اقتباس المشاركة الأصلية كتبت بواسطة سعد القريني اقبل خريف العمر والشيب لاحي 00ولاعاد به مرباع ولاعاد به صيد ولاعاد به حيل يذب الشناحي 00وتعبت اقدامي كن في وسطهن قيد زل الطرب من غاب سيد الملاحي 00وتبنا وكنسلنا جميع المواعيد ماعاد باقي من زمان انشراحي 00الا شواهد ذكريات(ن) على البيد لو الاماني ترد ماكان راحي 00ما شفت به دمع(ن)ولا سمع تنهيد تعبت مدري وش ابدي واناحي 00بذَت خفاي امجامله زيد وعبيد واهديت باقي عزبتي مع سلاحي 00للي على طرد الهواء توه اوليد امنولن لاقالوا الخير طاحي 00وكسا الربيع افياضها والصياهيد تليت له جمس يبوج الفياحي 00امناي ومنوه من هوى باله بعيد اسري ان اوياه لين الصباحي 00ومع طلوع الشمس عند اتلع الجيد وزينت كيفي من غدير قراحي 00في خايع ما فحطوا به مقاريد خضر الفياض اللي تداوي جراحي 00ممشاي فيها يجدد العمر تجديد اقبل خريف العمر والشيب لاحي 00ولاعاد به مرباع ولاعاد به صيد خضر الفياض اللي تداوي جراحي 00ممشاي فيها يجدد العمر تجديد الله الله عليك يا سعد قصيده في قمة الرو عه وكائنها من ايام جدي وجدك في اصالتها ومعانيها واستحضار كثير من المفردات فيها اصاله وشموخ وعقل وخبره تقبل اعجابي بهذه الشا مخه المتجذره في ارض الاصاله والبداوه وتقبل تحياتي