عرض مشاركة واحدة
قديم 26-01-2009, 08:44 AM   رقم المشاركة : 1
مستورالحارثي
( ود فعّال )
 





مستورالحارثي غير متصل

مثلك رحيله خير من حلّه

الله من خافق(ن)فيه العنا زادي=زاد العنا به بعَدْ طالت به العله
صارت حياتي شقا واحزان وانكادي=والكبد من صدّة الخلان معتلّه
خل(ن)خفوقي توجّد له توجّادي=من شدة الشوق له مغرم ومتولِّه
أسهر معه ليل والعربان هجّادي=ساعة يناجيني احسب ليلتي فَلّه
أصبحت مفتون به والشوق يزدادي=أشتاق له كثر شوق البدو للدلّه
ساعة لقانا بكى والدمع منقادي=حتى هدومه غدت بالدمع مبتلّه
يقول عطني عهَد وايمان واوكادي=أخاف تنسى غرامي قلت لا باِلله
لوكان صدام ينسى حكم بغدادي=ما انساك يااللي خفوقي صرت محتلّه
قال انت حبي وعمري ونبضة افْؤادي=قلت انت كلي ويفداك العمر كلّه
واصبح هو اللي بنقضان العهد بادي=ماكنّ له في الهوى ذمّة ولا ملّه
صدّ وْجفاني وشمّتْ فيّ حسادي=من غير ذنب(ن)حصل مني ولا زلّه
لو كانت السالفة صدّةْ زعل عادي=كنا نقول انها سهلة ومنحلّه
ياماترجيت لكن فيه مافادي=الين كثر الترجي خاطري ملّه
ياكم نصحته وحذّرته من اعنادي=كم قلت زود الجفا ياصاحبي خَلّه
مادمت ياصاحبي في الهجر متمادي=واصبحت لغز ابحياتي مقدر آحلّه
بذكِّرك في مثل يروى وينعادي=اذا حبيبك عسل لا تلحسه كله
وش لي بحب(ن)حرمني شربي وزادي=لوكان يظما خفوقي شوق مابلّه
مالك مكان ابحياتي خلنا ابعادي=ارحل ومثلك رحيله خير من حِلّه
وانا على رفع راسي عشت معتادي=نفسي عزيزة حشا ماتقبل الذلهّ
ماني ورا الشاردة لاحق وطرادي=من عافنا مانبي شمسه ولا ظله


مستور محمد الحارثي

الطائف - 24/7/1427
7