ألا يا أهل الهوى بالله من يروي ضما العطشان = رماني حظي المقفي وأنا ممشي صويب رماح
حسافه يا أول أيامي حسافه ياشقى الولهان = أشوف أجمل حلوم الليل عن عيني بدأ ينزاح
أثرها مصلحه دنياه وأنا اللي ماعشقت أنسان = سراب ن لاح حبيته وأنا أخبر السراب أن لاح
تموت الروح ضميانه ولايوصله الضميان = و كم من عاشق ن يتبع سراب الحب حتى طاح
وأنا كم مرة أمشيلك ولا فكرت ف الاوطان = حفت رجلي على دربك تعبت وقلت لك مرتاح
وأنا والله مانمت الليالي مسهر الاعيان = أحاول أخفي جراحك ولكني غريق جراح
نثر دمعي على خدي وليت اللي جرى ماكان = حرام الحزن ياخذني عقب ماني مع الافراح
أنا لا ماتوقعته تظاهر بالهوى من شان = لزوم ن يلزمه جابه وأذا جابه يبي يرتاح
خلاص أعطيك مايرضيك ولكن لاتجي شفقان = بعد ماطحت من عيني تراني مارفع اللي طاح
خلاص أنسي محبتنا ولا ندري من الغلطان = وأذا مرتني طيوفك ابطلب نازع الارواح
أموت أريح من طعونك أنا ذقت العذاب ألوان = ماعادت تفرق بقلبي أموت أحزن أعيش أرتاح
أنا مليتها دنياك أنا قلبي عشق خوان = أنا طير ن ليا شاف السما حزنه كسير جناح