الأخ الغالي / قـف و نـاظـر
سلمت على هذا الموضوع الرائع و الجميل
والذي يعبر بمصداقـيه بمـا في القلـب
وأنا بدوري عندي انسان أبي أهديه هذه الأبيـات
وهو أغلى ناسي أتمنى لـو أنـه أستطـاع الـمـرور
أدري أني قاسي لكن أداريك و أراعيـك
دامك ساكن القلب وصرت لجسمـي ضـلال
.................وشلون يا خلي ... ما تبيني أغيـر
لي حبيب من كثر ما فيه نور=
=يلتفت للشمس ويقـول أغربي
أيه أغار على الملاك وله الجور=
=حتى لو تغلى قلت هذا حبيبك و عذبي
له حضور ما حلا ذاك الحضور=
=يوم يشرق يسبي عيوني سبي
به جموح الخيل به طلة بدور=
=به حنون الفن بـه لفتـة ظبي
به وقار الشايب الغالي الوقور=
=به براءة طفل أو لهفـة حبـي
فيه عفة نرجس ورقة زهور=
=لو يبـان الـورد منـه يختبي
قبل ينطق يسبق أنفاسه عطور=
=ألف أصلي يا جماعة على النبي
به جميع الشي وأشياء من غرور=
=ما خذ من الزين كل اللي يبي
الحقوق محفوظه
كود:
وأطرح هذه لان في بعض منهم خساره يكون أنـه كفو و رجال
يا حيف تعتقد أنـه خوي و للأسـف الله يبعدكم عنكم صداقة هذا النوع
انا اقول ان بعض الرجال لربعها زود=
=ولكن بعضها يا خساره للرجوله
رجال باللحى غير ما تحت اللحى عود=
=وجيه من سلوم الرجاجيل مغسوله
وانا ما قول قول بغير اثبات وشهود=
=وقول دون برهان انا اضمن لك بطوله
ترى الاجواد تعطي العطا من كل ما جود=
=ولو تزرع بها الجود لابدَك تنوله
وترى الانذال لوجدت فيها تجحد الجود=
=ولو تبذل لها كل ما يدك تطوله
مثل كلب البدو دام قرص العيش ممدود=
=لكن كلب يوفي بما قد قدموا له
مع النذل ان بذلت الحسن فالشر مردود=
=سبقني من يقول اتقوا من تحسنوا له
ترى الانذال لو تستفيد فما بها فود=
=ولو تسقيك ما لما تقول وين العموله
يزيد النذل الى احتجت منه بذل مجهود=
=ولو تكشف لك خفاياه وجهوده فعوله
يزيد النذل بالقول لو الفعل مشهود=
=ولو تقصير يدينه يطول بما يقوله
الى احتاجك يفرش طريقك كله ورود=
=ولو قلت الخطا قال كلمتك معقوله
ولي بان احتياجك لقيت الدرب مسدود=
=ولو رايك سديدفلا يرضى قبوله
الغريب يا محبوبتي ان الثعالب تجي في صورة فهود=
=ولا جات الطبايع رجع كلا لاصوله
عليك الاشيا ترى التقليد منقود=
=وتجنب صحبة النذل لا يعديك زوله
الحقوق محفوظـه
أشكرك يا قف و ناظر على هذا المتصفح الرائع
وأتمنى للجميع التوفيق و المشاركه
والان إلى اللقـاء
أخوك / عبدالله الودعاني