اقتباس المشاركة الأصلية كتبت بواسطة الطلحي2000 بعض العــرب لو غـاب يوجـع غيابه=وبعض العرب في غيبته طب الاوجاع وبعض العرب لـو غـاب مـاحـد درابه=وبعض العرب في غيبته كل شي ضاع غــلطــان مــن قــال الاوادم تشــابـه =كــــل وله طــبع علــى النفس طبّاع البعـض هـفـهـاف ســـريع التهـابه=فــي اول المشــوار ياســرع ماماع والبعـض حـيـد مـــرسي يلتجــا به=زيــزوم فــي وقت الملمات فــزاع والبعـض قـــرم فــارس ينتخى به=والبعض عن فعل المعاريف منّاع ورجــل بدرب العـز يشـعب ركابه=ورجــل على درب الدنيّات مطواع ورجل من اهل الطيب واهل الطيابه=ورجـل بطبع الخبث والكـذب طماع ورجــل ببحر العــرف زايد نصـابه=صـقر وله في كــل مرقــاب ميقاع ورجل مايعرف صقرها من غرابه=واذا شــريته ياهــل المعرفه بـاع ورجــل بماله للكرم مــاصخا به=مايفرح المسكين ولا الذي جاع ورجل يتقلب صدق مايندرى به=مرة على القمه ومرة على القاع وبعض العرب درب السنع مامشى به=وله في شقا ابليس شتوة ومرباع ورجــل ليل عــزّم على علم جابه=فعله يســرك كــل نزلــه ومطلاع ورجل يعلّك في سؤال واجابه=يضيع وقتك في تفاصيل واقناع ورجل ليا جاه الطلب واعذابه=يمسي ويصبح بين ولوال وافجاع ورجل قبل يهرج خصومه تهابه=مشهور عن هرج السفاسيف رفّاع ورجّال سلبي مثل بيت الخرابه=من وين ماسار المخاليق تبّاع ورجل بقلبه حقد وجهه غضابه=عسى يروح بدرب مافيه مرجاع ورجل ليا شفته تجيك الكآبه=وجهه به الالوان اشكال وانواع ورجل يشب النار بين القرابه=لاهو الذي مصلح ولا هو بفرّاع ينشر سمومه دون خوف ومهابه=واذا نصحته ماهو للنصح سماع ورجّال ضيع شيبته مع شبابه=غافل لرب الكون والناس ماطاع ياويل مثله يوم يحضر كتابه=إلا يتوب وتعتدل كل الاوضاع راحت حياة الناس مثل النهابه=مثل الرعيه سايرة مالها راع وإن جيت تسأل مالقيت الاجابه=مركب مسافر دون مجداف وشراع يــالله يامنزل هميل الســحابه=ياللي قريب سامع دعوة الداع ياقاسم للعبد زاد وشرابه=ومقدر الارزاق بالمد والصاع ترحم وتغفر قبل يوم النشابه=من دون عفوك كلنا ظمي وجياع وصلوا على طه زعيم الصحابه=عداد برق ساعة الغيث لماع صح السانك 00 قصيده رائعه اتمنى دوما التوفيق لك ولا تحرمنا من جديدك