[جيم تونك]

لا معليش ابوك مو مريض نفسي والمفروض ماتقولين عنه كذا اللحين الاباء لو وصلو لسن معين خلاص من الامراض والكبر تحسينهم عصبييين وشديدين ومن خوفه عليكم تحسبينه انتي شكاك بلاه من البلاوي اللي تصير برا البيت انتي لو قريبه منه وحسستيه بكل شي مافكر انه يشك فيك ولا يفكر الا كيف يسعدك بعدين الوالد لا كبر خلاص اقل شي يزعله واتفه شي انا ابوي الله يخليه لي ويطول لي بعمره يوم كبر صار مره عصبي وصار يتكلم ويجرح خلاص ماالومه رجل كبير بالسن ومعه سكر والسكر هذا يلعب باعصابه لعب يخليه تقل انبوبه غاز بسرعه يعصب بس اني اعرف كيف اراضيه واسايسه اجيه اهمز رجيلاته واقعد معه احياناً اتاخر ع دوامي عشان اجلس معه لانه اللحين كلن كبر وانشغل ماصار احد يجلس معه الواحد لاكبر يدور احد يراعيه هو سو لك كل شي وانتي صغيره لبسك واكلك ورباك ودرسك لا تبخلين عليه بوقتك والله اني احياناً اسحب ع اصحابي وانا مواعدهم لا شفته متضايق وقاعد لحاله يقولي اطلع اقوله انا طيب طلعت وبعدين خلني هنا اوسع صدرك وتوسع صدري اللين الحين والله ابوي مايسمع فيني ولا يستغني عني من بد اخواني بس اخواتي غير هن دايم بالبيت معه وهيك بس من العيال انا اكثر شخص قريب له الا درجه اي حركه يدق يستشيرني اشتري ولا لا ابيع ولا لا حسيت انا الاب موهب هو ترا الانسان وهو صغير يكبر ويصير عقله اكبر بس العكس لا كبر يبدا عقله وخلايه والبثور والصغر عشان كذا اقولك حلك بيدك مالك الا تروحين لابوتس وتسولفين معه وتضحكين معه اكسري حاجز الحياء ترا بالعكس كذا انتي تكسبينه وتكبرين بعينه بمجرد سؤالك عليه ليه يقولون مراهق بالخمسين لا صار عمره 50 عشان خلاص عقله يبدا يتراجع للوراء وياخذه الكلام الحلو والاشياء الحلوه فنصيحتي لتس كاخ مجرب مالتس الا تكسبين رضاه شوفي وش يحب شوفي وش يفضل اكل لبس قولي له يوم يبه خلنا نطلع انا واياك نتمشى هو بيحس فيها ماراح يقولك لا تلاقينه يفاجاك ويدق عليك ويقولك يالله مااقول الا الله يخليه لتس يارب ويخليتس له وتقبلي تحياتي ^_^