طول غيابك ما عرفنا خفاياك
""""""""""""""""" نوبٍ تــروح ونــوبٍ تــبيــنا
الهاجس اللي هزّني يوم فرقاك
"""""""""""""""""" ما هز قلبك يوم حِنّا انتــــهينا
عذَبتني يا قاسيَ القلب وياك
"""""""""""""""""" حبـــك شقاية و الجِفا مبتــلينــا
وش فايدة قلب يحبك و يهواك
"""""""""""""""""" لا صار قلبك قاسياً ما يليــــنا
يا ما سهرت الليل معْ طيف ذكراك
"""""""""""""""""" احس في طيفك يروح و يجيــنا
ارسم خيالك فوق طَلّة محيــاك
"""""""""""""""""" شمس الصباح اللي علينا تبينا
اشفق على قربك و شوفك و لقياك
"""""""""""""""""" و اذكر مكانك يوم حِنّا التقينــا
حتى مكانــك كاتبن فيه ذكراك
"""""""""""""""""" ياما ضحكنا فيه و ياما بكينا
و اليوم راجعٍ تعترف في خطاياك
"""""""""""""""""" ليه الهجر ما دام حِنّا وفينــــا
ضاعت حياتي بين صدّك و رجواك
"""""""""""""""""" و ضاعت حياتك يوم راحت علينا
مثل الغريق اللي على حوض الأدراك
"""""""""""""""""" حِنّـــا غرقنا بالهوى ما نجينا
هذي سِواتِك من يسوي سِواياك
"""""""""""""""""" يا خاين العشرة ترانا سلينــــا
خلاص هانت كلّها أيام و أنساك
"""""""""""""""""" حبٍ جديد غير حبك لقيـــنــا
مات الخفوق اللي يهوجس بطرواك
"""""""""""""""""" مرحومْ يا حبٍ توفـــى حزينا
الشاعر ... صالح العبداني