بعد مارجعت من المعهد وكعادتي مريت أسلم على جدتي سلام تيته وش تسوين ؟ هلا ببنيتي الله جابك تعالي ابيك تساعديني جدتي ربي يحفظها لابسه نظارتها وفارده مفرش سريرها بالطول وبالعرض تشتغل فيه هههه تقول شريت المفرش من المحل ويوم جبته ولا موهو الا أبيه طبعآ جدتي تحب الزين ولازم مفرش سريرها يحوفه الدانتيل من جوانبه قامت طلعت مفرش قديم بوه دانتيل وفكته عشان تركبه بالجديد ههههه شغله وتبيني أساعدها وانا الي شوي وأهفي على وجهي من زود التعب والارهاق طيب تيته وديه عند خياط وهو يزينه لتس جدتي : يخسي يلمسه وانا وش لزمتي ورى ماسنع حاجتي طيب كم يبيلك وتخلصين ؟ والله مادري بس الشغله مطوله تعالي وخلك من الكسل طبعآ انا صرت هيك آمري لله وانا الي كنت أمني النفس أتسدح شوي لكن من أجل عين يكرم الف تسدح مر الوقت وماحسيت الا يوم صرت أسمع صلصة أجراس وعصافير زعلانه وهواش وغديت أشوف الوان أحمر واصفر وأخضر بخلفيه سوداء هههههههاي فكرت مالي الا أختي الي منبطحه عند النت لا شغله ولا مشغله دقيت عليها تعالي ابيك ردت علي ببرود أخلصي علي وش تبين ؟ مافيني حيل شوي ويتبعثر كلي محتاجه من وقتك الثمين 30 دقيقه ممكن ؟! كم تدفعين ؟ !!! تخيلوا حسيت أني بجنوب أفريقيا >> وشدخل هذا أسميه أبتزاز ماتسوين شئ لله بتدفعين والا ماني جآيه والا أقولك العشا الليله على حسابك بهالوقت وانا بهالحاله التي أوشكتُ على حافة الهستره خخخ لم يسعني أن أرفض بل لو جردتني من كل شئ لما تفوهت بكلمه