتعب وزحام
تحول كلها: مسرح.. وكل الناس: جمهورك!
تخيل كلهم.. عن بكرة اكبرهم.. يبون الهام
وانا لحالي حبيبك بينهم.. وآجيك.. وازورك!!
تخيل كلهم.. عن بكرة اكبرهم.. عبيد احلام
وانا لحالي أسوس الحلم (سيِّد)..دولتي نورك
أجاوبهم نيابة عن حضورك..والسؤال الهام:
انا ماكنت صابر في غيابك.. كيف بحضورك؟
[/B][/FONT]
ما سلمت!
وانا عيوني بلمت!!
خذت قلم
شقت من الدفتر ألم
سال الحبر
سالت خطاها للبعيد
وتحول الكادر: قبر!
ومن بعدها.. ما سلمت
ما دقت النمرة غلط.. وتكلمت
وانا تعبت احايل الحلم اللعوب..
أرى فيما يرى النايم..
خيوط وضو
أحاول ارسم بالملامح..
للملامح جو
يحرضني حنيني.. وآتأمل بالقدر يحلو
ولكن لا حياة لـ "لو"!
ما سلمت.. يمكن تمر
عنها يسلم عطرها
ينوب صدفة ويعمر
بالبال ثاني شطرها
السنَّه أحيت بي عمر
والرد يكمل سطرها
بانسى زعلها واستمر
واركض بهاجس قطرها!
بامشي وراها لو عمر
يكفي أكلم عطرها!
ما سلمت..
وانا عيوني للفراغ.. تغني:
متى اشوفك نظر لا هنت..
تعبت من الخيال اللي تجبَّر كل ما أذعنت...
تخيل.. كيف أنا تعبان
من (لا شوفتك) يافلان..
تخيلني.. وانا كل ما طرف عيني دلع انثى...
أشوفه إنت!!
ما سلمت..
صارت خيال انثى..
وانا حادي خيال..
أبكي على الأطلال..
أصل الغياب: انثى
أصل العتاب: انثى
أصل الرجال: عيال!
[/LEFT]
يصغرون ويكبر الحزن ... وتعاظم دمعه
ودعت خده وطاحت.. ترتفع باحساسه
رااح ما ودع حبيبه.. والبشر مجتمعه
والدموع اللي تركها.. إنتهت منداسه!!
جعلك الغيرة!!
جعل ما يحرق فؤادك غير حبي...
وان تماديتي.. لقتلي..
قلت: خيره!!
لا تنام..
شف معي ذيك السحابة فووووق..
تحمل لك كلام..
نجمتين وصبح واحلام ومواويل و غرام ..
أكتبك فيها..
واغنيها معك برد وسلام..
بس تكفى.. لا تنام!
لو غفيت..
غاب وعيي
في مسا فقدك وحنيت وعنيت..
إنت ماتدري؟؟ زوايا البيت بغيابك.. تبيت!!
وتذكرك.. لوك نسيت..
وتحمل لبعدك ملام..
بس تكفى.. لا تنام !
إن ضاقت الدنيا..
وصدري مو معاي..
بس التفت يمناي..
والقاهم: .. سما....}
وامد شوفي لـ الحكايات الجميلة.. بالمدى ..
واتنفس صدور خوياي!
أهنيك..
يا من (ما عرفتك) ..
بس اهنيك!!
قدرت تعيش: حلمي..
وانت ما شابت خطاويك..
عبرت لـ شطها.. من دون ما تلمح وطن.. يبكيك..!
والبحر ما ماج بحضورك في عبورك..
كم كان - حتى البحر - يتزلف موانيك.... !
واذا طولت - يا من ما عرفتك - بالوصول.. تطول لعيونك: مرافي..
وانا الغرقان في غبة جفافي..
غريب.. وما أبيك تعيش حلمي..
واحسد الدنيا.. عليك.. !
بس اهنيك!
أهواك طفلٍ تمرجل لا..بعد واكثر!
................. أهواك :طفلٍ تشيطن في حكي شايب
فيك اختنق واتنفّس..كلها تقهر
....................... ياكيف انا برتكب ذنبي وانا تايب
أغيب حدّ الوعي..تحضر وانا احضر
................. والمشكلة ماحضرت الا وانا غايب!
قال: تبكي!
قلت: وابكي..
واتهور بالبُكا لين تعفي..
ولين ما يعلن خفوقك لي سلامه..
تحت رجليك الكرامه!!
قال: تبكي!
قلت: وابكي..
تدري يعني ويش (وابكي)؟
واو: عطف وحزن واشياء بشعوري...
تكسر العز بحضوري...
وفعل أبعد ما يكون اسمه: مروّه..
بس بـ (ابكي) لك.. بقوّه..
يمكن تحس (الأخوّه)!
قال: تبكي!
قلت: وابكي...
البُـكا لعيون خيك.. ياوخيك.. ما يعيب..
كان ما عزّك عليها.. وحطك بقدم الربوع..
لا تخاف من الرجوع..
يا قطوع:
سنبلت عيني دموع..
واطلعت لك (حُب) صافي..
كان قاله رب خلقه: ماتجوع!
قال: تبكي!
قلت: وابكي..
والله اني مابكيت الا عشانك.. مرتين..
مره بشوفة جبينك من سنين:
يوم فقت من المرض بيدي مغذّّي..
التفت اعدّل قياسه.. وشفتك..
عالبلاط البارد الموحش تعب..
نايم ٍ نوم متوذّي..
نايم ٍ نومة حزين...
والثانيه: هاللحين!!
قال: تبكي!
قلت: وابكي..
ليه ما ابكي؟
وانت كل الناس.. يالغالي..
أمي وابوي.. وعمي وخالي..
وانت الجمل..
اللي تواسى للثقال..
كل الحمول اللي عجز عن حملها رجّال..
قد شلتها فرد وجموع..
لعيوني لحالي..
وليه ما بكي .. وانت تفديني...
وانا بعد مثلك فداك...
وان ما كفيت اورّث عيالي!!
وين اروح؟!
كل ما رحت لمكان..
أتذكر لك جروح!
.
.
.
وين اروح؟!
حزني اسأل.. والـفضا ماهو سموح!!
.
.
.
وين اروح؟!
لك يا دخيل الله قلي وين اروح....
من كثر ما قلت لك.. زعلوا هلك..
وانتظاري مل وهلك!!
أسرقك يعني واروح؟؟؟؟!
بس... وين اروح؟!
كُلي آمل آن تستمتـعوآ
كمآ آستمتـعت بِهذِهـ آلشآعرية آللآمُتنآهيه
دُمتم
[/QUOTE]