انا اتفق مع الاخ (سهرني)...
موضوعك استفزني جدااااااااااا..
بحب ردّ عالموضوع من عدة نواحي...
اولا...(اقدم احترامي لكل شب محترم وبخاف ربنا)...
بدي اسألك عدة اسئلة وياريت حضرتك تجاوب..
1-الي صنع النت هل كتب عليه (للرجال فقط)؟؟
2-مين يلي بتحرش بالبنات رجال والا كائنات من المريخ؟؟
3-مين يلي بيساوي المنتديات الاباحية ومواقع الدردشة مش رجال؟؟
4-مين يلي بنزل مقاطع خليعة وبنشرها عالنت مش رجال؟؟
5-مين يلي بغازل البنات بالمنتديات وبالشوارع وبالاسواق وبكل مكان..مش رجال؟؟
6-مين يلي اول مانزلت الجوالات يلي فيها كاميرا استخدما للشغلات الغلط مش رجال؟؟؟
7-مين يلي بغتصب (الاطفال)..مش بس النساء ولاتحكي لازم نلبس حتى الاطفال (عباية ونحشمهن)..مشان مايتعرضو للاغتصاب..
مش رجال؟؟
8-مين يلي ازا شافو بنات بأي محل بلحقوهن لباب بيتهن مش رجال؟؟
وماتحكيلي كيف العباية..لانو المحترم محترم..وهن مابهمن غير شهوتهن وبس..والا كيف بغتصبو البنات الصغار والاولاد الصغار؟؟
يعني انت خايف عالبنات من( الشباب) لانو الشباب هن سبب المصايب..حسب كلامك
يعني الحل لازم الشباب يقعدو بالبيت مش البنات
بعدين يااستاز..
التربية الصحيحة لازم تكون هيي الاساس..للشب وللبنت سوا
ومفهوم(الشرف) مفهوم كبير
والشرف بخص الشب والبنت لانو مافي بنت شريفة بالعالم تقبل تتجوز شب غير شريف وانا منن ..
وازا بدنا نمنع النت لانو في مفاسد لازم نمنع الشباب يفوتو عليه لانو هن ورا هاي المفاسد..(مع احترامي للمحترمين منن)
ولازم نمنع الموبايلات والتلفزيون وشغلات كتيييييييييييييرة..
(يااستاز نحنا مجتمع بشري مش مجتمع ملائكي مشان نكون معصومين عن الغلط)..
بالنسبة لانتشار الرذائل هاي من علامات الساعة لا انت ولاغيرك رح يوقف شي الله كاتبو منذ الازل.. بس فينا ننصح ونأمر بالمعروف وننهى عن المنكر..
بالاخير ..الحق عالرجل ..اب ..واخ ..وخال ..وعم..وجد
لووقام كل واحد بواجبو تجاه البنت وقدمله الحب والحنان..مابظن في بنت رح تنحرف..
ولو تربى الشب انو يحترم كل بنت بالشارع وانو هيي متل اختو مابظن نشوف او نسمع هيك مصايب..
بالاخير...الرسول صلى الله عليه وسلم رجل وكان من خيرة الرجال
بتمنى كل الشباب يصيرو متلو مشان كل البنات يصيرو متل بناتو..
هاد رأيي وبتمنى تتقبلو...يسلمو.