من صندوق &ذايع&
(ألا يا ساكنه بأبها)
ألا يا ساكنه بأبها سلام لنفحة الأنفاس
سلامي للخدود الورد ولحظٍ داكن وصافي
غرام وحب وأشواق ووصال وعشق ثم احساس
رخيص القلب يفداكي ما دامه صار لك وافي
أنا يا عذبة المنطق وموعد صورته هوجاس
أحبك حب ما بعده ولا زيّه أبد ما في
لكي غرّه على العينين تدلت كإنها حرّاس
وطرفك من ورا الحرّاس أميرة بسجنها الخافي
أميرة بس مأسورة وترمي بالنظر للناس
سجينه وسجنها رمشٍ سجنته في بحر قافي
ولكي وجنه مثل ورده خجلها للهوا حساس
ولكي مبسم عرف يسحر حُسن ربي غدا ضافي
ولكي شفّه كما الجمره حمار وخلفها ألماس
بريق الثلج لا قلتي تحت جمرك شتا دافي
أسيّر لك خطى حرفي ما دامك شمعة الجلاس
وعن حبك أنا ما ملت ولا باأقول أبد كافي
إذا صبحي غديتي له نسيم الفجر والنوماس
وإذا ليلي مسيتي فيه حلم نوم ودفا لحافي
دخيلك دام وسط القلب حضنته عودك الميّاس
تراعي حالة ألأشواق إذا جيتك ولا تخافي
وأبي عيني إذا جاها مع الأشواق زود نعاس
تخلي لي مكانٍ دوم أشوفك فيه وأنا غافي
بقلم&ذايع&
________
يعطيك العافية على مرورك الذوق..فديتك
كلماتك وسام على صدري
كوني بخير يالطيبة