الهنوف اللي سرت من نجد وأمست فالحويه () ضيقت صدر الرياض وسافر الطايف وجاهــا
وانثنا غيم الحجاز لخـــــــد نجـد النرجسيه () يوم جاته من زعلها كنها تقصر خطاهــــــا
زعلوها وارحلت واخلت قصــــــور الفاخريه () والحقتني شرهت الزعلان واخطاني رضاها
سافرت والله ما خبر اللــــــي يزعلها عليه () واستباحت لله الخيره سهر عيني وماهــــا
ليتها يوم استباحـت دمعة العين الشقيـــــه () ماستباح دم قلبي من خلاها في خلاهـــــا
سامح الله ظلمها وطعونها الخضــر النديــه () والله يسامح خناجرها ويعفو عن خطاهـــا
عرضتني للهبايب والظما والمــــهمــــــهيه () واتركتني للزعل والشوق والكبر وغلاهــا
والغلا ماهو فيديــــــها ولا هو في يديـــه () الغلا شئ من الله واشهد ان الله عطاهــــا
ـــــــــــــــــــــــ
ضيدان بن قضعان
ـــــــــــــــــــــــ