مافـات فـات ولايفيـد الرجوعـي=ومن لاأغتنم وقته ترى الوقت خدّاع
ومن لايفك الذود وقـت الجموعـي=مايعتبر عند العرب قـرم وشجـاع
ومن لايشير ويستشيـر الربوعـي=هذاك عدّه من قبيلة (بنـي ضـاع)
ومن لايحب الجمع طبعـه قطوعـي=مثل السفينه دون مجـداف وشـراع
تقفيبه الأريـاح ولابـه رجووعـي=لامحصلٍ مسنـع ولاهـو بمسنـاع
جبت المثايل يـوم فكـري قنوعـي=مما تشوف العين من بعض الاوضاع
وانا على بعض المواقـف جزوعـي=اصبر وجازي راعي الصاع بالصاع
ياما صواديف الدهـر بـي تلوعـي=وليا طغـت اكتـم ولانـي بمذيـاع
وتنطحني اهمومٍ على كـل نوعـي=وانا ابتليت وطحت في قشر الانـواع
وقامت تصافق في محاني ضلوعـي=مثل البرد لا من تصافق على القـاع
لو جيت اوصف قلت شـيٍ يروعـي=ما قدر على وصفه ولانـي بلكـاع
حيث الرجل عيَت تمشـى بطوعـي=وما عاد لي بالعلم مدخل ومطـلاع
والحنظله فـي كـل يـومٍ قدوعـي=ومن ذوقها كني على المـر طمـاع
ابدعـي الرحمـن حـزة ركوعـي=انـه يسهلهـا علـى كـل ملتـاع