يا اوراق الندم .. يا صفحات الوهم
يا حبر الشقا ... ويا قلم الخناجر
عانقت عبراتي في ما مضي من حياتي
اختصرت الوقت لاجل الاقيك
مشيت مسافات لاجل اصافح يديك
شوق وغلا وفراق.. دمع وعنا واشواق
في داخلي تصرخ تناديك
سجنتها في ضلوعي الحنايا
اطلق سراحها ليا كنتي معايا
لكن انتي وين انتي؟
تدرين وش احلا ما في اللقا.. الغياب
وتدرين احلا مافي الحب .. العذاب
تدرين اروع مافي حياتي ..انك حياتي
ولولا الغلا ما نزلت ولا شفتي دمعاتي
انا وانتي ودفتري والقمر
ودلال هيل نجر وجمر
نسيت القلم ولا عاد لبيه لانك معايا
ارتحت من الانتظار والتعب والكتابه وعنايا
وفجاه فزيت.. صرخت وناديت
يوم قمت قلت ياليت .. يا ليت
الى كان ماهو حقيقه حلم
للاسف كان حقيقه وعلم
غاب القمر
ودفتري غطاه الغبار
طاحت الدلال والجمر اصبح رماد
التفت يمين وشفت بطاقه وجنبها باقه
ورد مالها لون ولا شذا
وبطاقه مكتوب فيها افتح الهديه
مسكتها فتحتها
لقيت فيها قلم وورقه مكتوب فيها مع اشواقي والتحايا
اهديتك قلم عشان تكمل معاناتك في الروايا.